ມື້ນີ້, ວັນທີ 6 ກຸມພາ 2018 ລາຍງານຂ່າວຈາກແຂວງອັດຕະປືໃຫ້ຮູ້ວ່າ ເຈົ້າໜ້າທີ່ກອງກວດກາປ່າໄມ້ ແລະ ປກສ ແຂວງອັດຕະປື ໄດ້ອອກເຄື່ອນໄຫວສະກັດກັ້ນ ແລະ ປາບປາມ ຂະບວນການລັກລອບຕັດໄມ້ ເຂດນ້ຳຊວນ, ພູຍາງ ເມືອງພູວົງແຂວງອັດຕະປື ບໍລິເວນຊາຍແດນ ລາວ-ຫວຽດນາມ ແລະ ກຳປູເຈຍ ເຊິ່ງສາມາດກັກລົດໄຖ ໄດ້ 3 ຄັນ, ໄມ້ 33 ແມັດກ້ອນ ແລະ ກັກຜູ້ລັກລອບໄດ້ 4 ຄົນ ພ້ອມນຳສົ່ງໃຫ້ແຂວງ ເພື່ອດຳເນີນຄະດີຕາມລະບຽບກົດໝາຍ.