Homeຂ່າວຕ່າງປະເທດຣັດເຊຍໄດ້ທຳລາຍອາວຸດເຄມີຊຸດສຸດທ້າຍທີ່ເຫຼືອຢູ່ຄັງອາວຸດ

ຣັດເຊຍໄດ້ທຳລາຍອາວຸດເຄມີຊຸດສຸດທ້າຍທີ່ເຫຼືອຢູ່ຄັງອາວຸດ

Published on

ເອເອຟພີລາຍງານວ່າ ປະທານາທິບໍດີວາລາດິເມຍ ປູຕິນ ຂອງຣັດເຊຍອອກຖະແຫຼງການທາງໂທລະພາບຂອງຣັດເຊຍໃນມື້ນີ້ວ່າ ຣັດເຊຍໄດ້ທຳລາຍອາວຸດເຄມີຊຸດສຸດທ້າຍທີ່ເຫຼືອຢູ່ຄັງອາວຸດຄິຊເນີໃນສາທາລະນະລັດອຸດມູຣເຊຍ ທາງພາກໃຕ້ຂອງປະເທດສຳເລັດເມື່ອວານນີ້ ຜູ້ນຳຣັດເຊຍໄດ້ກ່າວຊື່ນຊົມການກຳຈັດອາວຸດເຄມີຂອງຣັດເຊຍວ່າເປັນເຫດການສຳຄັນທາງປະຫວັດສາດອີກຄັ້ງໜຶ່ງຂອງໂລກໃນແງ່ການຊ່ວຍໃຫ້ໂລກສະໄໝໃໝ່ມີຄວາມປອດໄພຫຼາຍຂຶ້ນ ແລະ ຕຳນິລັດຖະບານສະຫະລັດທີ່ບໍ່ເຮັດຕາມຣັດເຊຍໃນເລື່ອງນີ້ ແລະ ກ່າວຫາວ່າລັດຖະບານສະຫະລັດເລື່ອນແຜນການກຳຈັດອາວຸດເຄມີມາແລ້ວ 3 ເທື່ອ

ໃຮປັດຈຸບັນ 96 ເປີເຊັນ ຂອງຄັງອາວຸດເຄມີທົ່ວໄປຖືກທຳລາຍໄປໝົດແລ້ວ ອາວຸດເຄມີຍັງເຫຼືອຢູ່ສ່ວນໃຫຍ່ເປັນຂອງສອງປະເທດມະຫາອຳນາດຂອງໂລກຄື ຣັດເຊຍ ແລະ ສະຫະລັດທີ່ສະສົມອາວຸດໄວ້ຈຳນວນຫຼາຍລະຫວ່າງສົງຄາມເຢັນ ກ່ອນໜ້ານີ້ສອງປະເທດໄດ້ຕົກລົງກັນທຳລາຍອາວຸດເຄມີໃຫ້ໝົດໄປພາຍໃນເດືອນເມສາ 2012 ແຕ່ກໍ່ເລື່ອນເວລາມາເລື່ອຍໆ ຕໍ່ມາສະຫະລັດອາເມລິກາລະບຸວ່າຈະກຳຈັດອາວຸດເຄມີໃຫ້ໝົດໄປພາຍໃນປີ 2023

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...