ການເກັບລາຍຮັບຂອງຂະແຫນງພາສີທົ່ວປະເທດໃນ11 ເດືອນປະຕິບັດໄດ້ພຽງ85,61% ເຊິ່ງຄາດວ່າໝົດປີ ຈະປະຕິບັດໄດ້ 93,84%ຂອງແຜນການປີ; ແຕ່ຫາກທຽບໃສ່ປີຜ່ານມາແມ່ນເພີ່ມຂຶ້ນ19,52%.
ອີງຕາມການລາຍງານຂອງທ່ານ ວົງຄຳແຫງ ວົງທະຈັກ ຮອງຫົວໜ້າ ກົມພາສີ ລາຍງານ ຕໍ່ກອງປະຊຸມວິຊາການພາສີທົ່ວປະເທດ ປະຈຳປີ 2017 ໂດຍການເປັນປະທານຂອງທ່ານ ບຸນປະເສີດ ສີກຸນ ລະບຸດ ຮັກສາການຫົວໜ້າກົມພາສີກະຊວງການເງິນວ່າ:ປີ 2017 ເປັນປີແຫ່ງການຈັດຕັ້ງ ແຜນງົບປະມານ ຕາມປະຕິທິນ ແລະ ການຈັດຕັ້ງປະຕິບັດແຜນລາຍຮັບ ແລະ ວຽກງານວິຊາສະເພາະຂອງຂະແໜງພາ ສີຕາມທີ່ສະພາຮັບຮອງມອບໃຫ້ 6.650 ຕື້ກີບ.
ແຕ່ຜ່ານການຈັດຕັ້ງປະຕິບັດວຽກງານຕົວຈິງ 11 ເດືອນປີ 2017 (ເດືອນມັງກອນ-ພະຈິກ) ສາມາດ ປະຕິບັດໄດ້ 5.693 ຕື້ກີບ ເທົ່າກັບ 85,61 % ຂອງແຜນການປີ ໃນນັ້ນ, ບັນແຂວງຕ່າງໆທີ່ປະຕິບັດ ໄດ້ຫລາຍກ່ອນໝູ່ແມ່ນນະຄອນຫລວງວຽງຈັນປະຕິບັດໄດ້ 2,5 ພັນຕື້ກີບ, 614 ຕື້ກີບ, ສະຫວັນນະເຂດ 614 ຕື້ກີບ, ຈຳປາສັກ 529 ຕື້ກີບ, ໄຊຍະບູລີ 493 ຕື້ກີບ ແລະ ບັນດາແຂວງອື່ນໆຕາມລໍາດັບ, ສັງລວມແລ້ວໃນ 11 ເດືອນປີ 2017 ສາມາດປະຕິບັດໄດ້5.693 ຕື້ກີບ ເທົ່າກັບ 85,61% ຂອງແຜນການປີ 2017ລາຍຮັບສ່ວນໃຫຍ່ແມ່ນໄດ້ຈາກຄ່າຊັກພິເສດ, ນ້ຳມັນເຊື້ອໄຟ, ພາຫະນະ, ສິ້ນສ່ວນອາໄຫລ, ອຸປະກອນ ກໍ່ສ້າງ, ເຄື່ອງໃຊ້ໄຟຟ້າ, ຄ່າປັບໃໝ່ ແລະ ອື່ນໆ.
ແຫລ່ງຂ່າວ: ເສດຖະກິດ-ສັງຄົມ