ຕອນເຊົ້າວັນທີ 31 ກໍລະກົດ 2017 ເວລາປະມານ 05:00 ນາທີ ມີຄົນສັນຊາດຈີນໄດ້ນຳລູກມາຖິ້້ມໄວ້ວັດບ້ານ ພິບຸນທອງ ເມືອງ ຫ້ວຍຊາຍ ແຂວງບໍ່ແກ້ວ ໃນນັ້ນ ເດັກມີຜ້າຕຸ້ມຢ່າງດີ ມີເຄື່ອງນຸ່ງ ແລະ ເຄື່ອງໃຊ້ສຳຫຼັບເດັກ ພ້ອມເງິນສົດ 1 ລ້ານກີບ ເປັນເດັກເພດຊາຍ
ຈາກການບອກເລົ່າຈາກຜູ້ພົບເຫັນຜ່ານທາງເຟສ Horm Keomany ບອກວ່າ ຜ່ານມາເຄີຍແຕ່ອ່ານຂ່າວການປະຖິ້ມລູກຜ່ານທາງສື່ຕ່າງໆ ບໍ່ຄິດວ່າຈະມາພົບກັບຕົວເອງ ພໍຮູ້ວ່າແມ່ນເດັກຖືກຖິ້ມຈົນໂຕສັ່ນ ຕົກສະເຫງີ້ ຫຼັງຈາກຂ່າວໄດ້ແຜ່ກະຈາຍປະຊາຊົນທີ່ຢູ່ບໍລິເວນໃກ້ຄຽງກໍ່ແຫ່ກັນມາຊົມ ແລະ ມີຜູ້ໃຈບຸນໄດ້ອຸປະກາລະເດັກໄປລ້ຽງເປັນລູກບຸນທຳແລ້ວ.
ນັບວ່າຍັງເປັນສິ່ງທີ່ດີ ແລະ ບໍ່ດີນຳກັນໄປ ພໍ່ແມ່ອາດມີເຫດຈຳເປັນຈຶ່ງຕ້ອງໄດ້ປະຖິ້ມລູກ ຈຶ່ງໄດ້ນຳລູກປະຖິ້ມໄວ້ວັດກໍ່ເພື່ອໃຫ້ຄົນລາວທີ່ນັບຖືສາສະໜາພຸດໄດ້ເປັນຄົນເອົາໄປລ້ຽງ. ຊຶ່ງກໍ່ນັບວ່າຍັງດີທີ່ເດັກປອດໄພ ແລະ ບໍ່ເກີດອັນຕະລາຍ.
ພາບ ແລະ ຂ່າວຈາກ: Horm Keomany