ສຳນັກຂ່າວຕ່າງປະເທດລາຍງານມື້ນີ້ວ່າ ນັກໂທດຫຼາຍກວ່າ 100 ຄົນໜີອອກຈາກຄຸກ ຫຼັງຖືກພາຍຸເຮີລິເຄນເອີມາພັດຖະຫຼົ່ມ ໃນພື້ນທີ່ເກາະທໍໂທລ່າ ໃນໝູ່ເກາະບຣິຕິດເວີຈິນ ດິນແດນພົ້ນທະເລຂອງສະຫະຣາຊະອານາຈັກ ໃນທະເລແຄຣິບບຽນ ຄຸກເທິງເກາະແຫ່ງນີ້ສາມາດຮອງຮັບນັກໂທດໄດ້ຫຼາຍກວ່າ 200 ຄົນ ໂດຍຕອນນີ້ກອງກຳລັງອັງກິດຫຼາຍກວ່າ 500 ຄົນ ຖືກສົ່ງເຂົ້າໄປປະຕິບັດການຍັງເກາະແຫ່ງນີ້.
ພາຍຸເຮີລິເຄນເອີມານັບເປັນພາຍຸທີ່ຮຸນແຮງທີ່ສຸດຂອງປີນີ້ ຫຼ້າສຸດເປັນພາຍຸທີ່ມີຄວາມໄວລົມເຖິງ 210 ກິໂລແມັດຕໍ່ຊົ່ວໂມງ ສົ່ງຜົນກະທົບກັບປະຊາບຊົນຫຼາຍລ້ານຄົນແລ້ວ.