Homeຂ່າວພາຍ​ໃນນັກລົງທຶນທຸ້ມ 2 ລ້ານກວ່າໂດລາ ປູກ-ລ້ຽງ-ສ້າງໂຮງງານປຸງແຕ່ງນົມງົວ ຢູ່ແຂວງເຊກອງ

ນັກລົງທຶນທຸ້ມ 2 ລ້ານກວ່າໂດລາ ປູກ-ລ້ຽງ-ສ້າງໂຮງງານປຸງແຕ່ງນົມງົວ ຢູ່ແຂວງເຊກອງ

Published on

ຂປລ. ນັກລົງທຶນຕ່າງປະເທດຕັດສິນໃຈລົງທຶນ 2 ລ້ານກວ່າໂດລາສະຫະລັດ ເຂົ້າໃນໂຄງການປູກຝັງ, ລ້ຽງສັດ, ຕັ້ງໂຮງງານປຸງແຕ່ງນໍ້ານົມງົວ ແລະ ສົ່ງເສີມປະຊາຊົນໃຫ້ມີສ່ວນຮ່ວມ.

ພິທີເຊັນສັນຍາໄດ້ຈັດຂຶ້ນ ໃນວັນທີ 11 ກໍລະກົດ 2017 ທີ່ແຂວງເຊກອງ, ເຊັນຕາງໜ້າແຂວງເຊກອງໂດຍ ທ່ານ ທອງຄໍາ ມະນີວົງ ຫົວໜ້າພະແນກແຜນການ ແລະ ການລົງທຶນແຂວງເຊກອງ ແລະ ຕາງໜ້າໃຫ້ ບໍລິສັດ ລາວ F&F Organic ຮ່ວມທຸລະກິດຈໍາກັດ ໂດຍ ທ່ານ ເຈິ້ນ ສີ ຖິ້ງ ປະທານບໍລິສັດ ແລະ ເປັນສັກຂີພິຍານໂດຍ ທ່ານ ເຫຼັກໄຫຼ ສີວິ ໄລ ຄະນະປະຈໍາພັກແຂວງ ຮອງເຈົ້າແຂວງເຊກອງ ຜູ້ຊີ້ນໍາຂົງເຂດວຽກງານເສດຖະກິດຂັ້ນແຂວງ ພ້ອມດ້ວຍແຂກຖືກເຊີນ ແລະ ພາກສ່ວນທີ່ກ່ຽວຂ້ອງຂັ້ນແຂວງ-ຂັ້ນເມືອງເຂົ້າຮ່ວມເປັນສັກຂີພິຍານ.

ສໍາລັບສັນຍາພັດທະນາໂຄງການປູກຝັງ, ລ້ຽງສັດ, ສ້າງຕັ້ງໂຮງງານປຸງແຕ່ງນໍ້ານົມງົວ ແລະ ສົ່ງເສີມປະຊາຊົນ ໂດຍກໍານົດອາຍຸສັນຍາຂອງໂຄງການ ແມ່ນໄລຍະ 30 ປີ ສ່ວນການຈັດຕັ້ງປະຕິບັດໂຄງການ ແມ່ນນັບແຕ່ມື້ລົງລາຍເຊັນເປັນຕົ້ນໄປ, ມູນຄ່າການລົງທຶນທັງໝົດ 2.500.000 ໂດລາສະຫະລັດ ໃນເນື້ອທີ່ທັງໝົດ 110 ເຮັກຕາ, ບໍລິສັດຮັບຜິດຊອບ 100% ໃນການຊອກຫາແຫລ່ງທຶນ ເພື່ອຕອບສະໜອງໃຫ້ແກ່ການດໍາເນີນໂຄງການ ຕາມມູນຄ່າການລົງທຶນ. ໃນນີ້, ເຂດພັດທະນາການລົງທຶນປູກຝັງ, ລ້ຽງສັດ, ສ້າງຕັ້ງໂຮງງານປຸງແຕ່ງນໍ້ານົມ ແລະ ໂຄງການສົ່ງເສີມປະຊາຊົນແມ່ນ ຕິດພັນກັບການຊຸກຍູ້ໃຫ້ປະຊາຊົນ ສ້າງອາຊີບໝັ້ນຄົງ ເພື່ອແກ້ໄຂຄວາມທຸກຍາກຂອງປະຊາຊົນ ຢູ່ເຂດບ້ານຕິ້ວ, ບ້ານປະຫືງ, ບ້ານຈະນໍາ ແລະບ້ານອື່ນໆ ຂອງເມືອງລະມາມ ແຂວງເຊກອງ.
ພ້ອມດຽວກັນນີ້ ຍັງມີກິດຈະການລົງທຶນສໍາປະທານດິນປູກອ້ອຍ, ສ້າງຕັ້ງໂຮງງານນໍ້າຕານປອດສານພິດ ແລະ ສົ່ງເສີມປະຊາຊົນໄດ້ກໍານົດໄວ້ ໃນສັນຍາສົ່ງເສີມໃຫ້ປະຊາຊົນປູກໃນເນື້ອທີ່ປະຊາຊົນ ແລະ ຖືເປັນສ່ວນໜຶ່ງຂອງສັນຍາ ໃນຄັ້ງນີ້ ໂດຍກໍານົດແຜນການດໍາເນີນໂຄງການແບ່ງອອກເປັນ 2 ໄລຍະຄື: ໄລຍະການບຸກເບີກກໍ່ສ້າງອາຄານຕ່າງໆ ໃຊ້ເວລາ 2 ປີ ແລະ ດໍາເນີນການປູກອ້ອຍ ໃຫ້ສໍາເລັດພາຍໃນປີທີ 1 ນັບແຕ່ມື້ລົງລາຍເຊັນເປັນຕົ້ນໄປ.
ແຫລ່ງຂ່າວ: ຂປລ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...