spot_img
Homeຂ່າວທ້ອງຖິ່ນລະເບີດແຕ່ສະໄໝສົງຄາມ ແຕກໃສ່ປະຊາຊົນເສຍຊີວິດ 2 ຄົນ

ລະເບີດແຕ່ສະໄໝສົງຄາມ ແຕກໃສ່ປະຊາຊົນເສຍຊີວິດ 2 ຄົນ

Published on

ເມື່ອວັນທີ 06 ສິງຫາ 2017 ທີ່ຜ່ານມາ ໄດ້ເກີດເຫດລະເບີດທີ່ຕົກຄ້າງແຕ່ສະໄໝສົງຄາມ ໄດ້ແຕກໃສ່ປະຊາຊົນ ບ້ານຕາຢົງ ເມືອງນອງ ແຂວງສະຫວັນນະເຂດ ເສຍຊີວິດ 2 ແລະບາດເຈັບສາຫັດ 1

ຕາມຂ່າວເລົ່າວ່າ ຜູ້ເຄາະຮ້າຍເປັນຊາຍທັງ 3 ຄົນ ໄດ້ໄປຂຸດດິນເພື່ອປູກຕົ້ນຢາງພາລາ ແຕ່ເຄາະຮ້າຍໄປຂຸດຖືກລະເບີດທີ່ຕົກຄ້າງຢູ່ພື້ນດິນມາແຕ່ສະໄໝສົງຄາມ ເຮັດໃຫ້ເກີດລະເບີດຂຶ້ນຢ່າງແຮງ ເປັນເຫດໃຫ້ ທ້າວ ພອນ ຜູ້ຂຸດດິນຖືກລະເບີດຈົນຮ່າງກາຍແຫຼກກະແຈກກະຈາຍເສຍຊີວິດທັນທີ, ທ້າວ ອາໂບ ຢູ່ໃກ້ຈຸດເກີດເຫດບໍ່ເກີນ 1 ແມັດ ໄດ້ຮັບບາດເຈັບສາຫັດ ແລະໄດ້ເສຍຊີວິດໃນເວລາຕໍ່ມາ ແລະ ທ້າວ ຄຳພຽງ ຢູ່ຫ່າງຈາກຈຸດເກີດເຫດປະມານ 5 ແມັດ ໄດ້ຮັບບາດເຈັບສາຫັດ ປັດຈຸບັນຜູ້ກ່ຽວກຳລັງນອນປິ່ນປົວຢູ່ໂຮງໝໍ ເຊິ່ງຜູ້ກ່ຽວແມ່ນຖືກສະເກັດລະເບີດເກືອບທົ່ວຮ່າງກາຍ ຕາຊ້າຍບອດ, ຕາຂວາຖືກກະທົບຢ່າງແຮງ, ສ່ວນຮ່າງກາຍມີບາດແຜທົ່ວໄປແລະຖືກໄຟລວກ. ດ້ວຍຄວາມທຸກຍາກ ພີ່ນ້ອງຂອງຜູ້ກ່ຽວຈຶ່ງວິ່ງວອນຍັງສັງຄົມ ຜູ້ໃຈບຸນຈົ່ງໄດ້ຊ່ວຍເຫຼືອຜູ້ກ່ຽວດ້ວຍ. ຕິດຕໍ່ຍາດພີ່ນ້ອງຜູ້ກ່ຽວ ທ. ບຸນໃໝ່ 030 4839 470

ແຫຼ່ງຂ່າວ: ນາທີຊີວິດ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...