spot_img
Homeຂ່າວພາຍ​ໃນລາວ-ຫວຽດນາມ ຕົກລົງຮ່ວມກັນສ້າງທາງດ່ວນ ເຊື່ອມຕໍ່ຊາຍແດນ ລະຫວ່າງກັນ

ລາວ-ຫວຽດນາມ ຕົກລົງຮ່ວມກັນສ້າງທາງດ່ວນ ເຊື່ອມຕໍ່ຊາຍແດນ ລະຫວ່າງກັນ

Published on

ພັນ​ໂທ ​ບົວ​ພາ ​ໄມ​ສອນ ຫົວໜ້າ​ພະ​ແນກຂົວ​ທາງ ກົມ​ໃຫຍ່​ເສນາ​ທິການ ກອງທັບ​ປະຊາຊົນ​ລາວ ຖະ​ແຫຼ​ງວ່າ​ ພິທີ​ເປີດ​ໂຄງການ​ກໍ່ສ້າງ​ເສັ້ນທາງ​ຍຸດ​ທະ​ສາດ​ລຽບ​ຕາມ​ຊາຍ​ແດນ​ລາວ​-ຫວຽດນາມ ​ໄດ້​ມີ​ຂຶ້ນ​ຢ່າງ​ເປັນ​ທາງ​ການ​ທີ່​ເມືອງ​ຊານໄຊ ​ແຂວງ​ອັດ​ຕະປື ​ເມື່ອ​ວັນ​ທີ 29 ທັນວາ 2017 ທີ່ຜ່ານມາ ​ໂດຍ​ມີ​ພົນ​ຈັດຕະວາ ສິງ​ສະຫວັດ ພົມມະ​ສັກ ຮອງ​ຫົວໜ້າ​ກົມ​ໃຫຍ່​ເສນາ​ທິການ ​ເປັນ​ປະທານໃນ​ພິທີ ຖື​ເປັນ​ໄລຍະທີ 1 ຂອງໂຄງການ ເຊິ່ງຈະ​ເປັນ​ການ​ກໍ່ສ້າງ​ຖະຫນົນ​ ຈາກ​ຈຸດ​ເລີ່​ມຕົ້ນ​ເຂດ​ສາມ​ຫຼ່ຽມ​ພັດທະນາ ​ລະຫວ່າງ​ລາວ-​ຫວຽດນາມ-​ກຳ​ປູ​ເຈ​ຍ ​ໃນເຂ​ດ​ແຂວງ​ອັດຕະປື ​ໄປ​ຫາ​ຊາຍ​ແດນ​ແຂວງ​ເຊ​ກອງ ​ໄລຍະ​ທາງ 115 ກິ​ໂລ​ແມັດ, ກວ້າງ 5 ​ແມັດ ແລະ ​ຢູ່​ຫ່າງ​ຈາກ​ເສັ້ນ​ຊາຍ​ແດນ​ລາວ-​ຫວຽດນາມ 150-200 ແມັດ.
​ກໍ່ສ້າງ​ເສັ້ນທາງ​ໃນ​ໄລຍະ​ທີ 1 ນີ້ ​ໂດຍ​ຈະ​ໃຊ້​ງົບປະມານ​ຫຼາຍ​ກວ່າ 301 ຕື້​ກີບ ​ທີ່​ລັດຖະບານ​ລາວ​ໄດ້​ອະນຸມັດ​ຮຽບຮ້ອຍ​ແລ້ວ
​ໃນ​ແຜນການ​ປະຈຳ​ປີ 2017 ​ແລະ​ຄາດ​ວ່າ ຍັງ​ຈະ​ສືບ​ຕໍ່​ອະນຸມັດ​ງົບປະມານ​ສຳ​ລັບ​ດຳ​ເນີນ​ງານ​ໄລຍະທີ 2 ຂອງ​ໂຄງການ​ໃນ​ແຜນການ​ປີ 2018 ນີ້​ອີກ​ດ້ວຍ ​ເພາະ​ລັດຖະບານ​ລາວ ​ແລະ​ຫວຽດນາມ​ຕ້ອງການ​ພັດທະນາ​ເມືອງ​ໃນ​ຕະຫຼອດ​ແນວ​ເຂດ​ຊາຍ​ແດນ​ລະຫວ່າງ 2 ປະ​ເທດ​ໃຫ້​ເປັນ​ເມືອງ​ພັດທະນາ​ຢ່າງຮອບດ້ານ​ແລະ​ມີ​ຄວາມ​ສະ​ຫງົບ​ປອດ​ໄພ 100 ​ເປີ​ເຊັນ ​ໃຫ້​ໄດ້​ໄວ​ທີ່​ສຸດ​ນັ້ນ​ເອງ.
ແຫລ່ງຂ່າວ: ວີໂອເອ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...