spot_img
Homeອຸບັດເຫດແລະປາກົດການຫຍໍ້ທໍ້ຄົນມັກຊື້ເລກຖືກໃຈ "ຫວຍຫວຽດ" ຈັດເຕັມ! ອອກທຸກວັນຈັນເຖິງອາທິດ

ຄົນມັກຊື້ເລກຖືກໃຈ “ຫວຍຫວຽດ” ຈັດເຕັມ! ອອກທຸກວັນຈັນເຖິງອາທິດ

Published on

ໃນຄໍລຳປະກົດການຫຍໍ້ທໍ້ໃນສັງຄົມລາວມື້ນີ້ ຜູ້ຂຽນຈະມານຳສະເໜີກ່ຽວກັບ ໜຶ່ງບັນຫາທີ່ມີສ່ວນກ່ຽວຂ້ອງທາງດ້ານການພະນັນ ເຊິ່ງຕອນນີ້ກຳລັງແຜ່ລາມໄປທົ່ວສັງຄົມຢ່າງວ່ອງໄວ ນັ້ນກໍ່ຄື “ຫວຍຫວຽດ”.

ຫຼັງຈາກທີ່ທາງຫວຍລັດຖະບານ (ຫວຍພັດທະນາລາວ) ໄດ້ປະກາດອອກລາງວັນພຽງອາທິດລະ 1 ມື້ ຄືຂາຍຫວຍທຸກໆວັນພຸດເທົ່ານັ້ນ ເນື່ອງຈາກວ່າບໍ່ຕ້ອງການໃຫ້ປະຊາຊົນລາວມົວເມົາໄປກັບການຊື້ເລກ-ຊື້ຫວຍຫຼາຍຈົນເກີນໄປ ເພາະສິ່ງນີ້ມັນແມ່ນການພະນັນຊະນິດໜຶ່ງ.

ເຖິງແມ່ນວ່າທາງລັດຖະບານໄດ້ຈຳກັດຈຳນວນຄັ້ງໃນການອອກຫວຍໃຫ້ໜ້ອຍລົງ ແລະ ຍົກເລີກບໍ່ໃຫ້ມີຫວຍຂູດແລ້ວກໍ່ຕາມ ແຕ່ກໍ່ຍັງມີປະກົດການ “ຫວຍຫວຽດ” ຫວຍໃຕ້ດິນທີ່ສະໜອງຄວາມຕ້ອງການໃຫ້ກັບຄົນທີ່ມັກສ່ຽງໂຊກ ດ້ວຍການຫຼິ້ນໃຫຍ່ຈັດເຕັມອອກທຸກວັນ ນັບແຕ່ວັນຈັນຮອດວັນອາທິດ ແລະ ປັດຈຸບັນເຫັນໄດ້ວ່າ “ຫວຍຫວຽດ” ໄດ້ເປີດກວ້າງຫຼາຍຂຶ້ນບໍ່ໄດ້ປີດບັງ ແລະ ສັງຄົມຄົນລາວກໍ່ໃຫ້ການຕອບຮັບເປັນຢ່າງດີ ໂດຍເຫັນໄດ້ວ່າທາງ “ຫວຍຫວຽດ” ມີເຟສບຸກເພຈກຸ່ມ ທີ່ເຮັດໜ້າທີ່ໂຄສະນາຊວນເຊື່ອ, ປະກາດຜົນຫວຍອອກແຕ່ລະມື້ ແລະ ຍັງມີໜ້າທີ່ປະກາດຮັບສະໝັກຄົນຂາຍຢ່າງເປີດເຜີຍໂດຍບໍ່ເກງກົວລະບຽບກົດໝາຍໃດໆທັງນັ້ນ.

ມີແມ່ຫວຍຜູ້ໜຶ່ງ (ສະຫງວນບໍ່ອອກຊື່) ເລົ່າໃຫ້ນັກຂ່າວເຮົາຟັງວ່າ ຫວຍຫວຽດແມ່ນມີມາແຕ່ດົນແລ້ວ ແຕ່ເມື່ອກ່ອນແມ່ນໄດ້ຮັບຄວາມນິຍົມຫຼາຍຢູ່ທາງພາກໃຕ້ ໂດຍສະເພາະແມ່ນເຂດແຂວງຈຳປາສັກ ລົງໄປ ແຕ່ເມື່ອທາງຫວຍພັດທະນາລາວ ໄດ້ມີແຈ້ງການໃຫ້ຂາຍຫວຍລາວພຽງອາທິດລະ 1 ຄັ້ງ (ຂາຍສະເພາະວັນພຸດ) ຫວຍຫວຽດກໍ່ໄດ້ແຜ່ລາມຂຶ້ນມາຈົນຮອດນະຄອນຫຼວງວຽງຈັນ ແລະ ຕອນນີ້ກໍ່ບໍ່ຮູ້ວ່າ ຫວຍຫວຽດຈະມີຂາຍຢູ່ແຂວງໃດແນ່ແລ້ວ ລາວຍັງເວົ້າຕື່ມອີກວ່າ ສຳລັບເງິນລາງວັນທີ່ຖືກຫວຍນັ້ນ ແຕ່ລະແມ່ຫວຍຈະໃຫ້ບໍ່ຄືກັນ ບາງແມ່ກໍ່ໃຫ້ 70,000 ກີບ/ 1,000 ກີບ ສຳລັບຄົນທີ່ຖືກເລກທ້າຍ 2 ໂຕ ແລະ ບາງແມ່ຫວຍກໍ່ໃຫ້ 60,000 ກີບ ເພາະມັນຂຶ້ນກັບບາງແມ່ໄປຮັບເອົາຈາກແມ່ໃຫຍ່ໂດຍກົງ ບາງແມ່ກໍ່ຮັບຕໍ່ມືມາຂາຍ ແລະ ການຊື້-ຂາຍຫວຍຫວຽດແມ່ນ ເລກ 3 ໂຕ ຂາຍ 2,000 ກີບຂຶ້ນໄປ ແລະ ແລະ 2 ໂຕແມ່ນຂາຍ 3,000 ກີບຂຶ້ນໄປ.

ເລກຫວຽດຈະອອກທຸກມື້ ປິດງວດຕອນ 18:00 ໂມງ ແລະ ຈະປະກາດຜົນຫວຍຜ່ານທາງກຸ່ມຫວຍຫວຽດໃນເວລາ 18:30 ໂມງ ແລະ ເງິນລາງວັນທີ່ໄດ້ຈາກການຊື້ຫວຍຫວຽດຈະມີລາຍລະອຽດດັ່ງນີ້:

ນີ້ເປັນປະກົດການໜຶ່ງໃນສັງຄົມທີ່ຕ້ອງໄດ້ລົງຕິດຕາມກວດກາຕື່ມກ່ຽວກັບບັນຫານີ້ ເພື່ອຫາວິທີແກ້ໄຂໃຫ້ທ່ວງທັນເວລາ.

 

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...