ດວງຕາ ນອກຈາກຈະໄວ້ເບິ່ງ ແລະ ສື່ສານຄວາມຮູ້ສຶກແລ້ວ ດວງຕາ ຍັງເປັນສ່ວນສຳຄັນໃນການພິຈາລະນາພະຍາດຕ່າງໆນໍາອີກ ຫາກສັງເກດດີໆດວງຕາ ຂອງແຕ່ລະຄົນນັ້ນມີລັກສະນະບໍ່ຄືກັນດ້ວຍລັກສະນະສີຕ່າງໆທີ່ປ່ຽນໄປຈາກເກົ່າ ສາມາດບອກໄດ້ວ່າ ເຮົາເປັນພະຍາດຫັຍງ ມື້ນີ້ເຮົາມີອາການຂອງດວງຕາ ເບື້ອງຕົ້ນມາຝາກວ່າຫາກເກີດການປ່ຽນແປງກັບດວງຕາ ເຮົາຈະສ່ຽງເປັນພະຍາດຫຍັງໄດ້ນຳ
ທ່ານໝໍ ແອນຣິວ ໄອວາລີ ຮອງສາດສະດາຈານຄິນິກ ທີ່ມະຫາວິທະຍາໄລ ແຄລິຟໍເນຍ ຊານຟານຊິດໂກ ປະເທດສະຫະລັດອາເມລິກາ ຜູ້ອຳນວຍການສູນ ຕໍ້ຫີນແຫ່ງ ຊານຟານຊິດໂກ ອະທິບາຍເຖິງລັກສະນະດວງຕາຜິດປົກກະຕິວ່າ ອາດສຳພັນກັບບາງພະຍາດດັ່ງຕໍ່ໄປນີ້
- ຕາແດງ ຫາກບໍລິເວນເຍື່ອຕາຂາວມີເສັ້ນເລືອດນ້ອຍໆ ຢູ່ຫລາຍ ເມື່ອເສັ້ນເລືອດເຫລົ່ານີ້ແຕກ ຕາຈະແດງກ່ຳ ຈາກການສຶກສາ ພົບວ່າອາການຕາແດງໂດຍບໍ່ຮູ້ສາເຫດ ອາດເປັນສັນຍານຂອງການມີພາວະຄວາມດັນເລືອດສູງ ຫລື ບໍ່ກໍອາດເກີດຈາກຄວາມຜິດປົກກະຕິຂອງເກັດເລືອດ ຊຶ່ງອາດນຳໄປສູ່ບັນຫາເລືອດຈັບໂຕເປັນກ້ອນໄດ້
- ຕາສວດ ຫາກອາການຕາສວດບໍ່ໄດ້ເປັນໄປຕາມກຳມະພັນ ນັ້ນອາດໝາຍເຖິງກຳລັງ ມີບັນຫາກ່ຽວກັບ ຮໍໂມນໄທລອຍເຮັດວຽກຜິດປົກກະຕິ ຊຶ່ງເຮັດໃຫ້ເນື້ອເຍື່ອອ້ອມຮອບ ດວງຕາໂພງຂຶ້ນ ຈົນເຮັດໃຫ້ຕາດວງສວດອອກມາ
- ສີໃນຕາປ່ຽນໄປ ສີໃນຕາທີ່ປ່ຽນໄປອາດບົ່ງບອກວ່າ ກຳລັງຖືກຕໍ້ຫີນຄຸກຄາມ
- ໜັງຕາຕົກ ອາການໜັງຕາຕົກ ນອກຈາກຈະເກີດຈາກອາຍຸຫລາຍແລ້ວ ໃນບາງ ຄົນ ເປັນອາການຂອງ ມະເຮັງສະຫມອງ ຫລື ພະຍາດກ້າມເນື້ອອ່ອນແຮງປະເພດໜຶ່ງທີ່ຈະມີອາການໂດຍສະເພາະກ້າມເນື້ອນ້ອຍໆ ບໍລິເວນໜ້າ
- ຕາດຳຜິດປົກກະຕິ ຕາດຳທັງສອງເບື້ອງເຊືອກເຂົ້າຫາກັນ (ຍົກເວັ້ນໃນບາງຄົນ) ແລະມັກຈະມີຂະໜາດເທົ່າກັນຕາມທຳມະຊາດ ຕະຫລອດຈົນມີປະຕິກິລິຍາຕອບສະຫນອງຕໍ່ແສງຄືໆກັນ ຫາກມີຄວາມຜິດປົກກະຕິເກີດຂຶ້ນ ນັ້ນອາດບົ່ງບອກເຖິງອາການຂອງພະຍາດຫລອດເລືອດສະຫມອງ ເນື້ອງອກທີ່ສະຫມອງ ຫລື ປະສາດຕາ
- ຕາເຫລືອງ ອາການຕາເຫລືອງເກີດຈາກກາລວມໂຕກັນຂອງສານ ບິລິລູບິນ ສານ ສີເຫລືອງທີ່ມີຢູ່ໃນນ້ຳບີ ຊຶ່ງເມື່ອມີບັນຫາກ່ຽວກັບຕັບ ຜູ້ປ່ວຍຈະມີສານ ບິລິລູບິນ ໃນກະແສເລືອດສູງກວ່າປົກກະຕິ ຊຶ່ງເຮັດໃຫ້ເຍື່ອຕາເປັນສີເຫລືອງ ອາການຕາເຫລືອງນີ້ ບົ່ງບອກວ່່າເປັນພະຍາດຕັບອັກເສບ ພະຍາດຕັບແຂງ
ມື້ນີ້ຢ່າລືມແຍງແວ່ນ ຫລື ເບີ່ງຕາຄົນໃກ້ໂຕ ເຊັກສຸຂະພາບກັນແນ່