ສຳນັກຂ່າວຕ່າງປະເທດລາຍງານຈາກນະຄອນຫຼວງ ດາມັສກັສ ປະເທດ ຊີເຣຍ ເມື່ອວັນທີ 8 ກັນຍາ 2017 ວ່າສູນສຶກສາ ແລະ ວິໄຈວິທະຍາສາດຂອງຊີເຣຍ (ເອສເອສອາຣຊີ) ລາຍງານວ່າເຮືອບິນຮົບຂອງກອງທັງອິສຣາເອລ ຈຳ ນວນໜຶ່ງບຸກເຂົ້າຍິງຂີປະນາວຸດຜ່ານນ່ານຟ້າຂອງເລບານອນ ເຂົ້າມາໂຈມຕີໜຶ່ງໃນຖານປະຕິບັດການຂອງເອສເອສອາຣຊີ ທີເມືອງ ມາສຢາຟ ໃນແຂວງ ຮາມາ ທາງຕະເວັນຕົກສຽງເໜືອຂອງປະເທດ ເມື່ອງຊ່ວງຕອນເຊົ້າຂອງວັນພະຫັດຕາມເວລາທ້ອງຖິ່ນ ເຊິ່ງໄດ້ສ້າງຄວາມເສຍຫາຍຢ່າໜັກ ແລະ ເຮັດໃຫ້ມີເຈົ້າໜ້າທີ່ປະຈຳການສູນເສຍຊີວິດຢ່າງໜ້ອຍ 2 ຄົນ
ທ່ານ ເອວິກດໍຣ ລີເບີແມນ ລັດຖະມົນຕີກະຊວງປ້ອງກັນປະເທດຂອງອິສຣາເອລ ກ່າວເຖິງເຫດການທີ່ເກີດຂຶ້ນພຽງວ່າ ອິສຣາເອລພ້ອມເຮັດທຸກວິທີທາງເພື່ອປົກປ້ອງປະຊາຊົນຂອງຕົນເອງຈາກອັນຕະລາຍຮອບດ້ສນ ດ້ວຍການບໍ່ເປີດໂອກາດໃຫ້ ແນວຮ່ວມຊີອະຈາກເຕຫະຣານໃນດາມັສກັສ ໄດ້ມີເວລາກຽມຕົວຮຸກຮານອິສຣາເອລໄດ້ຢ່າງເດັດຂາດ ໂດຍທາງການອິສຣາເອລບໍ່ໄດ້ຍອມຮັບກັບຄຳກ່າວຫາ ແລະ ບໍ່ໄດ້ປະຕິເສດຄືກັນ