ບີບີຊີລາຍງານເມື່ອວັນທີ 28 ກັນຍາ 2017 ວ່າ ເພັດເມັດໃຫຍ່ເທົ່າໄຂ່ຫ່ານ ໃຫຍ່ອັນດັບສອງຂອງໂລກ ຊື່ Lesedi La Rona (ເລເຊດີ ລາ ໂຣນາ ແປວ່າ ແສງສະຫວ່າງຂອງເຮົາ) ທີ່ຍັງບໍ່ທັນໄດ້ເຈຍລະໄນ ຕົກເປັນຂອງພໍ່ຄ້າຂາຍເພັດຊາວອັງກິດໃນລາຄາປະມູນ 53 ລ້ານໂດລາ

ທ່ານ ລໍເຣນຊ໌ ກຣາຟ ຫົວໜ້າບໍລິສັດກຣາຟ ໄດມອນ ເຊິ່ງເປັນບໍລິສັດຂ້າມຊາດຂາຍເພັດ ສັນຊາດຊາວອັງກິດຊື້ເພັດເມັດນີ້ແບບສ່ວນຕົວ ຫຼັງບໍ່ມີຜູ້ປະມູນເພັດເມັດດັ່ງກ່າວນີ້ໃນລາຄາທີ່ຕັ້ງໄວ້ຕອນທີ່ຕັ້ງການປະມູນຄັ້ງທີ 1 ເມື່ອປີທີ່ຜ່ານມາ

ເພັດດິບເມັດນີ້ ເຊື່ອວ່າມີອາຍຸເລີ່ມກໍ່ຕົວເມືອ 2,500-3,000 ລ້ານປີກ່ອນ ຂະໜາດ 1,109 ກະຣັດ ຄົ້ນພົບໂດຍບໍລິສັດທລູຄາລາ ໄດມອນ ຄອບ ສັນຊາດການາດາ ໃນປະເທດ ບອດສາວານາ ທະວີບແອຟຣິກາ ເມື່ອ 2 ປີທີ່ຜ່ານມາ ໄດ້ຮັບການຮັບຮອງວ່າມີຄຸນນະພາບ ແລະ ໃສໃນລະດັບເລີ້ດ ຈາກສະຖາບັນອັນຍະມະນີວິທະຍາຂອງສະຫະລັດອາເມ ລິກາ