spot_img
Homeຂ່າວພາຍ​ໃນລາວໄດ້ປຽບ ດຸນການຄ້າ ໃນປີ 2017 ຖືເປັນປີທີ 2 ຕິດຕໍ່ກັນ

ລາວໄດ້ປຽບ ດຸນການຄ້າ ໃນປີ 2017 ຖືເປັນປີທີ 2 ຕິດຕໍ່ກັນ

Published on

ການຄ້າ​ຕ່າງປະ​ເທດ​ຂອງ​ລາວ​ມີ​ມູນ​ຄ່າ​ເກີນ​ກວ່າ 9.345 ລ້ານ​ໂດ​ລາ ​ໂດຍ​ທີ່ລາວ​ໄດ້​ປຽບດຸນ​ການ​ຄ້າ ​ໃນ​ມູນ​ຄ່າ 261 ລ້ານ​ໂດ​ລາ ​ໃນ​ປີ 2017 ທັງ​ຄາດ​ວ່າ ມູນ​ຄ່າການ​ຄ້າ​ ຈະ​ເພີ້ມຂຶ້ນ​ເປັນ 9.993 ລ້ານ​ໂດ​ລາ ​ໃນ​ປີ 2018.

ກະຊວງ​ອຸດ​ສາ​ຫະກໍາ​ ​ແລະການ​ຄ້າລາຍ​ງານ​ວ່າ ການ​ຄ້າ​ຕ່າງປະ​ເທດ​ຂອງ​ລາວໃນ​ຊ່ວງ​ປີ 2017 ​ມີ​ມູນ​ຄ່າ​ເກີນ​ກວ່າ 9.345 ລ້ານ​ໂດ​ລາ ​ໃນ​ນີ້​ເປັນ​ການ​ສົ່ງ​ສິນຄ້າ​ອອກ​ໄປ​ຕ່າງປະ​ເທດ​ໃນ​ມູນ​ຄ່າ​ເກີນ​ກວ່າ 4.803 ລ້ານ​ໂດ​ລາ ​ເພີ່ມ​ຂຶ້ນ​ເຖິງ 13.4 ​ເປີ​ເຊັນ​ເມື່ອທຽບ​ໃສ່ກັບ​ປີ 2016. ສ່ວນ​ການ​ນໍາ​ເຂົ້າສິນຄ້າ​ຈາກ​ຕ່າງປະ​ເທດ​ກໍ​ມີ​ມູນ​ຄ່າ​ລວມ 4.542 ລ້ານ​ໂດ​ລາ, ເພີ່ມ​ຂຶ້ນ​ 7.6 ​ເປີ​ເຊັນ ທຽບ​ໃສ່ກັບ​ປີ 2016 ຊຶ່ງ​ເຮັດ​ໃຫ້​ລາວ​ໄດ້​ປຽບດຸນ​ການ​ຄ້າ​ໃນ​ມູນ​ຄ່າ 261 ລ້ານ​ໂດ​ລາ ​ແລະ​ ຖື​ເປັນ​ປີ​ທີ 2 ຕິດຕໍ່ກັນ​ທີ່​ລາວ​ໄດ້​ປຽບດຸນ​ການ​ຄ້າ​ຕ່າງປ​ະ​ເທດ.

ສໍາລັບ​ໃນ​ຕະຫລອດ​ປີ 2018 ນີ້ ລັດຖະບານ​ລາວ​ກໍ​ຄາດ​ໝາຍວ່າ ການ​ຄ້າ​ຕ່າງປະ​ເທດຈະ​ມີ​ມູນ​ຄ່າ​ເພີ້ມຂຶ້ນ​ເປັນ 9.993 ລ້ານ​ໂດ​ລາ ຖ້າ​ຫາກ​ວ່າ​ສາມາດ​ຊຸກຍູ້​ການ​ສົ່ງ​ສິນຄ້າອອກ​ໄປ​ຕ່າງປະ​ເທດໄດ້​ຕາມ​ເປົ້າໝາຍ ທີ່​ວາງ​ໄວ້​ໃນ​ມູນ​ຄ່າ​ລວມ 5.015 ລ້ານ​ໂດ​ລາ ແລະ​ຄວບ​ຄຸມ​ການ​ນໍາ​ເຂົ້າສິນຄ້າ​ຈາກ​ຕ່າງປະ​ເທດ ​ໃຫ້​ມີ​ມູນ​ຄ່າ​ລວມບໍ່​ເກີນ 4.978 ລ້ານ​ໂດ​ລາ ຊຶ່ງ​ຈະ​ເຮັດ​ໃຫ້​ລາວ​ໄດ້​ປຽບດຸນ​ການ​ຄ້າ ​ເປັນ​ປີ​ທີ 3 ​ໂດຍ​ສິນຄ້າ​ສົ່ງ​ອອກ​ຕົ້ນຕໍ​ແມ່ນ​ໄຟຟ້າ, ​ແຮ່​ທາດ, ສິນຄ້າ​ອຸດ​ສາ​ຫະກໍາ ​ແລະ​ສິນຄ້າ​ກະສິກໍາ. ຫາກ​ແຕ່​ບັນຫາ​ທີ່​ຜ່ານ​ມາ​ກໍ​ຄື​ການ​ສົ່ງ​ອອກ​ສິນຄ້າ​ກະສິກໍາ​ຂອງ​ລາວ ​ໄດ້​ຫລຸດ​ລົງ​ຢ່າງ​ຕໍ່​ເນື່ອງ ​ໂດຍ​ມີ​ສາ​ເຫດ​ມາ​ຈາກ​ຄຸນ​ນະພາ​ບການ​ຜະລິດ​ທີ່​ບໍ່​ໄດ້​ມາດຕະຖານທັງ​ຍັງ​ຂາດ​ການສະໜັບສະໜຸນຢ່າງ​ແທ້​ຈິງ ຈາກ​ພາກ​ລັດ​ອີກ​ດ້ວຍ

 

ແຫລ່ງຂ່າວ: ວີໂອເອລາວ

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...