ການຮັກສາອາການໄຂ້ຂອງຄົນຖືພາແມ່ນຄວນດູແລຕົວເອງໃຫ້ດີ ຫຼຸດໄຂ້ບໍ່ໃຫ້ມີອຸນຫະພູມສູງເກີນໄປ ຄວນລະບາຍຄວາມຮ້ອນອອກດ້ວຍການໝັ່ນເຊັດຕົວດ້ວຍນ້ຳທີ່ມີອຸນຫະພູມທຳມະດາເທົ່ານັ້ນ ວິທີເຊັດແມ່ນໃຫ້ເຊັດຂຶ້ນເພື່ອເປັນການເປີດຮູຂຸມຂົນ ສ່ວນຢາແມ່ໃຫ້ປຶກສາແພດເທົ່ານັ້ນຫ້າມຊີ້ກິນເອງຕາມຮ້ານຂາຍຢາເດັດຂາດ ເພາະຈະເກີດມີຄວາມສ່ຽງຕໍ່ລູກໃນທ້ອງ
ການດູແລຕົວເອງເມື່ອເວລາຖອກທ້ອງ
ອາການຖອກທ້ອງທີ່ພົບຫຼາຍທີ່ສຸດໃນຄົນຖືພາ ແມ່ນໄດ້ແບ່ອອກເປັນ 2 ກຸ່ມຫຼັກໆຄື: ຖອກທ້ອງຍ້ອນເກີດຈາກແບັດທີເຣຍ ແລະ ຊະນິດທີ່ບໍ່ເກີດຈາກການຕິດເຊື້ອ ການຮັກສາແມ່ນຄວບຄຸມບໍ່ໃຫ້ຮ່າງກາຍເກີດພາວະຂາດນ້ຳ ຫຼັກການງ່າຍໆຄືຮ່າງກາຍເສຍນ້ຳໄປເທົ່າໃດກໍ່ໃຫ້ກິນນ້ຳຫຼາຍຂຶ້ນເທົ່ານັ້ນ ອາດຈະດື່ມນ້ຳເກືອແຮ່ ຫຼື ນ*ລ້າກໍ່ໄດ້ ເພື່ອທົດແທນນ້ຳທີ່ເສຍໄປ ໃນພາວະຖອກທ້ອງ ລຳໄສ້ຍັງການບວມຢູ່ ດັ່ງນັ້ນຄວນເລືອກອາຫານທີ່ຈະກິນຈຳພວກອາຫານທີ່ຍ່ອຍງ່າຍ ແລະ ມີປະໂຫຍດເຊັ່ນ: ເຂົ້າປຽກເຂົ້າ, ກິນປາ, ແກງຈືດ ກິນອາຫານຣົດຊາດຈືດໆໄປກ່ອນ ເພື່ອໃຫ້ຮ່າງກາຍຄ່ອຍໆປັບຕົວລູກນ້ອຍໃນທ້ອງກໍ່ຈະປອດໄພອີກດ້ວຍ
ນອກຈາກນີ້ຍັງມີອາການປ່ວຍອື່ນໆ ທີ່ພົບໄດ້ໃນແມ່ຍິງຖືພາ ເຊິ່ງມັກຈະເປັນອາການທີ່ພົບທົ່ວໄປ ເນື່ອງຈາກການປ່ຽນແປງຂອງຮ່າງກາຍຜິດປົກກະຕິ ການກິນອາຫານທີ່ມີປະໂຫຍດ ແລະ ໝັ່ນດູແລຮັກສາສຸຂະພາບຕົວເອງຢ່າງສະໝ່ຳສະເໝີ ຫຼີຫລ່ຽງການຊື້ຢາກິນດ້ວຍຕົວເແງ ຈະຊ່ວຍໃຫ້ລູກນ້ອຍຂອງທ່ານປອດໄພຈາກຜົນກະທົບທາງລົບໄດ້