ສຳນັກຂ່າວຕ່າງປະເທດລາຍງານ ຈາກນະຄອນຫຼວງ ມະນິລາ ປະເທດ ຟິລິບປິນ ເມື່ອວັນທີ 29 ມິຖຸນາວ່າ ປະທານາທິບໍດີ ໂຣດຣິໂກ ດູເຕີເຕ ກ່າວລະຫວ່າງພິທີມອບຮັບອາວຸດປີນຈາກຈີນຈຳນວນ ຫຼາຍພັນກະບອກ ແລະ ລູກປືນອີກຈຳນວນຫລາຍ ລວມມູນຄ່າປະມານ 7.35 ລ້ານໂດລາ ເມື່ອວັນພຸດທີ່ຜ່ານມາ ນີ້ຖືວ່າເປັນການເປີດສາກຄວາມສຳພັນລະຫວ່າງສອງປະເທດ ແລະ ກ່າວອີກວ່າມັນເປັນເລື່ອງດີຫຼາຍ ທີ່ມີ “ມິດທີ່ດີທີ່ສຸດ” ແບບຈີນ ເຊິ່ງມີຄວາມເຂົ້າໃຈເປັນຢ່າງດີຕໍ່ສະພາບເຫດການໃນຟິລິບປິນ
ດ້ານທ່ານ ຈ້າວ ຈ້ຽນຫົວ ເອອັກຄະຣາຊາທູດຈີນປະຈຳນະຄອນຫຼວງມະນິລາ ກ່າວວ່າອາວຸດດັ່ງກ່າວນີ້ເປັນພຽງຊຸດທຳອິດເທົ່ານັ້ນ ແລະ ຊຸດທີສອງຈະເດີນທາງມາຮອດຟິລິບປິນພາຍໃນໄລຍະມໍ່ໆນີ້ ເພື່ອສະໜັບສະໜູນກອງທັບຟິລິບປິນໃນພາລະກິດຂັບໄລ່ກຸ່ມກະບົດເມົາເຕອອກຈາກເມືອງ ມາຣາວີ ທີ່ເກາະມິນດາເນົາ