ເມື່ອວັນທີ 5 ກັນຍາ 2017 ທີ່ຜ່ານມາ ສຳນັກຂ່າວ ຣັສເຊຍ ໂກຣດແມນ ແລະ ນິວຢອກທາມ ໄດ້ລາຍງານວ່າ ບໍ່ພໍເທົ່າໃດອາທິດທີ່ຜ່ານມາທະຫານມຽນມາໃນລັດຖະບານທ່ານນາງ ອອງຊານຊູຈີ ໄດ້ບຸກເຂົ້າໂຈມຕີຖານທີ່ໝັ້ນສຳຄັນກຸ່ມກໍ່ການຮ້າຍ ອາຣະກັນຊາວໂຣຮິນຢາ ເຮັດໃຫ້ມີແມ່ຍິງ ແລະ ເດັກນ້ອຍຊາວໂຣຮິນຢາຖືກທາລຸນ ແລະ ຖືກຂ້າເປັນຈຳນວນຫຼາຍ
ຕາມທີ່ຄະນະກຳມະທິການຢຸໂຣບໂຣຮິນຢາ (ERC ຢຸໂຣບໂຣຮິນຢາ Council) ລາຍງານສະຖິຕິສະເພາະນັບຕັ້ງແຕ່ວັນທີ 25-27 ສິງຫາ 2017 ພຽງເວລາ 3 ມື້ ມີຊາວໂຣຮິນຢາກວ່າ 3,000 ຄົນຖືກຂ້າຕາຍ, ໝູ່ບ້ານຖືກເຜົາທຳລາຍ ໂດຍທະຫານຂອງມຽນມາໄດ້ໃຫ້ເຫດຜົນວ່າທີ່ເຮັດລົງໄປເພື່ອຕໍ່ຕ້ານການກໍ່ການຮ້າຍ ແລະ ໃນຂະນະນີ້ມີຜູ່ລີ້ໄພຊາວໂຣຮິນຢາກວ່າ 18,000ຄົນ
ລາງວັນໂນເບລສາຂາສັນຕິພາບທີ່ທ່ານ ນາງ ອອງຊານຊູຈີ ໄດ້ຮັບ ເປັນລາງວັນທີ່ມອບໃຫ້ຄົນທີ່ມີຜົນງານໂດດເດັ່ນໃນດ້ານການສ້າງມິດຕະພາບລະຫວ່າງຄົນ ຄົນທີ່ໄດ້ຮັບລາງວັນນີ້ຄວນຈະຕໍ່ສູ້ເພື່ອປົກປ້ອງ ແລະ ສົ່ງເສີມຄຸນຄ່າສິດທິມະນຸດເພື່ອໃຫ້ເກີດຄວາມສະຫງົບສຸກ ເມື່ອເກີດເຫດອາຊະຍາກຳຮ້າຍແຮງຕໍ່ຊາວໂຣຮິນຢາໃນປະເທດມຽນມາ ອອງຊານຊູຈີກໍ່ຄວນຈະຫາແນວທາງແກ້ໄຂ ແຕ່ເມື່ອໄດ້ຮັບລາງວັນໂນເບລສາຂາສັນຕິພາບໄປແລ້ວບໍ່ສາມາດທີ່ຈະສາມາດປະຕິບັດຕາມໄດ້ລາງວັນນີ້ກໍ່ຄວນຈະຖືກຖອນຄືນໂດຍຄະນະກຳມາທິການໂນເບລ ເຊິ່ງປັດຈຸບັນມີຄົນລົງລາຍຊື່ກວ່າ 300,000 ຄົນ ຍື່ນໜັງສືຫາຄະນະກຳມະທິການໂນເບລໃຫ້ຖອນລາງວັນນີ້ຈາກອອງຊານຊູຈີ