ທາງການຫວຽດນາມ ເປີດເຜີຍຜົນການກວດຮ່າງກາຍຊາວໄນຈີເຣຍທີ່ເດີນທາງເຂົ້າປະເທດ ບໍ່ພົບເຊື້ອອີໂບລາ
ສື່ທາງການຂອງຫວຽດນາມ ລາຍງານຜົນການກວດຮ່າງກາຍຊາວໄນຈີເຣຍ 2 ຄົນ ທີ່ເດີນທາງເຂົ້າປະເທດຫວຽດ
ນາມ ພ້ອມກັບອາການໄຂ້ຂຶ້ນສູງວ່າ ບໍ່ພົບເຊື້ອໄວຣັສອີໂບລາ ຈາກການກວດສອບປະຫວັດຂອງທັງ 2 ຄົນ ແມ່ນ
ບໍ່ຮູ້ຈັກກັນ ຫຼື ມີຄວາມສຳພັນໃກ້ຊິດກັນມາກ່ອນ.
ເນື່ອງຈາກຫວຽດນາມ ໄດ້ກັກໂຕຊາວໄນຈີເຣຍ 2 ຄົນ ທີ່ເດີນທາງມາກັບສາຍການບິນກາຕາແອຣ໌ເວ ຈາກປະເທດ
ໄນຈີເຣຍ ມາລົງສະໜາມບິນ ເຕິນ ເຊິນ ເຍຶດ ນະຄອນໂຮ່ຈິມິນ ໃນຕອນບ່າຍຂອງວັນອັງຄານທີ 19 ສິງຫາ 2014
ຜ່ານມານີ້ ຫຼັງກວດພົບໜຶ່ງໃນນັ້ນ ມີອາການໄຂ້ຂຶ້ນສູງ, ຫຼັງຈາກຜ່ານການກວດຮ່າງກາຍ ພາຍໃນ 24 ຊົ່ວໂມງຕໍ່
ຈາກນັ້ນ ກໍບໍ່ພົບອາການໄຂ້ ແລະ ບໍ່ສະແດງອາການ ຫຼື ສັນຍານບົ່ງບອກເຖິງອາການທີ່ກ່ຽວຂ້ອງກັບເຊື້ອອີໂບລາ.
ຢ່າງໃດກໍຕາມ ຊາວໄນຈີເຣຍທັງ 2 ຄົນ ຍັງຈະຕ້ອງຢູ່ໃນການເຝົ້າລະວັງຂອງແພດຫວຽດນາມຢ່ງໃກ້ຊິດ ເປັນເວລາ
ອີກ 3 ອາທິດຕໍ່ຈາກນີ້.