spot_img
Homeຂ່າວພາຍ​ໃນເປີດໂຄງການໂຮງໝໍຂະໜາດໃຫ່ຍ 2 ແຫ່ງ

ເປີດໂຄງການໂຮງໝໍຂະໜາດໃຫ່ຍ 2 ແຫ່ງ

Published on

ພາກລັດຖະບານ ໃຫ້ຄວາມສໍາຄັນ ແລະ ເປີດກ້ວາງຂະແໜງສາທາລະນະສຸກຫຼາຍຂຶ້ນ ໂດຍເປີດໂອກາດໃຫ້ພາກເອກະຊົນໃຫ້ມີສ່ວນຮ່ວມ, ອາທິດຜ່ານມາມີການເປີດໂຄງການໂຮງໝໍຂະໜາດໃຫ່ຍເຖິງ 2 ແຫ່ງ ຄາດການວ່າຈະມີໂຮງໝໍລະດັບດີເລີດເຂົ້າມາເສີມອີກໃນ ມໍ່ໆນີ້.

•Mahosoth Hospital 600ຕຽງແຜນການ 1000 ຕຽງ

ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໄດ້ລາຍງານໃຫ້ຮູ້ວ່າ: ໂຄງການກໍ່ສ້າງໂຮງໝໍມະໂຫສົດຫລັງໃໝ່ ເປັນໂຮງໝໍຂະໜາດ 600 ຕຽງ, ສູງ 8 ຊັ້ນ, ເນື້ອທີ່ດິນກໍ່ສ້າງ 31 ພັນຕາແມັດ, ພື້ນທີ່ຊົມໃຊ້ 54 ພັນຕາແມັດ, ລວມມູນຄ່າການກໍ່ສ້າງທັງໝົດ 600 ລ້ານກວ່າຢວນປະມານ736ຕື້ກີບ(ການຊ່ວຍເຫລືອລ້າ ຈາກສປຈີນ) ຄາດວ່າຈະສ້າງສຳເລັດໃນປີ 2020.
ໂຄງການດັ່ງກ່າວ, ເປັນໂຄງການຂະໜາດໃຫຍ່ທີ່ສຸດ,ຈຳນວນຕຽງ ແລະ ມູນຄ່າການກໍ່ສ້າງຫລາຍທີ່ສຸດທີ່ລັດຖະບານຈີນ ໄດ້ໃຫ້ການຊ່ວຍເຫລືອໃນການກໍ່ສ້າງໂຮງໝໍແກ່ຕ່າງປະເທດ.
ໂຮງຫມໍມະໂຫສົດຫຼັງໃຫມ່ແມ່ນຕັ້ງໃນເນື້ອທີ່ເກົ່າ

•Kasemraj Vientiane International Hodpital 100ຕຽງ (ເລີ່ມຕົ້ນ)

ໂດຍເປັນໂຄງການຮ່ວມມືລະຫວ່າງນັກທຸລະກິດລາວກັບກະເສມຣາດກຣຸບ ຈາກປະເທດໄທ ຊຶ່ງເປັນຜູ້ໃຫ້ບໍລິການດ້ານສຸຂະພາບມາເປັນເວລາຫຼາຍປີຢູ່ປະເທດໄທ. ໂຮງໝໍແຫ່ງໃໝ່ນີ້ຈະນຳໃຊ້ງົບປະມານຫຼາຍເຖິງ 50 ລ້ານໂດລາເຂົ້າໃນການກໍ່ສ້າງ ຫວັງເປັນສ່ວນໜຶ່ງຂອງການປິ່ນປົວສຸຂະພາບປະຊາຊົນກໍ່ຄືຊາວຕ່າງປະເທດທີ່ມາດຳລົງຊີວິດຢູ່ລາວມີທາງເລືອກເພີ່ມຂຶ້ນອີກທາງໜຶ່ງ ແລະຫຼຸດຜ່ອນການຂ້າມຂອງໄປບໍລິການຢູ່ຝັ່ງໄທດັ່ງທີ່ເປັນຢູ່ໃນທຸກວັນນີ້.

•Vientiane Base Hospital 400 ຕຽງ

ເຈົ້າຂອງ​ໂຄງການ​ກໍ່ສ້າງ​ໂຮງໝໍ​ນະຄອນ​ຫຼວງ​ວຽງ​ຈັນເບສ ກ່າວວ່າ: ໂຮງໝໍ​ນະຄອນຫຼວງ​ວຽງ​ຈັນເບສ ເປັນ​ໂຮງໝໍ​ທີ່​ໃຫຍ່ ແລະ ມີ​ອຸປະກອນ​ທີ່​ທັນ​ສະໄໝ​ຄົບ​ຖ້ວນ ເປັນ​ແຫ່ງ​ທຳ​ອິດ​ຢູ່ ​ສປປ ລາວ ສະຖານທີ່​ຕັ້ງ​ຢູ່​ບ້ານ​ດົງ​ຊຽງ​ດີ ເມືອງ​ນາ​ຊາຍ​ທອງ ນະຄອນຫຼວງ​ວຽງ​ຈັນ ມີ​ເນື້ອທີ່ 33 ເຮັກຕາ ອາຄານ​ໂຮງໝໍ​ຂະໜາດ 9 ຊັ້ນ 1 ຫຼັງ ອາຄານ 5 ຊັ້ນ 3 ຫຼັງ ອາຄານ​ສຳລັບ​ຜູ້​ອາຍຸ​ສູງ 1 ຊັ້ນ 50 ຫຼັງ ປະກອບ​ມີ 400 ຕຽງ ພ້ອມ​ທັງ​ມີ​ອຸປະກອນ​ການ​ແພດແບບ​ຄົບ​ຊຸດ ໄລຍະ​ການ​ກໍ່ສ້າງ 36 ເດືອນ ມູນ​ຄ່າ​ການ​ກໍ່ສ້າງ 413.183.000 ໂດ​ລາ​ສະຫະລັດ ຫຼື ປະມານ 3.435,44 ຕື້​ກີບ ໂດຍ​ແມ່ນ​ທຶນ​ຂອງ​ເອກະ​ຊົນ 100% ໂຮງໝໍ​ນະຄອນຫຼວງວຽງ​ຈັນເບສ ຈະ​ເນັ້ນ​ໜັກ​ການປິ່ນປົວ​ດ້ວຍ​ເຄື່ອງມື​ທີ່​ທັນ​ສະໄໝ ມີ​ຄວາມ​ສາມາດ​ໃນ​ການ​ບົ່ງ​ມະຕິ​ພະຍາດ ໂດຍ​ໃຊ້​ເຄືອ​ຄ່າຍ​ທາງອິນ​ເຕີ​ເນັດ ແລະ ໃຫ້ການ​ບໍ​ລິການ​ທີ່​ດີ​ແກ່​ປະຊາຊົນ ພ້ອມ​ນີ້ຍັງ​ມີ​ແພດ​ໝໍ​ທີ່​ມີ​ປະສົບ​ການຫຼາຍ 10 ປີ ເນັ້ນ​ຂອດ​ການ​ໃຫ້ການ​ບໍລິການ​ເທົ່າ​ທຽມ​ກັບ​ນາໆປະເທດ.

 

ແຫລ່ງຂ່າວ: Support Pm Thongloun Sisoulith

 

 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...