Homeອຸບັດເຫດແລະປາກົດການຫຍໍ້ທໍ້ສານນະຄອນຫລວງຕັດສິນຕັດອິດສະຫລະພາບ 2 ປີ 6 ເດືອນ ຖານຂົ່ມຂືນທຳຊຳເລົາເດັກ

ສານນະຄອນຫລວງຕັດສິນຕັດອິດສະຫລະພາບ 2 ປີ 6 ເດືອນ ຖານຂົ່ມຂືນທຳຊຳເລົາເດັກ

Published on

ທ້າວ ພານທອງ ອາຍຸ 39 ປີ ຢູ່ບ້ານຈອມເພັດໃຕ້ ເມືອງສີສັດຕະນາກ ນະຄອນຫຼວງວຽງຈັນ ຈຳເລີຍໃນຂໍ້ຫາຂົ່ມຂືນທຳຊຳເລົາເດັກ ທີ່ຖືກສານອາຍາ ສານປະຊາຊົນຂັ້ນຕົ້ນ ນະຄອນຫຼວງວຽງຈັນ ນຳຂຶ້ນມາພິຈາລະນາຕັດອິດສະຫຼະ ພາບ 2 ປີ 6 ເດືອນ ປັບໃໝ 2.000.000 ກີບ ໃນວັນທີ 7 ພະຈິກ 2017.

ຈຳເລີຍຖືກເຈົ້າໜ້າທີ່ກັກຕົວໃນວັນທີ 30 ພຶດສະພາ 2017 ທີ່ຜູ້ກ່ຽວສາລະພາບວ່າ: ໃນເດືອນເມສາ 2017 ໄປເຮັດວຽກເປັນກຳມະກອນກໍ່ສ້າງຢູ່ເມືອງໄຊເສດຖາ ນະຄອນຫຼວງວຽງຈັນ ແລ້ວພັກເຊົາຢູ່ບ່ອນເຮັດວຽກເລີຍ. ຈາກນັ້ນ, ພົບເຫັນຜູ້ເສຍຫາຍ ອາຍຸ 16 ປີ ທີ່ຢູ່ຕິດກັບບ່ອນພັກເຊົາ ຈຶ່ງມີຄວາມຮັກແບບບ່າວສາວ ໃນແຕ່ລະວັນ ໄດ້ສັງເກດເຫັນຜູ້ສາວນອນຢູ່ເຮືອນຂາຍເຄື່ອງຍ່ອຍເປັນປະຈຳ ພາຍຫຼັງເລີກວຽກແຕ່ລະມື້ແມ່ນໄດ້ດື່ມເຫຼົ້າຢູ່ຮ້ານທີ່ໃກ້ກັບຮ້ານຂາຍເຄື່ອງຂອງນາງຜູ້ເສຍຫາຍ ພໍໄດ້ລັກເບິ່ງ, ວັນທີ 29 ພຶດສະພາ 2017 ພາຍຫຼັງເລີກວຽກແລ້ວ ກໍ່ໄດ້ດື່ມເຫຼົ້າຢູ່ຈຸດເກົ່າ ຮອດເວລາ 13:00 ໂມງ ຂອງວັນທີ 30 ພຶດສະພາ 2017 ໄດ້ກັບມາເຮືອນແລ້ວເກີດມີອາລົມທາງເພດ ຈຶ່ງກັບໄປງັດປະຕູດ້ານຫຼັງຂອງຮ້ານຜູ້ເສຍຫາຍ ແລ້ວເຂົ້າໄປເຫັນນອນຢູ່ຄົນດຽວ ຈຶ່ງຍ່າງເຂົ້າໄປນັ່ງເຕັງ; ໃນຂະນະນັ້ນ, ຜູ້ເສຍຫາຍໄດ້ຕື່ນຂຶ້ນມາ ແລ້ວຮ້ອງຂໍຄວາມຊ່ວຍເຫຼືອ ຈຳເລີຍຈຶ່ງຂົ່ມຂູ່ຈະຂ້າ ເຮັດໃຫ້ຜູ້ເສຍຫາຍຢ້ານກົວ. ຈາກນັ້ນ, ຈຳເລີຍກໍ່ລົງມືຂົ່ມຂືນທຳຊຳເລົາ ຈົນສຳເລັດຄວາມໄຄ່ ແລ້ວກັບມານອນຢູ່ບ່ອນເຮັດວຽກ ຮຸ່ງເຊົ້າມາກໍ່ຖືກເຈົ້າໜ້າທີ່ຕຳຫຼວດກັກຕົວ. ນອກນີ້, ຈຳເລີຍຍັງສາລະພາບອີກວ່າ: ຜ່ານມາເຄີຍຖືກເຈົ້າໜ້າທີ່ກັກຕົວດຳເນີນຄະດີໃນຂໍ້ຫາມົ້ວສຸມຢາເສບຕິດມາແລ້ວ ຈຳນວນ 6 ຄັ້ງ ແຕ່ຍັງບໍ່ທັນຖືກສານຕັດສິນຈັກເທື່ອ.

ຜ່ານການຄົ້ນຄວ້າບັນດາຂໍ້ມູນຫຼັກຖານ ແລະ ເອກະສານ ບວກໃສ່ກັບຄຳຮັບສາລະພາບຂອງຈຳເລີຍແລ້ວ ເຫັນວ່າ: ທ້າວ ພານທອງ ມີຄວາມຮັກກັບຜູ້ເສຍຫາຍແທ້ ແຕ່ການກະທຳຂອງຜູ້ກ່ຽວແມ່ນໄດ້ຜິດຕໍ່ກົດໝາຍຄອບຄົວ ທີ່ສ້າງຄວາມອັບອາຍໃຫ້ຜູ້ຖືກເຄາະຮ້າຍ ແລະ ຄອບຄົວ. ສະນັ້ນ, ຄະນະສານຖືເຫັນຄວນຕັດອິດສາຫຼະພາບຈຳເລີຍ 2 ປີ 6 ເດືອນ ປັບໃໝ 2.000.000 ກີບ ສະຖານຂົ່ມຂືນທຳຊຳເລົາເດັກ.

ແຫລ່ງຂ່າວ: ໜັງສືພິມປ້ອງກັນຄວາມສະຫງົບ

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...