spot_img
Homeຂ່າວພາຍ​ໃນບັນຫາເລື່ອງເກັບເງິນຄ່າຜ່ານທາງ ປາກເຊ-ວັງເຕົ່າ ຄວນໄດ້ຮັບການແກ້ໄຂດ່ວນ!

ບັນຫາເລື່ອງເກັບເງິນຄ່າຜ່ານທາງ ປາກເຊ-ວັງເຕົ່າ ຄວນໄດ້ຮັບການແກ້ໄຂດ່ວນ!

Published on

ເມື່ອວັນທີ 3 ຕຸລາ 2017 ໜັງສືພິມເສດຖະກິດ-ການຄ້າ ເຜີຍແຜ່ຄລິບວິດີໂອຂອງຜູ້ໃຊ້ເຟສ໌ບຸກຊື່: Alanya Phomveha ທີ່ສະແດງໃຫ້ເຫັນບັນຫາເລື່ອງເກັບເງິນຄ່າຜ່ານທາງ ປາກເຊ-ວັງເຕົ່າ ລະຫວ່າງຜູ້ໃຊ້ບໍລິການ ກັບບໍລິສັດຮັບເໝົາເກັບຄ່າທາງ

ຖືວ່າເປັນເລື່ອງທີ່ໜາຫູສົມຄວນໃນສັງຄົມອອນລາຍ ທີ່ຫຼາຍຄົນໃຫ້ຄວາມສົນໃຈກັບເຫດການທີ່ເກີດຂຶ້ນ ເຊິ່ງໃນວັນທີ 28 ກັນຍາ 2017 ຜ່ານມາ, ຫ້ອງວ່າການປົກຄອງແຂວງຈຳປາສັກ ກໍ່ໄດ້ແຈ້ງການໃຫ້ບໍລິສັດດວງດີ ກໍ່ສ້າງ-ຂົວທາງຈຳກັດ ເຊິ່ງເປັນຜູ້ລົງທຶນຮັບເໝົາກໍ່ສ້າງທາງດ້ວຍທຶນຕົນເອງ ໃຫ້ຢຸດຕິການຂຶ້ນລາຄາຜ່ານທາງດັ່ງກ່າວ, ແຕ່ໃຫ້ເກັບໃນລາຄາທີ່ລັດຖະບານກຳນົດເທົ່ານັ້ນ.

ເຊິ່ງກ່ອນໜ້ານັ້ນ, ທາງບໍລິສັດກໍ່ໄດ້ອອກມາຊີ້ແຈງກ່ຽວກັບບັນຫາດັ່ງກ່າວ ໂດຍໃຫ້ເຫດຜົນວ່າ: ກ່ອນຈະກຳ ນົດການເກັບເງິນຄ່າຜ່ານທາງນັ້ນ ກະຊວງໂຍທາທິກການ ແລະ ຂົນສົ່ງ ພ້ອມດ້ວຍກະຊວງແຜນການ ແລະ ການລົງ ທຶນ, ກະຊວງການເງິນ ໄດ້ລົງມາສົມທົບກັບແຂວງຈຳປາສັກ ເພື່ອມານັບລົດຜ່ານທາງເລກທີ 16 ນີ້ເປັນເວລາ 1 ເດືອນທັງເວັນ ແລະ ຄືນ. ຈາກນັ້ນຈຶ່ງມາແຍກປະ ເພດລົດເປັນ 9 ລາຍການ ເພື່ອກຳນົດລາຄາໃຫ້ບໍລິສັດເກັບ.

ທາງບໍລິສັດໃຫ້ຮູ້ອີກວ່າ: ໃນການເກັບເງິນຄ່າຜ່ານທາງນີ້ ພວກເຮົາເປັນນັກລົງທຶນກໍ່ເຫັນໃຈພໍ່ແມ່ປະຊາຊົນທີ່ບໍ່ເຄີຍເສຍເງິນ, ແຕ່ມາເສຍເງິນ. ສະນັ້ນ ຈຶ່ງຢາກໃຫ້ຮູ້ວ່າ: ລາຄາການເກັບຄ່າຜ່ານທາງບໍ່ແມ່ນບໍລິສັດຕັ້ງຂຶ້ນເອງຄິດໄລ່ເອງ ແມ່ນພາກລັດທີ່ກ່ຽວຂ້ອງເປັນຜູ້ຄິດໄລ່, ເປັນຜູ້ວາງໃຫ້ມີກຳນົດໂດຍຜ່ານລັດຖະບານຈຶ່ງແຈ້ງມາໃຫ້ແຂວງ ແລະ ແຈ້ງຕໍ່ໃຫ້ບໍລິສັດ, ບໍລິສັດຈຶ່ງໄດ້ປະຕິບັດຕາມອັດຕາທີ່ເກັບນີ້, ສ່ວນວ່າແພງ ຫຼື ຖືກແມ່ນຂຶ້ນກັບກຳມະການຄິດໄລ່.

ບັນຫານີ້ຂໍໃຫ້ພາກສ່ວນທີ່ກ່ຽວຂ້ອງເຂົ້າມາແກ້ໄຂດ່ວນ! ສ່ວນວ່າຈະມີຄວາມຄືບໜ້າຄືແນວໃດນັ້ນ, ທາງພວກເຮົາຈະມາແຈ້ງໃຫ້ຊາບຕື່ມ

https://www.facebook.com/Laoedaily/videos/820566404788915/

ບົດຄວາມຫຼ້າສຸດ

ທ່ານ ເຫຼັກໄຫຼ ສີວິໄລ ລົງຕິດຕາມເສັ້ນທາງ 2W ແຕ່ເມືອງໄຊ ຫາເມືອງ ປາກແບ່ງ ແຂວງອຸດົມໄຊ

ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ຍທຂ ພ້ອມຄະນະລົງຕິດຕາມເສັ້ນທາງ 2W ແຕ່ເມືອງໄຊ ຫາເມືອງ ປາກແບ່ງ ແຂວງອຸດົມໄຊ. ໃນວັນທີ 9 ສິງຫາ 2025...

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...