spot_img
Homeຂ່າວພາຍ​ໃນປີ 2017 ຜ່ານມາ ລັດຖະບານສັ່ງຍຸບໂຮງງານປຸງແຕ່ງໄມ້ບໍ່ຖືກກົດໝາຍ 140 ແຫ່ງ.

ປີ 2017 ຜ່ານມາ ລັດຖະບານສັ່ງຍຸບໂຮງງານປຸງແຕ່ງໄມ້ບໍ່ຖືກກົດໝາຍ 140 ແຫ່ງ.

Published on

ໃນ​ປີ 2017 ຜ່ານ​ມາ, ລັດຖະບານ​ໄດ້​ເອົາ​ໃຈ​ໃສ່​ສົ່ງ​ເສີມ​ການ​ຜະລິດ​ສິນຄ້າ ​ແລະ ການ​ບໍລິການ​ໃຫ້​ມີ​ຄວາມ​ຫລາກ​ຫລາຍ ​ເພື່ອຫລຸດຜ່ອນ​ການ​ເອື່ອຍ​ອີງ​ໃສ່​ຊັບພະຍາກອນ​ທຳ​ມະ​ຊາດ. ​ໃນ​ຂະນະ​ດຽວກັນ, ກໍ​ໄດ້​ມີ​ການ​ປັບປຸງ ​ແລະ ດັດສົມ​ໂຮງງານ​ປູ​ງ​ແຕ່ງ​ໄມ້ທົ່ວ​ປະ​ເທດທີ່​ດຳ​ເນີນ​ກິດຈະການກ່ອນ​ຄຳ​ສັ່ງ​ເລກທີ 15/ນຍ ​ເຊິ່ງມີ​ 1.595 ​ແຫ່ງ. ​ໃນ​ນັ້ນ, ມີ​ໂຮງງານ​ທີ່​ບໍ່​ໄດ້​ມາດຕະຖານ ​ແລະ ​ເຄື່ອນ​ໄຫວ​ຜິດ​ກົດໝາຍຖືກ​ສັ່ງ​ຍຸບຈຳນວນ 140 ​ແຫ່ງ ຄື: ​ໄຊ​ຍະ​ບູລີ ຍົກ​ເລີກ 83 ​ແຫ່ງ, ນະຄອນຫລວງ 8 ​ແຫ່ງ, ບໍລິ​ຄຳ​ໄຊ 13 ​ແຫ່ງ, ສະຫວັນ​ນະ​ເຂດ 13 ​ແຫ່ງ, ສາລະ​ວັນ 4 ​ແຫ່ງ ​ແລະ ແຂວງ​ເຊ​ກອງ 19 ​ແຫ່ງ. ອີງ​ຕາມ​ແຜນ​ພັດທະນາ​ເສດຖະ ກິດ-​ສັງຄົມຂອງ​ລັດຖະບານ 2017.

ການຈັດ​ຕັ້ງ​ຜັນ​ຂະຫຍາຍຄຳ​ສັ່ງ​ເລກທີ 15/ນຍ ​ປີຜ່ານມາ ​ແມ່ນ​ເປັນ​ຂະ​ບວນການ​ກວ້າງຂວາງ ​ແລະ ມີ​ຜົນສຳ​ເລັດ​ສູງຢູ່​ໃນ​ຂອບ​ເຂດ​ທົ່ວ​ປະ​ເທດ, ​ເຊິ່ງສາມາດ​ປັບປຸງ​ແກ້​ໄຂ​ ​ແລະ ສະກັດ​ກັ້ນບັນຫາການ​ລັກລອບ​ການ​ຂຸດຄົ້ນ​ໄມ້ ​ແລະ ສົ່ງ​ອອກ​ໄມ້​​ແບບ​ບໍ່ຖືກ ຕ້ອງ​ຕາມ​ກົດໝາຍ ຫລຸດໜ້ອຍຖອຍ​ລົງຢ່າງ​ຊັດ​ເຈນ, ທັງ​ຫລຸດຜ່ອນ​ການ​ທຳລາຍ​ປ່າ​ໄມ້​ແບບ​ຊະຊາຍ, ​ເຊິ່ງ​ເປັນ​ການປະກອບສ່ວນ​ເຮັດ​ໃຫ້ການ​ປົກ​ຫຸ້ມ​ປ່າ​ໄມ້​ຂອງ ສປປ ລາວ ບັນລຸ​ຕາມ​ແຜນການ 70%​ ໃນ​ປີ 2020. ຢ່າງ​ໃດ​ກໍ​ຕາມການປະຕິບັດ​ນະ​ໂຍບາຍດັ່ງກ່າວ, ​ໄດ້​ສົ່ງ​ຜົນ​ຈຳນວນໜຶ່ງຕໍ່ການ​ປະຕິບັດ​ລາຍ​ຮັບບໍ່​ໄດ້​ຕາມ​ຄາດໝາຍຢູ່​ບາງແຂວງ​ໃນ​ທົ່ວ​ປະ​ເທດ, ​ແຕ່​ວ່າ​ພາກ​ລັດ​ ກໍ​ໄດ້​ມີ​ນະ​ໂຍບາຍ​ສົ່ງ​ເສີມຜະລິດ​ເປັນ​ສິນຄ້າ, ການ​ຂຸດ​ຄົ້ນ ​ແລະ ນຳ​ໃຊ້​ທ່າ​ແຮງທີ່​ມີ​ຢູ່​ໃນ​ແຕ່ລະ​ແຂວງ​ໃຫ້​ມີ​ຄວາມ​ເໝາະສົມ.

 

ແຫລ່ງຂ່າວ: ໜັງສືພິມເສດຖະກິດ-ການຄ້າ

 

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...