spot_img
Homeອຸບັດເຫດແລະປາກົດການຫຍໍ້ທໍ້ຕັດສິນ ຈຳຄຸກຈໍາເລີຍຄະດີຄ້າຂາຍຢາເສບຕິດ 2 ລາຍ

ຕັດສິນ ຈຳຄຸກຈໍາເລີຍຄະດີຄ້າຂາຍຢາເສບຕິດ 2 ລາຍ

Published on

ໃນວັນທີ 23 ສິງຫາ 2017 ທີ່ຜ່ານມາ, ຄະນະອາຍາ ສານປະຊາຊົນຂັ້ນຕົ້ນ ແຂວງອຸດົມໄຊ ໄດ້ນຳເອົາຄະດີຄ້າຂາຍຢາເສບຕິດ ຂຶ້ນມາຕັດສິນ ຈໍາເລີຍຄະດີທີ 1 ຊື່ທ້າວ ລີແສງເລົ່າ ອາຍຸ 24 ປີ ຢູ່ບ້ານພູຂຽວ ເມືອງໄຊ ແຂວງອຸດົມໄຊ ຖືກເຈົ້າໜ້າທີ່ກັກຕົວໃນວັນທີ 12 ຕຸລາ 2016 ໃນຂໍ້ຫາຄ້າຂາຍຢາເສບຕິດ ແລະ ມີຢາເສບຕິດໄວ້ໃນຄອບຄອງ ພ້ອມຢາບ້າ 990 ເມັດ; ຈໍາເລີຍຄະດີທີ 2 ຊື່ ທ້າວ ຈັງຢ້າ ອາຍຸ 21 ປີ ບ້ານໂຮມໄຊ ເມືອງໄຊ ແຂວງອຸດົມໄຊ ຖືກເຈົ້າໜ້າທີ່ກັກຕົວໃນວັນທີ 17 ກໍລະກົດ 2016.

ທ້າວ ລີແສງເລົ່າ ໄດ້ຮັບສາລະພາບໃນຫ້ອງປະຊຸມສານວ່າ: ໄດ້ເລີ່ມເຄື່ອນໄຫວຄ້າຂາຍຢາເສບຕິດມາແຕ່ປີ 2013 ຈົນມາຮອດວັນທີ 12 ຕຸລາ 2016, ຜູ້ກ່ຽວໄດ້ໄປຊື້ຢາບ້າ 5 ຖົງ ເທົ່າກັບ 1.000 ເມັດ; ພາຍຫຼັງໄດ້ຢາບ້າມາແລ້ວ ໄດ້ນໍາໄປຂາຍໃຫ້ກັບໄວລຸ້ນພາຍໃນບ້ານ ຈໍານວນ 11 ເມັດ ຍັງເຫຼື່ອ 990 ເມັດ. ຈາກນັ້ນ, ເວລາຕໍ່ມາໄດ້ຖືກເຈົ້າ ໜ້າທີ່ກັກຕົວ ພ້ອມຂອງການຢາບ້າຈໍານວນດັ່ງກ່າວ.

ທ້າວ ຈັງຢ້າ ຈໍາເລີຍຄະດີທີ 2 ສາລະພາບວ່າ: ໄດ້ເລີ່ມຄ້າຂາຍຢາເສບຕິດມາແຕ່ປີ 2014 ຈົນມາຮອດວັນທີ 17 ກໍລະກົດ 2016, ຜູ້ກ່ຽວໄດ້ໄປ ຊື້ຢາບ້າຈໍານວນ 200 ເມັດ; ພາຍຫຼັງໄດ້ຢາບ້າມາແລ້ວ ກໍນໍາໄປຂາຍໃຫ້ ກັບໄວລຸ້ນພາຍໃນບ້ານ ຈໍານວນ 148 ເມັດ ຍັງເຫຼື່ອ 52 ເມັດ. ຈາກນັ້ນ, ຖືກເຈົ້າໜ້າທີ່ເຂົ້າກັກຕົວ ພ້ອມຂອງກາງດັ່ງກ່າວ.

ຜ່ານການຄົ້ນຄວ້າບັນດາຂໍ້ມູນຫຼັກຖານ, ເອກະສານຕ່າງໆຢູ່ໃນສໍານວນຄະດີ ແລະ ຄໍາຮັບສາລະພາບຂອງພວກຈຳເລີຍ ແລ້ວເຫັນວ່າ: ມີຄວາມຜິດຄົບ 4 ອົງປະກອບຂອງການກະທໍາຜິດ. ດ້ວຍເຫດນີ້, ຈຶ່ງເຫັນ ຄວນລົງໂທດພວກຈໍາເລີຍ ຄື: ຕັດສິນລົງໂທດ ຈໍາຄຸກຜູ້ລະ 5 ປີ ປັບໄໝ ຜູ້ລະ 10.000.000 ກີບ ໃນສະຖານຄ້າຂາຍຢາເສບຕິດ ຕາມມາດຕາ 146 ຂໍ້ 2 ວັກ 1 ຂອງກົດໝາຍອາຍາ.

 

ແຫລ່ງຂ່າວ: ໜັງສືພິມ ປ້ອງກັນຄວາມສະຫງົບ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...