spot_img
Homeຂ່າວການສຶກສາວິທີແລະຂັ້ນຕອນການລົງທະບຽນຮຽນ ມຊ

ວິທີແລະຂັ້ນຕອນການລົງທະບຽນຮຽນ ມຊ

Published on

ນີ້ຄືຂໍເແນະນຳເລັກໆນ້ອຍໆກ່ຽວກັບການມາລົງທະບຽນຮຽນຄັ້ງທຳອິດ(ສະເພາະຜູ້ທີ່ເສັງຕິດລະບົບຈ່າຍຄ່າຮຽນ)ເພື່ອຄວາມສະດວກ ແລະວ່ອງໄວໃນການດຳເນີນງານຫລາຍຂຶ້ນ.

1. ເປີດລົງທະບຽນຢ່າງເປັນທາງການຕັ້ງແຕ່ວັນທີ 28/8-15/9 ທີ່ສະໂມສອນໃຫຍ່ ມຊ (ສະເພາະໂມງລັດຖະການເທົ່ານັ້ນ).
2. ມາລົງທະບຽນດ້ວຍຕົນເອງ ແລະທຸກໆຄົນຕ້ອງແຕ່ງຕົວສຸພາບ ຫລືໃສ່ຊຸດນັກຮຽນ ບໍ່ດັ່ງນັ້ນເຈົ້າຫນ້າທີ່ຈະບໍ່ຮັບຄຳຮ້ອງ.
3. ເອກະສານສຳຄັນທີ່ຕ້ອງນຳມາ ໄດ້ແກ່ <<ບັດເຂົ້າຫ້ອງເສັງ ມ.ຊ,ໃບປະກາສະນິຍະບັດມ.7 ຫລືໃບຄະແນນ, ຊີວະປະຫວັດນັກຮຽນມ.7, ບັດປະຈຳໂຕຫລືປຶ້ມສຳມະໂນຄົວ>> (ເອກະສານທຸກຢ່າງຕ້ອງມີທັງສະບັບຈິງ ແລະສຳເນົາ)
4.ບໍ່ຕ້ອງເອົາຮູບຕິດບັດມາ ເພາະຕ້ອງມາຖ່າຍຢູ່ບ່ອນລົງທະບຽນ.
5.ຖືເງິນມາລົງທະບຽນປະມານ 1.500.000 ກີບ
6. ກະລຸນາອ່ານວິທີລົງທະບຽນທີ່ສະຖານທີ່ລົງທະບຽນຢ່າງລະອຽດເສຍກ່ອນຫາກບໍ່ເຂົ້າໃຈກໍຖາມຝ່າຍປະຊາສຳພັນ.
7.ຫລັງຈາກລົງທະບຽນຮຽບຮ້ອຍນ້ອງກໍຈະໄດ້ <<ບັດປະຈຳຕົວນັກສຶກສາຊົ່ວຄາວ>> ຫລັງຈາກນັ້ນໃຫ້ໄປທີ່ຫ້ອງການວິຊາການຄະນະທີ່ນ້ອງຮຽນ ເພື່ອລົງທະບຽນຮັບກາລະວັດ ແລະປ້າຍເສື້ອເປັນອັນວ່າຈົບພິທີ.

ຂໍ້ແນະນຳ: 
– ຫາກບັດເຂົ້າຫ້ອງເສັງມ.ຊ ເສຍຕ້ອງພົວພັນຫ້ອງວິຊາການ ມ.ຊ.
– ນ້ອງໆທີ່ມາລົງທະບຽນຢ່າຈອດລົດຈັກຊະຊາຍເດັດຂາດ ສ່ຽງຕໍ່ການຖືກລັກທີ່ສຸດ.
– ຕອນລົງທະບຽນຈະມີຊອງເຫລືອງທີ່ເຈົ້າຫນ້າທີ່ໃຫ້ມາ ຢ່າເອົາຖິ້ມ ຫລືປ່ຽນຊອງເດັດຂາດ.
– ກ່ອນອອກຈາກສະຖານທີ່ລົົງທະບຽນຢ່າລືມກວດສອບເອກະສານສຳຄັນຂອງຕົນ ເພາະແຕ່ລະປີມີຜູ້ລືມເອກະສານຫລາຍເຫລືອເກີນ.
– ໃຜບ້ານໄກແນະນຳໃຫ້ໄປຕອນເຊົ້າ ຄັນໄປຕອນບ່າຍໆອາດຈະບໍ່ແລ້ວ ຕ້ອງໄດ້ໄປອີກຄັ້ງເສຍເວລາ.
– ຖ້າບໍ່ຮູ້ຫຼືບໍ່ເຂົ້າໃຈອັນໃດ ກໍໃຫ້ສັງເກດເບິ່ງໝູ່ ຖາມໝູ່ຜູ້ທີ່ເຂົາລົງທະບຽນແລ້ວໆ ນັ້ນຕື່ມ

ຂອບໃຈຂໍ້ມູນຈາກ: Za Za Sitthihukpanya

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...