ວັນພຸດທີ 8 ພະຈິກ 2017 ສານລັດຖະທຳມະນູນສະເປນຕັດສິນໃຫ້ການປະກາດເອກະລາດຝ່າຍດຽວຂອງລັດຖະບານກາຕາລຸຢາເປັນໂມຂະ

ໂຄສົກສານລັດຖະທຳມະນູນກ່າວໃນຖະແຫຼງການວ່າ “ການປະກາາດເອກະລາດເມື່ອວັນທີ 27 ຕຸລານັ້ນຂັດຕໍ່ລັດຖະທຳມະນູນ ແລະ ເປັນໂມຂະ” ແລະ ໃນວັນດຽວກັນນັ້ນ ມີກຸ່ມຜູ້ຊຸມນຸມປະທ້ວງທີ່ສະໜັບສະໜູນການແຍກຕົວເປັນເອກະລາດກໍ່ອອກມາປິດຖະໜົນກວ່າ 60 ເສັ້ນທາງທົ່ວເມືອງ ບາເຊໂລນາຕັ້ງແຕ່ 6:00 ໂມງເຊົ້າ ສົ່ງຜົນເຮັດໃຫ້ການສັນຈອນຕັດຂັດ ແລະ ສົ່ງຜົນກະທົບຮຸນແຮງຕໍ່ພາກສ່ວນຂອງການສຶກສາ

ທັງນີ້ລັດຖະບານຂອງສະເປນໄດ້ສັ່ງປົດຜູ້ນຳ ແລະ ສະພາແຫ່ງລັດຂອງກາຕາລຸຢາພຽງບໍ່ເທົ່ໃດຊົ່ວໂມງຫຼັງຈາກປະກາດເອກະສານເມື່ອວັນທີ 27 ຕຸລາ ທີ່ຜ່ານມາ ຈາກນັ້ນກໍ່ຍຸບສະພາ ແລະ ກຳນົກໃຫ້ມີການເລືອກຕັ້ງໃໝ່ຂອງແຄວ້ນກາຕາລຸຢາໃນວັນທີ 21 ທັນວາທີ່ຈະມາຮອດນີ້