ຖ້າສາວໆ ຢາກໄດ້ຮູບຮ່າງງາມ ນອກຈາກຈະຕ້ອງເຮັດແທ້ກັບມັນແລ້ວ ຍັງຕ້ອງມີວິທີລຸດນ້ຳໜັກໃຫ້ຖືກຕ້ອງນໍາອີກ
1. ງົດອາຫານທີ່ມີໄຂມັນຢ່າງເດັດຂາດວິທີນີ້ຈະຊ່ວຍໃຫ້ໜ້າທ້ອງລຸດລົງໄດ້ດີທີ່ສຸດ ເພາະໜ້າທ້ອງຂອງເຮົາຈະເປັນບ່ອນທໍາອິດທີ່ຮ່າງກາຍຈະເອົາໄຂມັນ ສ່ວນເກີນ ມາສະສົມໄວ້
2. ຈຳກັດປະລິມານອາຫານລຽງກັນໄປໃນແຕ່ລະຄາບ ກິນຕອນເຊົ້າໃຫ້ຫລາຍທີ່ສຸດ ຕອນສວາຍຮອງລົງມາ ສ່ວນຕອນຄໍ່າຄວນເປັນຕອນທີ່ກິນນ້ອຍທີ່ສຸດ ຫລື ກິນພຽງແຕ່ຫມາກໄມ້ ຫລື ສະຫລັດຜັກຈານໜຶ່ງກໍ່ພໍແລ້ວ
3. ອອກກຳລັງກາຍຢ່າງນ້ອຍ 3 ຄັ້ງຕໍ່ອາທິດແຕ່ລະເທື່ອບໍ່ຕ່ຳກວ່າ 30ນາທີ ສາວໆ ຄວນຈະອອກກຳລັງກາຍຢ່າງສະໝໍ່າສະເໝີ ເພື່ອໃຫ້ການເຜົາຜານໄຂມັນສ່ວນເກີນເປັນໄປຢ່າງຕໍ່ເນື່ອງ ແລະ ເມື່ອສະຫລາຍໄຂມັນໄດ້ແລ້ວ ການອອກກຳລັງກາຍຕໍ່ໄປກໍຈະເຮັດໃຫ້ກ້າມເນື້ອກະຊັບ ແລະ ປ້ອງກັນບໍ່ໃຫ້ໄຂມັນກັບມາອີກ
4. ສຳລັບການອອກກຳລັງກາຍເພື່ອລຸດນ້ຳໜັກຈະຕ້ອງເນັ້ນທີ່ການເຄື່ອນໄຫວເປັນຈັງຫວະ ຈຶ່ງຈະໄດ້ຜົນດີີ ເຊັ່ນ ເຕັ້ນແອໂລບິກ ແລ່ນ ແລະ ລອຍນ້ຳ
5. ຖ້າສາວໆ ຢາກຈະອອກກຳລັງກາຍສະເພາະສ່ວນເພື່ອຫລຸດໜ້າທ້ອງຄວນຈະເຮັດໃນໄລຍະຕອນເຊົ້າຈະໄດ້ຜົນດີີທີ່ສຸດ ເພາະໃນຕອນເຊົ້າເປັນເວລາທີ່ລະບົບຕ່າງໆ ໃນລຳໄສ້ກຳລັງເຮັດວຽກ ຖ້າໄດ້ອອກກຳລັງກາຍກໍ່ຈະຍິ່ງເສີມການເຜົາຜານບໍລິເວນນີ້ໃຫ້ຫລາຍຂຶ້ນ
6. ສຳລັບທ່າບໍລິຫານຫລຸດໜ້າທ້ອງບໍ່ວ່າຈະເລືອກເຮັດທ່າໃດກໍຕາມ ຄວນຈະເຮັດບໍ່ຕ່ຳກວ່າ ເຊັດລະ 15ທີ ຈາກນັ້ນກໍຄ່ອຍໆ ເພີ່ມຈຳນວນເຊັດຂຶ້ນໄປເລື່ອຍໆ ຈົນເຖິງ 3ເຊັດໃນ 1ຄອດ
7. ຖ້າຈະຫລຸດໜ້າທ້ອງໃຫ້ໄດ້ຜົນຫົວໃຈຫລັກຢູ່ທີ່ການເຮັດໃຫ້ກ້າມເນື້ອໜ້າທ້ອງໄດ້ເຄື່ອນໄຫວຢ່າງຕໍ່ເນື່ອງ ຖ້າທ່າຫລຸດໜ້າທ້ອງທີ່ສາວເລືອກໃຊ້ເຮັດບໍ່ໄດ້ຕາມນີ້ ກໍສະແດງວ່າທ່ານັ້ນເປັນທ່າທີ່ບໍ່ໄດ້ຜົນຫລື ຕໍ່ໃຫ້ອອກກຳລັງກາຍຢ່າງຫັກໂຫມ ແຕ່ໜ້າທ້ອງບໍ່ໄດ້ເຄື່ອນໄຫວເລີຍ ກໍເທົ່າກັບວ່າເສຍແຮງລ້າໆຢູ່ດີ