ນ້ຳຖ້ວມເມືອງປູຊານ ປະເທດເກົາຫຼີໃຕ້ ບ້ານເຮືອນ – ລົດໃຫຍ່ເສຍຫາຍໜັກ ມີຜູ້ເສຍຊີວິດແລ້ວ 5 ຄົນ.
ໃນມື້ວັນຈັນທີ 25 ສິງຫາ 2014 ທີ່ຜ່ານມາ ສຳນັກຂ່າວທາງການຂອງເກົາຫຼີໃຕ້ ລາຍງານວ່າ ເກີດເຫດນ້ຳຖ້ວມຄັ້ງໃຫຍ່
ທາງພາກຕາເວັນອອກສ່ຽງໃຕ້ຂອງປະເທດ ຫຼັງຈາກຝົນຕົກໜັກລົງມາຢ່າງຕໍ່ເນື່ອງ ສົ່ງຜົນເຮັດໃຫ້ມີຜູ້ເສຍຊີວິດແລ້ວ
5 ຄົນ ແລະ ສູນຫາຍອີກຢ່າງໜ້ອຍ 4 ຄົນ.
ລາຍງານຍັງໄດ້ລະບຸວ່າ ພື້ນທີ່ທີ່ໄດ້ຮັບຜົນກະທົບຫຼາຍທີ່ສຸດ ໄດ້ແກ່ເມືອງປູຊານ ແລະ ພື້ນທີ່ໃກ້ຄຽງໃນແຂວງຄະຍອງຊັງ
ໃຕ້ ໂດຍຫຼັງຈາກທີ່ຝົນຕົກລົງມາຢ່າງໜັກ ຈົນທຳລາຍສະຖິຕິທີ່ 130 ມີລີແມັດຕໍ່ຊົ່ວໂມງ ເມື່ອວັນທີ 25 ສິງຫາຜ່ານມາ
ເຮັດໃຫ້ພື້ນທີ່ດ່ັງກ່າວ ກໍໄດ້ປະເຊີນກັບນ້ຳຖ້ວມຄັ້ງຮຸນແຮງທີ່ສຸດ ສ້າງຄວາມເສຍຫາຍໃຫ້ກັບບ້ານເຮືອນ, ລົດຍົນ ແລະ
ສິ່ງກໍ່ສ້າງຕ່າງໆ ອີກທັງຍັງມີດິນຖະຫຼົ່ມໃນບາງພື້ນທີ່ອີກດ້ວຍ.
