ຮັກສາການນາຍົກລັດຖະມົນຕີອີຣັກ ປະກາດເດັດຫົວກຸ່ມຕິດອາວຸດ IS ໃຫ້ສິ້ນຊາກ ລັ່ນຈະປ່ຽນປະເທດໃຫ້ເປັນ
ຫຼຸມສົບຂະໜາດຍັກຝັງ IS.
ສຳນັກຂ່າວຕ່າງປະເທດລາຍງານ ໃນວັນທີ 2 ກັນຍານີ້ວ່າ ທ່ານ ນູຣີ ອັນມາລິກິ ຮັກສາການນາຍົກລັດຖະມົນຕີອີຣັກ
ໄດ້ອອກມາປະກາດໃຫ້ຄຳໝັ້ນວ່າ ຈະປ່ຽນປະເທດໃຫ້ເປັນຫຼຸມສົບຂະໜາດໃຫຍ່ ສຳລັບກຸ່ມ IS ແລະ ຍັງໄດ້ລະບຸອີກ
ວ່າ ກອງກຳລັງຮັກສາຄວາມໝັ້ນຄົງຂອງອີຣັກ ເຊິ່ງປະສົບກັບໄຊຊະນະທີ່ຫາໄດ້ຍາກ ເໜືອກຸ່ມຕິດອາວຸດຫົວຮຸນ
ແຮງດັ່ງກ່າວ ທີ່ປິດລ້ອມເມືອງຂອງຊາວຊີອະໄດ້ ໂດຍການຖະແຫຼງຂອງຮັກສາການນາຍົກລັດຖະມົນຕີອີຣັກຄັ້ງນີ້
ມີຂຶ້ນໃນລະຫວ່າງການເດີນທາງຢ້ຽມຢາມຊຸມຊົນເມືອງອາເມີລີ ທາງພາກເໜືອຂອງປະເທດ ໂດຍບໍ່ມີການປະກາດ
ລ່ວງໜ້າ ເຊິ່ງເຂົາກໍໄດ້ຮັບການຕ້ອນຮັບຢ່າງອົບອຸ່ນ.
ກ່ອນໜ້ານີ້ ເມື່ອໜຶ່ງວັນກ່ອນ ກອງທັບອີຣັກໂດຍໄດ້ຮັບການສະໜັບສະໜູນຈາກ ກຸ່ມຫົວຮຸນແຮງຊີອະພັນທະ
ມິດໃນອີຫຼ່ານ ແລະ ການໂຈມຕີທາງອາກາດຂອງສະຫະລັດ ໄດ້ສາມາດທຳລາຍວົງລ້ອມ ທີ່ກຸ່ມ IS ໄດ້ປິດລ້ອມ
ເມືອງອາເມີລີໄດ້ສຳເລັດ.