ເວັບໄຊຂ່າວຈີນ ຊິນລາງເຈີຈຽງ ລາຍງານຈາກເມືອງ ເວິນຫຼິງ ປະເທດຈີນ ເມື່ອວັນທີ 24 ສິງຫາ “ສ່ຽວ ອູ໋” ອາຍຸຸ 26 ປີ ໄດ້ຂັບລົດຈັກມາດ້ວຍໄວສູງໂດຍມີເພື່ອນອີກຄົນຊ້ອນທ້າຍມານຳ ລົດຂອງລາວໄດ້ເສຍຫຼັກໄປຕຳເອົາກັບເຫຼັກທີ່ກັ້ນບໍລິເວນກາງຖະໜົນແຫ່ງໜຶ່ງໃນເມືອງເວິ່ນຫລິງ ມົນທົນເຈີ້ຈຽງຂອງປະເທດຈີນ ດ້ວຍຄວາມຮຸນແຮງໃນຂະນະທີ່ປະທະກັບຮົ້ວເຮັດໃຫ້ທັງສອງຄົນເດັນອອກຈາກລົດ ຮົ້ວເຫຼັກໄດ້ຫັກອອກ ແລະ ສຽບທະລຸຮ່າງຂອງສຽວອູ໋ທັນທີ ມີພົນລະເມືອງດີມາພົບເຫັນ ແລະ ໄດ້ໂທແຈ້ງໜ່ວຍກູ້ໄພ ລາວໄດ້ຖືກນຳສົ່ງໄປທີ່ໂຮງໝໍໄທ່ໂຈວ ເພື່ອຮັບການຜ່າຕັດດ່ວນ ແພດເປີດເຜີຍວ່າ ເຫຼັກທີ່ມີຄວາມກວ້າງກວ່າ 4 ນິ້ວ ຖືກຖອດອອກຈາກຮ່າງຂອງສຽວອູ໋ໂດຍໜ່ວຍກູ້ໄພ ແລະ ຕຳແໜ່ງທີ່ຖືກເຫຼັກສຽບນັ້ນຫ່າງຈາກຫົວໃຈພຽງແຕ່ 0.4 ນິ້ວເທົ່ານັ້ນ ຈິ່ງຖືວ່າໂຊກດີ ແຕ່ຢ່າງໃດກໍ່ຕາມປອດ ແລະ ກະດູກຂ້າງໄດ້ຮັບຄວາມເສຍຫາຍ ແພດຕ້ອງໃຊ້ເວລາກວ່າ 3 ຊົ່ວໂມງໃນການຜ່າຕັດຊ່ວຍຊີວິດ ແລະ ໃນຂະນະນິີ້ ລາວກຳລັງນອນພັກຟື້ນຢູ່ໂຮງໝໍໃນອາການຍັງຄົງທີ່