ສຳນັກຂ່າວຕ່າງປະເທດລາຍງານຈາກນະຄອນຫຼວງ ໂຊລ ປະເທດເກົາຫຼີໃຕ້ ເມື່ອວັນທີ 18 ຕຸລາ 2017 ຫຼັງການຫາລືລະດັບລັດຖະມົນຕີຊ່ວຍຕ່າງປະເທດຈາກເກົາຫຼີໃຕ້, ຍີ່ປຸ່ນ ແລະ ສະຫະລັດທີ່ນະຄອນຫຼວງໂຊລ ທ່ານຈອນ ຊຸລລິແວນ ລັດຖະມົນຕີຊ່ວຍຕ່າງປະເທດສະຫະລັດກ່າວວ່າ ທັງສາມຊາດພັນທະມິດຍັງຍຶດໝັ້ນໃນພັນທະກໍລະນີຂອງແນວທາງການທູດ ເຊິ່ງຮວມເຖິງການສ້າງຄວາມກົດດັນ ແລະ ມາດຕະການຂວ້ຳບາດ ໂດຍມີເປົ້າໝາຍເບື້ອງຕົ້ນຂອງການແກ້ໄຂບັນຫາ ເພາະລະບອບການປົກຄອງເກົາຫຼີເໜືອ ເຮັດໃນສິ່ງທີ່ບໍ່ຄາດຄິດ ແລະ ບໍ່ໂປ່ງໃສ ພ້ອມນີ້ຍັງກ່າວວ່າ ຊາດພັນທະມິດຕ້ອງກຽມພ້ອມຮັບທຸກສະຖານະການທີ່ອາດຈະເກີດຂຶ້ນ

ລັດຖະມົນຕີຊ່ວຍຕ່າງປະເທດກ່າວອີກວ່າ ເປົ້າໝາຍສຳຄັນຂອງຊາດພັນທະມິດຄືການສ້າງຄວາມກົດດັນເພື່ອນຳເກົາຫຼີເໜືອສູ່ໂຕະເຈລະຈາໂດຍບໍ່ມີການຕັ້ງເງື່ອນໄຂໃດໆ ເພື່ອຈະໃຫ້ບັນລຸເປົ້າໝາຍສຳຄັນຄື ການເຮັດໃຫ້ແຫຼມເກົາເປັນເຂດປອດິວເຄຣຍ