ວັນທີ 14 ພະຈິກ 2017 ມີຜູ້ໃຊ້ເຟັດບຸກທ່ານໜຶ່ງ ຊື່ ປຸກກີ່ ໄຊສົມບູນ ໄດ້ລົງຮູບພາບກອງເຂົ້າຂອງຕົນຖືກຈູດ ໂດຍບັນລະຍາຍວ່າ: ຄະຕິເຕືອນໃຈເດີທຸກຄົນ ເປັນຫູເປັນຕານຳກັນ ກອງເຂົ້າຂອງຂ້ອຍຢູ່ ບ້ານມຸກ ເມືອງຫີນເຫີບ ແຂວງວຽງຈັນ ຖືກໂຈນໃຈໝາ ມາຈູດກອງເຂົ້າຈົນສະພາບເປັນແບບນີ້ ສາທຸແດ່ເດີ ຂໍໃຫ້ຈັບໄດ້ໄລ່ທັນ ເຮັດນາມາໝົດປີ ມາຖືືແບບນີ້.
ໂພດດັ່ງກ່າວໄດ້ຮັບຄວາມສົນໃຈແລະແຊຕໍ່ຢ່າງກວ້າງຂວາງ ເຊິ່ງຜູ້ຄົນສ່ວນຫຼາຍລ້ວນແຕ່ສະແດງຄວາມເສຍໃຈຕໍ່ເຈົ້າຂອງກອງເຂົ້າ. ຂ່າວດັ່ງກ່າວໄດ້ສ້າງຄວາມສະເທືອນໃຈໃຫ້ແກ່ຊາວໄຮ່ນາເປັນຢ່າງຍິ່ງ ໂດຍສະເພາະແມ່ນເຈົ້າຂອງຜູ້ເສຍຫາຍ ທີ່ໄດ້ລົງທຶນລົງແຮງເສຍເວລາເຮັດມາໝົດມົວ ສຸດທ້າຍໄດ້ພຽງກອງຂີ້ເທົ່າ.
