spot_img
Homeຂ່າວທ້ອງຖິ່ນລັດຖະບານເລັ່ງໃຫ້ການບິນລາວຕ້ອງປັບຕົວເພື່ອຄວາມຢູ່ລອດ

ລັດຖະບານເລັ່ງໃຫ້ການບິນລາວຕ້ອງປັບຕົວເພື່ອຄວາມຢູ່ລອດ

Published on

ລັດຖະບານເລັ່ງໃຫ້ລັດວິສາຫະກິດລາວຫລາຍກວ່າ 180 ຫົວໜ່ວຍຕ້ອງປັບປຸງ ແລະ ຫັນທິດໃຫ້ສອດຄ່ອງກັບການປ່ຽນແປງໃໝ່ເພື່ອຄວາມຢູ່ລອດ ຂະນະທີ່ລັດວິສາຫະກິດການບິນແມ່ນ 1 ໃນ 180 ຫົວໜ່ວຍວິສາກະກິດພວມປະເຊີນໜ້າສິ່ງທ້າຍທາຍ ແລະ ດິ້ນຮົນເພື່ອຊອກຫາຄູ່ຮ່ວມທຶນໃນການພັດທະນາ ແລະ ຮັບມືກັບການແຂ່ງຂັນກັນຢ່າງດຸເດືອດກ່ຽວກັບອຸດສາຫະກໍາການບິນ.
ທ່ານ ຈະເລີນ ເຢຍເປົາເຮີ ໂຄສົກລັດຖະບານໄດ້ເປີດເຜີຍເດືອນນີ້ວ່າ: ກອງປະຊຸມລັດຖະບານປະຈໍາເດືອນມິຖຸນາໄດ້ເຫັນດີໃຫ້ບັນດາລັດວິສາຫະກິດຈໍານວນ 180 ຫົວໜ່ວຍຕ້ອງເລັ່ງປັບປຸງ,ຊອກຫາຄູ່ຮ່ວມພັດທະນາທັງພາຍໃນ ແລະ ຕ່າງປະເທດຢ່າງຮີບດ່ວນເພື່ອສ້າງຄວາມເຂັ້ມແຂງ ແລະ ຍືນຍົງໃນອະນາຄົດ.

ສປປ ລາວມີປະຊາກອນພຽງ 6 ລ້ານກວ່າຄົນກັບເສດຖະກິດຂະຫຍາຍຕົວສະເລ່ຍປະມານ 7% ຕໍ່ປີ ໃນນັ້ນຂະແໜງການສະໜັບສະໜູນຕົ້ນຕໍແມ່ນພະລັງງານ-ບໍ່ແຮ່, ທ່ອງທ່ຽວ, ກະສິກໍາ ແລະ ວິສາຫະກິດຂະໜາດ-ຂະໜາດກາງຈໍານວນໜຶ່ງ ແຕ່ເບິ່ງຢ້ອນຄືນອະດີດຜ່ານມາ ອຸດສາຫະກໍາການບິນລາວໄດ້ປະເຊີນໜ້າກັບສິ່ງທ້າຍບໍ່ໜ້ອຍໃນດ້ານທຶນຮອນ, ການບໍລິການ, ຄວາມກ້າວໜ້າທາງດ້ານເຕັກໂນໂລຊີ, ຄູ່ແຂງຂັນ ແລະ ອື່ນໆ ເຊິ່ງລັດຖະບານອາດຖົມຂຸມຕະຫລອດເພາະເປັນຂະແໜງການໜຶ່ງທີ່ສໍາຄັນ ແລະ ຈໍາເປັນ.

ອຸດສາຫະກໍາການບິນພາຍນອກທີ່ພວມບີບບັງຄັບ ແລະ ກົດດັນອຸດສາຫະກໍາການບິນລາວອາດໜີບໍ່ພົ້ນບໍລິສັດຍັກໃຫຍ່ຄື: ສາຍການບິນແອເອເຊຍ, ສາຍການບິນຈີນ, ສາຍການບິນ ສ.ເກົາຫລີ, ສາຍບິນໄທ ແລະ ອື່ນໆ ເຊິ່ງການບິນລາວບໍ່ສາມາປັດຕິເສດໄດ້ ທາມກາງການບິນລາວຢືນຕໍ່ໜ້າຍັກໃຫຍ່ຄວນຈະເຮັດແນວໃດເພື່ອຄວາມຢູ່ລອດ ພາຍໃຕ້ຄ່າໃຊ້ຈ່າຍລາຍວັນທີ່ຕ້ອງປະຕິບັດໂດຍສະເພາະການບໍາລຸງຮັກສາເຮືອບິນ, ການເຊົ່າຈອດເຮືອບິນ, ນໍ້າມັນເຮືອບິນ, ພະນັກງານ ແລະ ອື່ນໆ.

ຮຽບຮຽງຂ່າວໂດຍ: ນໍ້າອອ້ຍຂົມ
ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...