spot_img
Homeຂ່າວພາຍ​ໃນອີກບໍ່ດົນ ຊາວນະຄອນຫຼວງ ຈະໄດ້ບໍລິໂພກຊີ້ນລາຄາຖືກ

ອີກບໍ່ດົນ ຊາວນະຄອນຫຼວງ ຈະໄດ້ບໍລິໂພກຊີ້ນລາຄາຖືກ

Published on

ສະມາຄົມ​ຜູ້​ປະກອບ​ການ​ລ້ຽງງົວ ນະຄອນຫຼວງ​ວຽງ​ຈັນ (ນວ) ແລະ ພະ​ແນກ​ກະສິກຳ ແລະ ປ່າໄມ້ ນະຄອນຫຼວງວຽງຈັນ ພ້ອມ​ພາກ ສ່ວນ​ທີ່​ກ່ຽວຂ້ອງ​ໄດ້​ຍ້າຍ​ພໍ່-ແມ່​ພັນ​ງົວ​ຈາກດ່ານ​ກັກ​ກັນ​ສັດ​ບ້ານ​ດົງ​ໂພ​ສີ ເມືອງ​ຫາດ​ຊາຍ​ຟອງ ນວ ໄປ​ໄວ້ຟາມ​ຂອງ​ຜູ້​ປະກອບ​ການ​ສະ​ມາຄົມ​ລ້ຽງ​ງົວ ນະຄອນຫຼວງ ເມືອງ​ປາກ​ງື່ມ ນະຄອນຫຼວງ ເຊິ່ງ​ເປັນ​ສະຖານທີ່​ປະສົມ​ຂະຫຍາຍ​ພັນ​ສືບ​ເຊື້ອ ​ກ່ອນ​ຈະ​ນຳລູກ​ງົວ​ໄປ​ໃຫ້​ກັບ​ສະມາຊິກ​ຂອງສະມາຄົມ.

ທ່ານ ຈັນ​ເພັງ ອິນ​ສະຫວັນ ປະທານ​ສະມາຄົມ​ຜູ້​ປະກອບ​ການລ້ຽງ​ງົວ ນວ ໄດ້​ໃຫ້​ຮູ້​ວ່າ: ພາຍຫຼັງ​ທີ່​ນະຄອນ​ໂຮ່​ຈີ​ມິງ ໄດ້​ຊ່ວຍເຫຼືອ​ພໍ່-ແມ່​ພັນ​ງົວ ຈຳນວນ 50 ໂຕ (ເປັນ​ງົວເຖິກ 5 ໂຕ) ທີ່​ໄດ້​ນຳມາ​ມອບ​ໃຫ້​ໄລຍະ​ຕົ້ນ​ເດືອນ​ສິງຫາ​ຜ່ານ​ມາ ແລະ ໄດ້​ມີ​ການ​ພັກຈຳນວນ​ງົວ​ທັງ​ໝົດ​ໄວ້​ໃນ​ດ່ານກັກ​ກັນ​ສັດ​ທີ່​ບ້ານ​ດົງ​ໂພ​ສີ ປັດ​ຈຸບັນແມ່ນ​ໄດ້​ຍ້າຍ​ຈຳນວນ​ງົວທັງ​ໝົດ​ໄປ​ໄວ້​ທີ່​ຟາມ​ຂອງ​ສະ​ມາຄົມ​ຜູ້​ປະກອບ​ການ​ລ້ຽງ​ງົວ ນວ ບ້ານ​ສົມ​ສະຫວາດ ເມືອງ​ປາກງື່ມ ທີ່​ມີ​ເນື້ອທີ່​ທັງ​ໝົດ 71 ເຮັກຕາ ເຊິ່ງ​ສະມາຄົມ​ໄດ້​ມີ​ການ​ກະກຽມ​ປູກ​ຫຍ້າ​ຊະນິດ​ຕ່າງໆ​ ທັງແຟຼງ​ໂກ​ລາ ແລະ ດູ​ຊີ​ໃນ​ຟາມຂອງ​ສະມາຄົມ ແລະ ໃນ​ບຶງ​ທາດຫຼວງ​ ລວມ​ແລ້ວປະມານ 50 ເຮັກຕາ ຫຼັງ​ຈາກ​ຍ້າຍ​ພໍ່-ແມ່​ພັນ ປະມານ 2 ອາທິດ ​ກໍ່​ຈະ​ໄດ້​ມີ​ການຈັດ​ເຝີກ​ອົບຮົມ​ການ​ປະສົມ​ພັນແບບ​ທຳ​ມະ​ຊາດ ແລະ ປະສົມພັນ​ທຽມ​ໃຫ້​ກັບ​ວິຊາ​ການ ​ເພື່ອຈຳໜ່າຍ​ລູກ​ງົວ​ແຈກ​ຢາຍ​ໃຫ້​ກັບສະມາຊິກ​ທັງ​ໝົດ ​ເພື່ອ​ນຳໄປ​ລ້ຽງເປັນ​ພໍ່-ແມ່​ພັນ ແລະ ຈຳໜ່າຍໃນ​ຕະຫຼາດ​ທົ່ວ​ໄປ.

ທ່ານ​ກ່າວ​ອີ​ກວ່າ: ຕາມ​ການປະ​ເມີນ​ເບື້ອງ​ຕົ້ນ ​ສະມາຄົມ​ຈະສະໜອງ​ງົວ​ຊີ້ນ​ໃຫ້​ກັບ​ນະຄອນໂຮ່​ຈີ​ມິງ ແລະ ສະໜອງ​ພາຍ​ໃນ ນວ ເພື່ອ​ຫຼຸດຜ່ອນ​ການ​ນຳ​ເຂົ້າທາດ​ຊີ້ນ ແລະ ສາມາດ​ຕອບ​ສະໜອງ​ທາດ​ຊີ້ນ​ໄດ້​ຢ່າງ​ພຽງພໍ ຫາກ​ເປັນ​ໄປ​ຕາມ​ແຜນການ​ຈະເຮັດ​ໃຫ້​ຊາວ ນວ ບໍລິໂພກ​ປະເພດ​ຊີ້ນ​ງົວ​ໄດ້​ຖືກ​ລົງ​ກວ່າ​ທີ່​ບໍ​ລິໂພກ​ຢູ່​ໃນ​ປັດຈຸບັນ.

ສຳລັບ​ນະຄອນ​ໂຮ່​ຈີ​ມີງ​ນຳງົວ​ມາ​ມອບ​ຄັ້ງ​ນີ້ ນອກຈາກ​ພໍ່-ແມ່​ພັນ​ງົວ 50 ໂຕ​ແລ້ວ ຍັງ​ມີນ້ຳ​ເຊື້ອ​ອີກ ຈຳນວນ 10.000 ຫຼອດ ທີ່​ຈະ​ມາ​ປະສົມ​ທັງ​ແບບ​ວິທະ​ຍາ​ສາດ ແລະ ທຳ​ມະ​ຊາດ ເພື່ອ​ແຈກ​ຢາຍ​ໃຫ້​ກັບ​ສະມາຊິກທີ່​ມີ​ປະມານ​ເກືອບ 30 ຟາມ ໃນລາຄາ​ສະມາຄົມ​ຕັ້ງ​ໄວ້ ພ້ອມ​ກັນນີ້ ສະມາຄົມ​ຍັງ​ປູກ​ຫຍ້າ​ຕາມແຄມ​ສອງ​ຝັ່ງ​ຂອງ​ບຶງ​ທາດຫຼວງ ແຕ່​ຂົວ​ໜອງ​ໜ່ຽງລົງ​ໄປ​ຫາ​ປາກຫ້ວຍ​ໝາກ​ຮຽວ ເມືອງ​ຫາດ​ຊາຍຟອງ ໂດຍ​ມີ​ປະຊາຊົນ​ສ່ວນ​ຮ່ວມ.

 

ແຫລ່ງຂ່າວ: ໜັງສືພິມວຽງຈັນໃໝ່

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...