ເມືອວັນທີ 1 ຕຸລາ 2017 ທາມອັອບອິນເດຍລາຍງານເຫດການຄາດຕະກຳເພື່ອຮັກສາກຽດທີ່ເກີດຂຶ້ນອີກຄັ້ງໃນເມືອງ ປານິພັດ ທາງພາກເໜືອຂອງປະເທດອິນເດຍ ໂດຍຜູ້ກໍ່ເຫດຂ້າຍິງສາວໄວອາຍຸ 17 ປີ ຄືທ້າວ ສຸເຣດກຸມານ (ເປັນພໍ່ແທ້ຜູ່ຕາຍ) ໂດຍມີລຸງຂອງຜູ່ຕາຍຮ່ວມລົງມືຂ້າໃນເທື່ອນີ້
ເຫດການສະເທືອນຂວັນດັ່ງກ່າວໄດ້ເກີດຂຶ້ນເມື່ອວັນສຸກທີ 29 ກັນຍາ 2017 ທີ່ຜ່ານມາ ທ້າວ ກຸມານ ເດີນທາງໄປທີ່ບ້ານແຟນໜຸ່ມຂອງລູກສາວທີ່ໜີຕາມກັນໄປໄດ້ປະມານ 1 ອາທິດແລ້ວ ພໍໄດ້ໂອກາດຜູ່ກ່ຽວຈິ່ງໄດ້ຮ່ວມມືກັບທ້າວ ປັນດິດ (ລຸງຜູ່ຕາຍ) ນຳຕົວລູກສາວກັບມາເຮືອນໃນເມືອງ ປານິພັດ ຈາກນັ້ນໄດ້ຈັບນາງມັດ ແລະ ເອົາຜ້າຍັດປາກ ກ່ອນຈະໃຊ້ສາຍໄຟຄວາມແຮງສູງຊັອດລູກສາວຈົນເສຍຊີວິດ
ຫຼັງຈາກນັ້ນທ້າວ ກຸມານ ແລະ ທ້າວ ປັນດິດ ໄດ້ນຳຮ່າງຜູ້ຕາຍໄປເຜົາທຳລາຍຫຼັກຖານ ແຕ່ເພື່ອນບ້ານທີ່ພົບເຫັນໄດ້ໂທແຈ້ງເຈົ້າໜ້າທີ່ຕຳຫຼວດ
ເຈົ້າໜ້າທີ່ຕຳຫຼວດໄດ້ນຳກຳລັງບຸກເຂົ້າຈັບກຸມ 2 ຄາດຕະກອນໃຈໂຫດ ພ້ອມນຳສິ້ນສ່ວນສົບໄປສັນນະສູດເພື່ອເລັ່ງດຳເນີນຄະດີ ຜູ້ກໍ່ເຫດຍອມຮັບສາລະພາບວ່າລົງມືເຮັດແທ້ໂດຍອ້າງວ່າ ລູກສາວຄົນນີ້ໄດ້ສ້າງຄວາມອັບອາຍໃຫ້ກັບຄອບຄົວຫຼັງທີ່ນາງໜີໄປຢູ່ກິນກັບແຟນໜຸ່ມເຊິ່ງມາຈາກຊົນກຸ່ມນ້ອຍໃນພື້ນທີ່ ແລະ ເປັນຊາວມຸສລິມ
ທັງນີ້ ອິນເດຍຍັງພົບກັບໄພວິກິດການຂ້າເພື່ອຮັກສາກຽດ ເຊິ່ງມັກຈະເກີດຂຶ້ນໃນພື້ນທີ່ຊົນນະບົດ ເຊິ່ງໃນແຕ່ລະປີມີຍອດຜູ່ເສຍຊີວິດຈາກການຂ້າເພື່ອຮັກສາກຽດປະມານ 1,000 ຄົນ ໂດຍສ່ວນໃຫຍ່ຈະເປັນແມ່ຍິງ