ອຸກາບາດ ຫລື ດາວຕົກດັ່ງກ່າວປະກົດໃຫ້ເຫັນຊັດເຈນ ຕົກຜ່ານທ້ອງຟ້າໃນຫລາຍພື້ນທີ່ແຖບຕາເວັນຕົກຕອນກາງຂອງສະຫະລັດ ທັງໃນລັດໂອໄຮໂອ, ມິຊິແກນ, ລວມເຖີງລັດອອນແທຣິໂອຂອງການາດາໃນຄືນວັນອົງຄານທີ່ຜ່ານມາຕາມເວລາທ້ອງຖີ່ນ.
ຊ່າງພາບສະຫມັກຫລີ້ນລວມເຖີງກ້ອງບັນທຶກວົງຈອນ ແລະ ກ້ອງບັນທຶກເທີງພາຫະນະສາມາດບັນທຶກພາບໄວ້ໄດ້ຢ່າງຊັດເຈນ ໃນພື້ນທີ່ໃກ້ເມືອງດີທຣອຍ ທາງຕາເວັນອອກຂອງລັດມິຊິແກນ. ການຕົກຂອງອຸກາບາດຍັງສົ່ງຜົນໃຫ້ເກີດແຮງສັ່ນສະເທືອນຂະຫນາດ 2.0 ເຮັດໃຫ້ບ້ານເຮືອນໃນພື້ນທີ່ສັ່ນໄຫວ ຜູ້ຄົນທີ່ພົບເຫັນຕ່າງຕື່ນຕົກໃຈ ແຕບໍ່ມີລາຍງານຄວາມເສຍຫາຍເກີດຂື້ນ ຂະນະດຽວກັນຜູ້ທີ່ພົບເຫັນປະກົດການອຸກາບາດດັ່ງກ່າວຍັງໄດ້ບັນທຶກພາບໄວ້ ແລະ ນຳໄປເຜີຍແຜ່ໃນສື່ສັງຄົມອອນລາຍ ຈົນກາຍເປັນກະແສນິຍົມໃນຊ່ວງເວລາຫນື່ງດ້ວຍ.
ແຫລ່ງຂ່າວຕ່າງປະເທດ TNA