spot_img
Homeຂ່າວພາຍ​ໃນວຽງຈັນ ຈະປິດຖະໜົນຕ້ອນຮັບ ສະຫາຍ ສີ ຈິ້ນຜິງ

ວຽງຈັນ ຈະປິດຖະໜົນຕ້ອນຮັບ ສະຫາຍ ສີ ຈິ້ນຜິງ

Published on

ສປປ ລາວ ກຽມພ້ອມທຸກດ້ານຢ່າງເຂັ້ມງວດ ຮັບປະກັນຄວາມສະຫງົບໃນຂອບເຂດທົ່ວປະເທດ ເພື່ອຕ້ອນຮັບການມາຢ້ຽມຢາມ ທາງລັດຖະກິດຂອງ ສະຫາຍ ສີ ຈິ້ນຜິງ ເລຂາທິການໃຫຍ່ພັກກອມມູນິດຈີນ, ປະທານປະເທດ ສປປ ຈີນ.  ໂດຍສະເພາະແມ່ນຢູ່ນະຄອນຫຼວງວຽງຈັນ ໄດ້ເພິ່ມມາຕະການຮັກສາຄວາມສະຫງົບປອດໄພຂຶ້ນເປັນລະດັບສູງກວ່າປົກກະຕິ.

ວັນທີ 8 ພະຈິກ 2017 ທີ່ຜ່ານມາ ພະແນກໂຍທາທິການແລະຂົນສົ່ງ ນະຄອນຫຼວງວຽງຈັນ ໄດ້ອອກແຈ້ງການ ເຖິງພະນັກງານ, ທະຫານ, ຕຳຫຼວດ ແລະພໍ່ແມ່ປະຊາຊົນ ຜູ້ໃຊ້ລົດໃຊ້ຖະໜົນໃນນະຄອນຫຼວງວຽງຈັນ. ເລື່ອງ: ການປິດເສັ້ນທາງການສັນຈອນຂອງພາຫະນະທຸກປະເພດ ໃນໄລຍະ ສະຫາຍ ສີ ຈິ້ນຜິງ ເລຂາທິການໃຫຍ່ພັກກອມມູນິດຈີນ, ປະທານປະເທດຈີນ ເດິນທາງຢ້ຽມຢາມທາງລັດຖະກິດ ຢູ່ ສປປ ລາວ ໃນລະຫວ່າງວັນທີ 13-14 ພະຈິກ 2017 ນີ້.

ດັ່ງລາຍລະອຽດດັ່ງນີ້:
1. ໃນວັນທີ 13-14 ພະຈິກ 2017 ໃຫ້ງົດການສັນຈອນພາຫະນະທຸກປະເພດຊົ່ວຄາວເປັນບາງເວລາຂອງບັນດາຖະໜົນລຸ່ມນີ້:
– ຖະໜົນສຸພານຸວົງ (ແຕ່ສາມແຍກສີໄຄ-ສີ່ແຍກໄຟແດງສີຫອມ ຫຼັກ 1 )
– ຖະໜົນເສດຖາທິລາດ (ແຕ່ສີ່ແຍກໄຟແດງສີຫອມ ຫຼັກ 1 – ສີ່ແຍກໄຟແດງທາດຂາວ)
– ຖະໜົນສາມແສນໄທ (ແຕ່ສີ່ແຍກໄຟແດງທາດຂາວ – ສາມແຍກສວນເຈົ້າຟ້າງຸ່ມ ຫຼັກ 2)
– ຖະໜົນດອນຈັນ (ແຕ່ສີ່ແຍກໄຟແດງວິທະຍາໄລການຊ່າງລາວເຢຍລະມັນ – ສາມແຍກດອນຈັນພາເລດ)
– ຖະໜົນເຈົ້າຟ້າງຸ່ມ (ແຕ່ສາມແຍກທາດຂາວ – ສີ່ແຍກ ສຳນັກງານໃຫຍ່ ທະນາຄານພັດທະນາລາວ)
– ຖະໜົນລ້ານຊ້າງ (ແຕ່ຫໍຄຳ – ປະຕູໄຊ)
– ຖະໜົນໄກສອນ ພົມວິຫານ (ແຕ່ປະຕູໄຊ – ສີ່ແຍກໄຟແດງດົງໂດກ)

2. ຫ້າມຈອດພາຫະນະທຸກປະເພດຕາມແຄມທາງ, ທາງຄົນຍ່າງ ຢ່າງເດັດຂາດຕາມເສັ້ນທາງທີ່ໄດ້ລະບຸໄວ້ຂ້າງເທິງ.

3. ໃຫ້ນັກຂັບຂີ່ພາຫະນະທຸກປະເພດປະຕິບັດຕາມການສັນຍານຂອງເຈົ້າໜ້າທີ່ຕຳຫຼວດຈະລາຈອນ ທີ່ປະຈຳຢູ່ແຕ່ລະຈຸດຂອງເສັ້ນທາງ.

ດັ່ງນັ້ນ, ຈຶ່ງຮຽກຮ້ອງມາຍັງປະຊາຊົນລາວແລະຊາວຕ່າງປະເທດທີ່ອາໄສຢູ່ລາວທຸກຖ້ວນໜ້າ ໂດຍສະເພາະໃນນະຄອນຫຼວງວຽງຈັນ ຈົ່ງໄດ້ພ້ອມໃຈກັນ ເປັນເຈົ້າການໃນການຕ້ອນຮັບແຂກບ້ານແຂກເມືອງທີ່ສຳຄັນຄັ້ງນີ້ດ້ວຍ.

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...