spot_img
Homeຂ່າວຕ່າງປະເທດອຸຣຸໄກວ ເປີດໄຟຂຽວ ໃຫ້ຮ້ານຂາຍຢາຂາຍກັນຊາໄດ້

ອຸຣຸໄກວ ເປີດໄຟຂຽວ ໃຫ້ຮ້ານຂາຍຢາຂາຍກັນຊາໄດ້

Published on

ອຸຣຸໄກວ ກາຍເປັນປະເທດທຳອິດຂອງໂລກ ທີ່ອະນຸຍາດໃຫ້ຮ້ານຂາຍຢາສາມາດຈຳໜ່າຍກັນຊາຢ່າງຖືກກົດໝາຍ ພາຍຫຼັງທີ່ລັດຖະບານອຸຣຸໄກວອະນຸຍາດໃຫ້ຮ້ານຂາຍຢາໃນປະເທດ ເລິ່ມຂາຍກັນຊາໄດ້ຕັ້ງແຕ່ວັນທີ 19 ກໍລະກົດ 2017 ແຕ່ທຸກຂັ້ນຕອນຕັ້ງແຕ່ການປູກຈົນເຖິງຕອນຂາຍ ແມ່ນມີກົດລະບຽບຄວບຄຸມຢ່າງຮັດກຸມ.

ສຳນັກຂ່າວເອເອຟພີລາຍງານຈາກນະຄອນຫຼວງມອນເຕວິເດໂອ ປະເທດອຸຣຸໄກວເມື່ອວັນທີ 15 ກໍລະກົດ ທີ່ຜ່ານມາວ່າ ພາຍໃຕ້ກົດໝາຍທີ່ອະນຸມັດເມື່ອປີ 2013 ຊາວອຸຣຸໄກວສາມາດປູກກັນຊາໄດ້ແລະສູບຢູ່ສະໂມສອນ ສ່ວນການອະນຸຍາດໃຫ້ຮ້ານຂາຍຢາຂາຍກັນຊາໄດ້ ເປັນຂັ້ນຕອນທີ 3 ແລະຂັ້ນຕອນສຸດທ້າຍ ທັງນີ້ ປະຊຊົນຕ້ອງລົງທະບຽນເພື່ອຊື້ກັນຊາຈາກຮ້ານຂາຍຢາ ແລະຈົນເຖິງເວລານີ້ມີຜູ້ລົງທະບຽນແລ້ວຫຼາຍກວ່າ 4,700 ຄົນ ສ່ວນຫຼາຍເປັນກຸ່ມຄົນອາຍຸລະຫວ່າງ 30-44 ປີ ປັດຈຸບັນອຸຣຸໄກວມີປະຊາກອນ 3.4 ລ້ານຄົນ ພາຍໃຕ້ຂັ້ນຕອນທຳອິດຂອງກົດໝາຍປີ 2013 ມີປະຊາຊົນກວ່າ 6,600 ຄົນ ລົງທະບຽນເພື່ອປູກກັນຊາໃນຄົວເຮືອນ ແລະສະໂມສອນສຳລັບສູບກັນຊາໄດ້ຮັບອະນຸຍາດແລ້ວ 51 ແຫ່ງ.

ສະຖາບັນກຳກັບແລະຄວບຄຸມກັນຊາ ຂອງລັດຖະບານອຸຣຸໄກວ ອະນຸຍາດໃຫ້ຂາຍກັນຊາໄດ້ 2 ຊະນິດ ແລະຂາຍຫໍ່ບັນຈຸຂະໜາດ 5 ແລະ 10 ກະລາມ ນັກສູບກັນຊາທີ່ລົງທະບຽນສາມາດຊື້ໄດ້ບໍ່ເກີນຜູ້ລະ 40 ກະລາມຕໍ່ເດືອນ ໃນລາຄາກະລາມລະ 1.3 ໂດລ່າສະຫະລັດ ຫຼືປະມານ 11,000 ກີບ ມີພຽງ 2 ບໍລິສັດເທົ່ານັ້ນທີ່ໄດ້ຮັບອະນຸຍາດໃຫ້ຜະລິດກັນຊາສົ່ງໃຫ້ຮ້ານຂາຍຢາ ແລະພາຍໃຕ້ການຄວບຄຸມຂອງກອງທັບ ປະຊາຊົນບໍ່ສາມາດເຂົ້າເຖິງໄດ້ ຂະນະທີ່ເຈົ້າໜ້າທີ່ລັດຖະບານຢືນຢັນວ່າ ຈະປ້ອງກັນ ການທ່ອງທ່ຽວເພື່ອກັນຊາ ກົດໝາຍອຸຣຸໄກວ ແລະຜູ້ທີ່ຢູ່ອາໄສໃນປະເທດໂດຍຖືກກົດໝາຍເທົ່ານັ້ນທີ່ສາມາດປູກຫຼືສູບກັນຊາໄດ້.

ແຫຼ່ງຂ່າວ: ເອເອຟພີ

ບົດຄວາມຫຼ້າສຸດ

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່?

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່? ອມພ ອາກອນມູນຄ່າເພີ່ມ ຫຼື VAT : ແມ່ນອາກອນມູນຄ່າເພີ່ມທີ່ເກັບຕາມມູນຄ່າສິນຄ້າ ຫຼື ການບໍລິການໃນປະເທດ ແລະ...

ຂ່າວດີ! ສົກຮຽນ 2025-2026 ມຊ ຈະຮັບນັກສຶກສາໃໝ່ 5.670 ຄົນ

ສົກຮຽນ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670 ຄົນ. ໃນສົກສຶກສາ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670...

ລາວ-ກຳປູເຈຍ ຈັດກອງປະຊຸມຄະນະກຳມະການຊາຍແດນຮ່ວມ ຄັ້ງທີ 8 ທີ່ນະຄອນຫຼວງພະນົມເປັນ, ຣາຊະອານາຈັກກໍາປູເຈຍ

ລາວ-ກໍາປູເຈຍ ລົງນາມສືບຕໍ່ຮ່ວມມືດ້ານການປັກຫຼັກໝາຍຊາຍແດນ ວັນທີ 26 ກໍລະກົດ2025 ລາວ-ກຳປູເຈຍ ຈັດກອງປະຊຸມຄະນະກຳມະການຊາຍແດນຮ່ວມ ຄັ້ງທີ 8 ທີ່ນະຄອນຫຼວງພະນົມເປັນ, ຣາຊະອານາຈັກກໍາປູເຈຍ. ຄະນະຜູ້ແທນຝ່າຍລາວນຳໂດຍພະນະທ່ານທອງສະຫວັນ ພົມວິຫານ, ລັດຖະມົນຕີກະຊວງການຕ່າງປະເທດ, ປະທານຄະນະກໍາມະການຊາຍແດນຮ່ວມລາວ-ກໍາປູເຈຍແລະຄະນະຜູ້ແທນຝ່າຍກໍາປູເຈຍນໍາໂດຍພະນະທ່ານລາມເຈຍ,...

ເຫດການຄາຕະກຳ! ເຂີຍໂຫດບໍ່ພໍໃຈເມຍແຊຣໂພສລົງເຟສບຸກ ໃຊ້ອາວຸດປືນຍິງຄອບຄົວ ພ້ອມຈົບຊີວິດຕົນເອງ ລວມທົງໝົດ 5 ສົບ

ເຂີຍໂຫດບໍ່ພໍໃຈເມຍ ທີ່ແຊຣລົງເຟສບຸກ ຈຶ່ງກໍ່ເຫດຄາຕະກຳ ແລ້ວຈົບຊີວິດຕົນເອງຕາມ ປກສ ແຂວງຊຽງຂວາງ ລາຍງານວ່າ: ວັນທີ 15 ກໍລະກົດ 2025 ຜ່ານມານີ້, ເຈົ້າໜ້າທີ່ກອງບັນຊາການ ປ້ອງກັບຄວາມສະຫງົບ ແຂວງຊຽງຂວາງໄດ້ຮັບລາຍງານ...