ຄໍາເຕືອນ: 5/8/2017 ຝົນໄດ້ສືບຕໍ່ຕົກຕິດຕໍ່ກັນ 2 ຫາ 3 ວັນ(5-7) ຍ້ອນຄວາມກົດດັນອາກາດຕໍ່າມີກຳລັງປານກາງໄດ້ປົກຄຸມຢູ່ທົ່ວທຸກພາກຂອງປະເທດລາວ, ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ມີກໍາລັງປານ ກາງຫາແຮງໄດ້ພັດປົກຄຸມ ເຊິ່ງລັກສະນະເຊັ່ນນີ້, ຈະເຮັດໃຫ້ມີຝົນຕົກໃນລະດັບຄ່ອຍ ຫາ ຕົກປານກາງຢູ່ທົ່ວໄປ ແລະ ຕົກໜັກຢູ່ບາງທ້ອງຖິ່ນແຂວງ ພາກເໜືອດ້ານຕາເວັນຕົກ ລົງຫາ ພາກກາງ ແລະ ພາກໃຕ້ ພ້ອມມີລົມພັດແຮງເປັນບາງໂອກາດ.
ຂະນະທີ່ ໄດ້ເຮັດໃຫ້ລະດັບນໍ້າມະຫາໄຊ (ຂົວເຊບັ້ງໄຟ),ໄດ້ສູງຂຶ້ນໃກ້ເຂດລະວັງໄພ,ດັ່ງນັ້ນຈຶ່ງແຈ້ງເຕືອນເຖິງພໍ່ແມ່ປະຊາຊົນພ້ອມດ້ວຍ ອຳນາດການປົກຄອງທຸກພາກສ່ວນ, ຈົ່ງມີສະຕິຕໍ່ສະພາບຝົນຕົກໃນລະດັບປານກາງ ຫາ ຕົກໜັກ ແລະ ກຽມພ້ອມຮັບມືກັບສະພາບນໍ້າຖ້ວມອັ່ງ, ນໍ້າຖ້ວມຊຸ. ຊື່ງຈະເປັນອັນຕະລາຍຕໍ່ຊິວິດ ແລະ ຊັບສິນອັນມີຄ່າຂອງພໍ່ແມ່ປະຊາຊົນ, ໃຫ້ເກັບມຽ້ນວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ພ້ອມນີ້ຂໍໃຫ້ຕິດຕາມຂ່າວອາກາດ,ລະດັບນໍ້າ ຈາກກົມອຸຕຸນິຍົມ ແລະ ອຸທົກກະສາດເປັນປະຈຳ.
ແຫລ່ງຂ່າວ: ກົມອຸຕຸນິຍົມ-ອຸທົກກະສາດ