ເອເອຟພີລາຍງານວັນທີ 25 ມັງກອນ 2018 ເຖິງຜົນການຕັດສິນຄະດີດັງໄປທົ່ວສະຫະລັດອາເມລິກາ ເມື່ອມີນັກກີລາຍີມນາສຕິກໃນອະດີດກວ່າ 156 ຄົນເປັນໂຈດ ແລະ ພະຍານໃນສານຮວມຕົວກັນເອົາຜິດທ້າວ ແລຣີ ນາສຊາຣ໌ ອາຍຸ 54 ປີ ອະດີດແພດປະຈຳທີມຊາດສະຫະລັດ ຜູ້ທີ່ໄດ້ສາຍາວ່າເປັນໝໍເທວະດາທີ່ຮັກສາອາການບາດເຈັບຂອງນັກກີລາມາຫຼາຍຮຸ້ນ ແຕ່ກັບອາໃສຕຳ ແໜ່ງໜ້າທີ່ຕະຫຼອດເວລາ 20 ປີທີ່ຜ່ານມາ ໄດ້ມີການລ່ວງລະເມີດທາງເພດເດັກສາວມາແລ້ວນັບຮ້ອຍຄົນ ຈຳເລີຍຖືກພິພາກສາໃຫ້ຕິດຄຸກເປັນເວລາດົນເຖິງ 40-175 ປີ, ໄອຍະການກ່າວວ່າ ທ້າວ ນາສຊາຣ໌ ອາດເປັນຜູ້ກໍ່ຄະດີລ່ວງລະເມີດທາງເພດຕໍ່ເດັກແບຕໍ່ເນື່ອງຫຼາຍທີ່ສຸດໃນປະຫວັດສາດສະຫະລັດ
ກ່ອນຈະຮັບໂທດຕິດຄຸກໃນຄະດີນີ້ ທ້າວ ນາສຊາຣ໌ຕ້ອງຮັບໂທດຕິດຄຸກ 60 ປີ ຈາກຄະດີຄອບຄອງຮູບໂປ້ຂອງເດັກຍິງກ່ອນ ທີ່ຄຸກເຂດອີທັນໃນມິຊິແກນ ຫາກມີຄວາມປະພຶດດີອາດໄດ້ຮັບການຫຼຸດໂທດລົງເຫຼືອ 55 ປີ ຈາກນັ້ນຈິ່ງໄດ້ຮັບໂທດຕິດຄຸກອີກເກືອບຮ້ອຍປີ ຫາກລາວຍັງມີຊີວິດຢູ່