spot_img
Homeຂ່າວພາຍ​ໃນອັດຕະປື ເລີ່ມຫ້າມປະຊາຊົນຂຸດຄົ້ນຫີນອ່ອນ ຫຼັງອະນຸຍາດກ່ວາ 40 ບໍລິສັດເຂົ້າສຳຫຼວດ

ອັດຕະປື ເລີ່ມຫ້າມປະຊາຊົນຂຸດຄົ້ນຫີນອ່ອນ ຫຼັງອະນຸຍາດກ່ວາ 40 ບໍລິສັດເຂົ້າສຳຫຼວດ

Published on

 

ອຳນາດ​ການ​ປົກຄອງ​ແຂວງ​ອັດຕາ​ປື ​ເລີ່ມ​ຫ້າມ​ປະຊາຊົນ​ພາຍ​ໃນ​ແຂວງ​ ບໍ່​ໃຫ້​ເຂົ້າ​ຂຸດ​ຫີນ​ອ່ອນ​ຢູ່​ເຂດ​ພູ​ກາງ​ໂຮງ

ໂດຍ​ໄດ້​ແນະນຳ​ໃຫ້​ເຂົ້າ​ສະໝັກ​ເຮັດ​ວຽກ​ນຳ​ບໍລິສັດ​ຜູ້​ເຂົ້າ​ສຳ​ຫຼວດ ຊຶ່ງ​ມາ​ຮອດ​ປະຈຸ​ບັນ​ນີ້​ມີ​ແລ້ວ​ກວ່າ 40 ບໍລິສັດ

ໄດ້​ຮັບ​ການ​ອະນຸ​ຍາດ ນັບ​ວ່າ​ເພີ່ມ​ຂຶ້ນ​ເກືອບ 30 ບໍລິສັດ​ຈາກ​ທ້າຍ​ເດືອນ​ສິງຫາ​ຜ່ານ​ມາ.

 

ແຂວງ​ອັດຕະ​ປື​ແມ່ນ​ໜຶ່ງ​ໃນ 4 ແຂວງ​ພາກ​ໃຕ້​ຂອງ​ລາວ​ ທີ່​ມີ​ເງື່ອນໄຂ​ຫຼາຍ​ດ້ານ​ ໃນ​ການ​ດຶງ​ດູດ​ການ​ລົງທຶນ​ທັງ​

ພາຍ​ໃນ ແລະ ຕ່າງປະເທດ ໂດຍ​ສະເພາະ​ແມ່ນ​ຂະແໜງ​ພະລັງງານ ແລະ ບໍ່​ແຮ່ ທີ່​ປະຈຸ​ບັນ​ມີ​ຫຼາຍ​ແຮ່​ທາດ​ຍັງ​ບໍ່​ທັນ​

ໄດ້​ຮັບ​ການ​ຂຸດ​ຄົ້ນ ແລະ ສີ່ງ​ທີ່​ກຳລັງ​ເປັນ​ແມ່​ແຮງ​ດຶງ​ດູດ​ນັບ​ແຕ່​ຕົ້ນ​ເດືອນ​ຜ່ານ​ມາ​ຈົນ​ເຖິງ​ຂະນະ​ນີ້ ​ກໍແມ່ນ​ຫີນ​

ອ່ອນ ແລະ ຫີນ​ປະດັບ ໂດຍ​ມີ​ບໍລິສັດ​ສົນໃຈ​ເຂົ້າ​ສຳ​ຫຼວດ​ທັງ​ໝົດ 100 ກວ່າຫົວໜ່ວຍ ຈາກ​ພາຍ​ໃນ ແລະ ຕ່າງປະ

ເທດ.

 

ທ່ານ ສີ​ສະຫວັນ ຈັນທະ​ໄພບູນ ຫົວໜ້າພະແນກ​ຊັບພະຍາກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ​ແຂວງ ໄດ້​ເປີດ

ເຜີຍ​ຕໍ່ທີມ​ຂ່າວ​ເສດຖະກິດ​ ຜ່ານ​ໂທລະສັບ​ເມື່ອ​ວັນ​ທີ 2 ກັນຍາ​ນີ້​ວ່າ: ໃນ​ຈຳນວນ​ທັງ​ໝົດ​ນັ້ນ​ແຂວງ​ອະນຸຍາດ​ໄປ

​ແລ້ວ​ກວ່າ 40 ບໍລິສັດພາຍ​ໃນ ແລະ ບັນດາ​ແຂວງ​ອ້ອມ​ຂ້າງ ທີ່​ໄດ້​ວາງເງິນ​ຄ້ຳປະກັນ​ບໍລິສັດ​ລະ​ປະມານ 400 ລ້ານ

​ກີບໃນ​ເນື້ອທີ່​ຜູ້​ລະ 5 ເຮັກຕາ ຈາກ​ທັງ​ໝົດ​ທີ່​ສາມາດ​ເບິ່ງ​ເຫັນ​ດ້ວຍ​ຕາ​ເປົ່າ 1.020 ເຮັກຕາ ໂດຍ​ໃນ​ເດືອນ​ນີ້​ຈະ​

ໃຫ້​ຜົນ​ສະຫຼບ​ການ​ສຳ​ຫຼວດ​ບາງ​ບໍລິສັດ​ໃນ​ເບື້ອງ​ຕົ້ນ ຊຶ່ງ​ມີ​ພະນັກງານ​ຂອງ​ລັດ​ຕາງໜ້າ​ແຕ່ລະໜ່ວຍ​ງານ​ເຂົ້າ​ຕິດ

ຕາມ​ນຳ.

 

ຢ່າງໃດ​ກໍຕາມ ທ່ານ ສີ​ສະຫວັນ ຈັນທະ​ໄພບູນ ກ່າວ​ວ່າ: ປະຈຸ​ບັນ​ແມ່ນ​ໄດ້​ເລີ່ມ​ຫ້າມ​ປະຊາຊົນບໍ່ໃຫ້​ເຂົ້າ​ໄປ​ຂຸດ​ຫີນ​ທີ່

​ອະນຸຍາດ​ ໃຫ້ບໍລິສັດເຂົ້າ​ສຳ​ຫຼວດ​ແລ້ວ ແຕ່​ໄດ້​ມີ​ການ​ປຸກລະດົມ​ປະຊາຊົນ​ຜູ້​ທີ່​ເຄີຍ​ໄປ​ຂຸດ​ຫີນ​ດັ່ງກ່າວມາ​ຂາຍ ​ໃຫ້​

ເຂົ້າ​ໄປ​ສະໝັກ​ເປັນ​ກຳມະກອນ​ນຳ​ບໍລິສັດ​ສຳ​ຫຼວດ ທີ່​ອາດ​ຈະ​ສ້າງເສດຖະກິດ​ເຂົ້າ​ຄອບຄົວ​ໄດ້​ດີ​ກວ່າ ຊຶ່ງ​ບໍລິສັດ​ໜຶ່ງ

​ແມ່ນ​ມີ​ຄວາມ​ຕ້ອງການ​ພະນັກງານ​ຈຳນວນ 15 ຄົນ ເປັນ​ຢ່າງ​ຫນ້ອຍ ຂະນະ​ທີ່​ປະຈຸ​ບັນ ເພື່ອ​ຫຼີກ​ເວັ້ນ​ບັນຫາ​ຄວາມ

ສັບສົນ​ ທາງ​ແຂວງ​ໄດ້​ກຳນົດ​ລາຄາ​ຊື້-ຂາຍ​ຫີນ​ອ່ອນ​ໄວ້​ ທີ່​ລາຄາ​ຕ່ຳ​ສຸດ​ບໍ່​ໃຫ້​ຫຼຸດ 40 ພັນ​ກີບ​ຕໍ່​ກິໂລ ຫຼື 1 ໂຕນ​ປະມານ

40-50 ລ້ານ​ກີບ.

 

ສຳລັບ​ພູ​ກາງ​ໂຮງ​ເຂດ​ທີ່​ມີ​ຫີນ​ອ່ອນ​ ແມ່ນ​ເປັນ​ຈຸດ​ຫ່າງ​ໄກ​ທຸລະກັນດານ​ ຕ້ອງ​ຍ່າງ​ເທົ່າ​ນັ້ນ​ຈຶ່ງ​ຈະ​ເຂົ້າ​ເຖິງ ໂດຍ​ໃຊ້​ເວ

ລາ​ປະມານ 5 ມື້​ໃນ​ການ​ເດີນທາງ​ໄປ​ກັບ ຊຶ່ງ​ຫ່າງ​ຈາກ​ເທສະບານ​ເມືອງ​ພູ​ວົງ​ປະມານ 40 ກິໂລ​ແມັດ ແລະ ຫ່າງ​ຈາກ​ເທ

ສະບານ​ແຂວງ​ອັດຕະປື​ ລົງ​ໄປ​ທາງ​ຊາຍ​ແດນ​ກຳປູເຈຍ​ປະມານ 50-60 ກິໂລ​ແມັດ.

 

ແຫຼ່ງຂ່າວ: ເສດຖະກິດ – ສັງຄົມ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...