spot_img
Homeຂ່າວພາຍ​ໃນວັນຊາດຈະກິນຫຍັງດີ?

ວັນຊາດຈະກິນຫຍັງດີ?

Published on

ວັນຊາດຈະກິນຫຍັງດີ ເປັນຄຳຖາມໃນລັກສະນະຊັກຊວນ ຂອງຫຼາຍໆຄົນ ເນື່ອງໃນໂອກາດວັນຊາດ ທີ່ເປັນວັດພັກລັດຖະການ ເພື່ອໃຫ້ນຶກເຖິງເຫດການສຳຄັນຂອງປະເທດ.

ວັນຊາດລາວ ແມ່ນວັນຄ້າຍວັນສະຖາປະນາ ຫຼື ວັນຄ້າຍວັນເກີດຂອງປະເທດລາວ ຈຶ່ງຖືກເອີ້ນວ່າວັນຊາດ ເຊິ່ງເປັນວັນທີ່ມີຄວາມໝາຍຄວາມສຳຄັນທາງດ້ານປະຫວັດສາດການເມືອງຂອງຊາດລາວຄົນລາວ, ລັດຖະບານໄດ້ກຳນົດໃຫ້ວັນດັ່ງກ່າວເປັນວັນພັກລັດຖະການເພື່ອໃຫ້ທົ່ວປວງຊົນລາວທັງຊາດໄດ້ພັກຜ່ອນ ແລະ ນຶກເຖິງເຫດການທາງປະຫວັດສາດທີ່ຜ່ານມາ ວ່າກວ່າຈະໄດ້ເປັນປະເທດຊາດນັ້ນ ຕ້ອງຜ່ານການຕໍ່ສູ້ສືບຕໍ່ກັນມາຢ່າງລະອິດລະອ້ຽວຫຼາຍເຊັ່ນຄົນ ແລະ ບັນພະບຸລຸດໄດ້ເສຍສະຫຼະເລືອດເນື້ອບໍ່ຮູ້ທໍ່ໃດຄົນມາແລ້ວ. ມາຮອດຕອນນີ້ 2 ໜ້າທີ່ຍຸດທະສາດ ຄື ປົກປັກຮັກສາໝາກຜົນຂອງການປະຕິວັດ ແລະ ການສ້າງສາພັດທະນາປະເທດຊາດນັ້ນໄປຮອດໃສແລ້ວ. ນັ້ນຄືສິ່ງທີ່ຕ້ອງໄດ້ທົບທວນຄືນໃນໂອກາດວັນສຳຄັນດັ່ງກ່າວນີ້.

ຄຳຖາມທີ່ຕັ້ງຂຶ້ນເປັນຫົວຂໍ້ວ່າ: ວັນຊາດຈະກິນຫຍັງ? ຕໍ່ຄຳຖາມນີ້ເບິ່ງຜິວເຜີນຄືວ່າ ຜູ້ຄົນລໍຖ້າວັນນີ້ມາເພື່ອຈະໄດ້ພັກຜ່ອນ ແລະ ດື່ມກິນ ເຮຮາ ມ່ວນຊື່ນ ເພື່ອສະແດງເຖິງຄວາມເອກອ້າງທະນົງໃຈ ທີ່ຕົນມີປະເທດຊາດເປັນປະເທດຂອງຕົນ ບໍ່ໄດ້ເປັນຄົນບໍ່ມີສັນຊາດ, ບໍ່ໄດ້ເປັນຄົນທີ່ພັດພາກບ້ານເກີດເມືອງນອນ ຫຼື ບໍ່ໄດ້ເປັນຄົນທີ່ບໍ່ມີປະເທດຊາດ (ຫຼືບໍ່ມີແຜ່ນດິນຢູ່). ແຕ່ວ່າ ເບິ່ງໃນອີກແງ່ໜຶ່ງແລ້ວ ຫຼາຍໆຄົນດື່ມກິນນັ້ນບໍ່ໄດ້ນຶກເຖິງຄວາມເປັນຊາດເລີຍ ເອົາແຕ່ດື່ມ ເອົາແຕ່ກິນ ເຮຮາຟ້າລັ່ນ ໃຊ້ຈ່າຍຟູມເຟືອຍ ມີທໍ່ໃດກໍຈົກອອກມາຈ່າຍກິນ ຫຼືຮ້າຍກວ່ານັ້ນບາງຄົນຕິດໜີ້ຕິດສິນກໍມີ ໂດຍລືມໄປວ່າເສດຖະກິດຕົນເອງຍັງຕໍ່າ ປະເທດຊາດຍັງດ້ອຍພັດທະນາ ຄົນລາວທຸກຄົນຍັງຕ້ອງປະຢັດມັດທະຍັດຢູ່.

ເມື່ອເຮົາມີປະເທດຊາດໃຫ້ເປັນທີ່ຢູ່ອາໄສແລ້ວ ເຮົາໄດ້ໃຫ້ຫຍັງແກ່ປະເທດຊາດ? ນີ້ເປັນຄຳຖາມທີ່ຄວນຖາມກັນ. ເຮົາໄດ້ເດິນຕາມແນວທາງນະໂຍບາຍຂອງພັກລັດແລ້ວບໍ?, ໄດ້ປະຕິບັດຕາມທີ່ກົດໝາຍວາງອອກແລ້ວບໍ?, ໄດ້ຊື່ສັດສຸດຈະລິດຕໍ່ໜ້າທີ່ແລະປະເທດຊາດແລ້ວບໍ? ໄດ້ຈ່າຍພາສີໃຫ້ລັດຕາມຄວາມເປັນຈິງຫຼືຍັງ? ແລະ ທົບທວນເບິ່ງວ່າຕະຫຼອດໄລຍະທີ່ຜ່ານມາ ເຮົາໄດ້ສ້າງຫຍັງແດ່ໃຫ້ແກ່ປະເທດຊາດ ຫຼື ມີແຕ່ຫຼັບຫູຫຼັບຕາກອບໂກຍ ໂດຍບໍ່ອາຍຟ້າ, ບໍ່ອາຍດິນ ແລະ ບໍ່ອາຍສັງຄົມທີ່ກຳລັງຈັບຕາເບິ່ງເຮົາຢູ່.

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...