ພິທີລົງນາມໂຄງການກໍ່ສ້າງສະຖານີວັດແທກແຜ່ນດິນໄຫວ ແລະ ສູນຂໍ້ມູນແຜ່ນດິນໄຫວລະຫວ່າງທ່ານ ຂັນມະນີ ຂຸນພົນ ຫົວໜ້າກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ
ທ່ານ ຫວັງ ຊີຮຸ່ຍ ທູດເສດຖະກິດແຫ່ງ ສປ ຈີນ ປະຈໍາລາວ, ໄດ້ມີຂຶ້ນໃນວັນທີ 11 ສິງຫາ 2017 ນີ້ທີ່ກົມອຸຕຸນິຍົມ ແລະ ອຸທົກກະສາດ ນະຄອນຫລວງວຽງຈັນ ເພື່ອປະຕິບັດຕາມສັນຍາແລກປ່ຽນກ່ຽວກັບການຈັດຕັ້ງປະຕິບັດໂຄງການກໍ່ສ້າງສະຖານີວັດແທກແຜ່ນດິນໄຫວ ແລະ ສູນຂໍ້ມູນແຜ່ນດິນໄຫວລະຫວ່າງລັດຖະບານ ແຫ່ງ ສປປ ລາວ ແລະ ລັດຖະບານແຫ່ງ ສປ ຈີນ ສະບັບລົງວັນທີ 8 ກັນຍາ 2016.
ໂຄງການດັ່ງກ່າວເປັນການຮ່ວມມືທີ່ສໍາຄັນລະຫວ່າງສອງປະເທດລາວ-ຈີນ ໃນການເກັບກໍາຂໍ້ມູນແຜ່ນດິນໄຫວໃນລາວໃຫ້ເປັນລະບົບຄົບຊຸດ, ຖືກຕ້ອງຕາມເຕັກນິກວິຊາການ ແລະ ມາດຕະຖານສາກົນ.
ແຫລ່ງຂ່າວ: Sengaloun Sayalath