spot_img
Home​ຂ່າວບັນເທິງBeerlao Band Challenge Season2

Beerlao Band Challenge Season2

Published on

ກັບມາພົບກັນອີກຄັ້ງກັບໂຄງການປະກວດ Beerlao Band Challenge Season2 ເຊິ່ງໄດ້ມີຮອບ Audition ໃນວັນທີ 17 ມິຖຸນາ 2017 ທີ່
ຜ່ານມາ ຢູ່ທີ່ສູນການຄ້າລາວ-ໄອເຕັກ, ເປັນກຽດເຂົ້າຮ່ວມ ແລະ ເປີດພິທີໃນການແຂ່ງຂັນຢ່າງເປັນທາງການໂດຍ ທ່ານ ຈັນສະໝອນ ຜ່ອງຈັນທາ, ຜູ້ຈັດການຝ່າຍການຕະຫຼາດ ບໍລິສັດເບຍລາວ, ພ້ອມດ້ວຍຄະນະກຳມະການຜູ້ທີ່ມີປະສົບການໃນວົງການບັນເທີງລາວມາດົນນານ ທ່ານ ສົມສິນ ຜູ້ບໍລິຫານໂຄງການ Yamaha by Imusic, ທ່ານ ສຸລິນທອນ ຂຸນສະທອງ ນັກດົນຕີຣ ຜູ້ປະດິດດົນຕີຣ ຫຼື ອ້າຍ ໝີ ເມັກກ່າແດັນ, ທ່ານນາງ ອາລູນາ ຖາວອນສຸກ, ທ່ານ ອຸດາໄລ ນູສີຫາລາດ ຫຼື ຕີ ອຸດາໄລ, ແລະ ທ່ານ ອະທິສັກ ລັດຕະນະວົງ ຫຼື ສັກວົງເຊວ, ໃນການຄັດເລືອກໃນຮອບ Audition ນີ້ມີວົງທີ່ເຂົ້າປະກວດທັງໝົດ 42 ວົງຈາກທົ່ວປະເທດລາວ ແລະ ຈະມີພຽງແຕ່ 24 ວົງເທົ່ານັ້ນທີ່ຈະຖືກຄັດເລືອກເພື່ອເຂົ້າໄປໃນຮອບຊິງຊະນະເລີດ ໃນວັນທີ 24 ມິຖຸນາ 2017 ທີ່ສູນກິລາໃນຮົ່ມ ລ້ານຊ້າງຕໍ່ໄປ…

ຈຸດປະສົງຂອງການແຂ່ງຂັນວົງດົນຕີຣລະດັບປະເທດ Beerlao Band Challenge Season2 ກໍເພື່ອສືບເນື່ອງຈາກຜົນສໍາເລັດຂອງກິດຈະກໍາໃນປີທີ່ຜ່ານມາທີ່ໄດ້ຮັບການຕອບຮັບເປັນຢ່າງດີ ແລະ ປະສົບຜົນສຳເລັດຢ່າງງົດງາມ, ຕ້ອງການເປີດໂອກາດໃຫ້ໄວໜຸ່ມລາວໄດ້ມີພື້ນທີ່ສະແດງຄວາມສາມາດ ສະແດງຄວາມກ້າຫານໃນດ້ານການຮ້ອງເພງ ການຫຼິ້ນດົນຕີຣໃນຮູບແບບເປັນວົງຢ່າງເຕັມທີ່ ແລະ ຫຼັກໆຂອງການປະກວດວົງດົນຕີຣໃນເທື່ອນີ້ກໍເພື່ອຕ້ອງການສົ່ງເສີມອຸດສະຫະກຳຂອງການຜະລິດເພງລາວເຮົາໃຫ້ມີການເຕີບໃຫ່ຍຂະຫຍາຍຕົວຍິ່ງຂຶ້ນ, ສຳລັບການປະກວດວົງດົນຕີຣລະດັບປະເທດ Beerlao Band Challenge Season2 ໃນປີນີ້ຈະມີເງິນລາງວັນລວມສູງເຖິງ 150 ລ້ານກີບ, ວົງທີ່ຊະນະເລີດ 1-4 ຈະໄດ້ຂຶ້ນໂຊຜົນງານເພງໃນເວທີລະດັບປະເທດເຊັ່ນເວທີ່ BeerlaoMusic Zone ເຊິ່ງລາຍລະອຽດມີດັ່ງລຸ່ມນີ້:

  1. ວົງທີ່ຊະນະເລີດລາງວັນທີ່ 1 ຈະໄດ້ຮັບເງິນລາງວັນມູນຄ່າເຖິງ 50 ລ້ານກີບ, ເຄື່ອງດົນຕີຣ 1 ຊຸດຈາກ Yamaha ມູນຄ່າ 25 ລ້ານກີບ ແລະ ກາລັນຕີວຽກຈາກ ບໍລິສັດ ເບຍລາວ 1 ປີເຕັມ ແລະ ຍັງຈະໄດ້ເຊັນສັນຍາກັບຄ້າຍເພງອັນດັບໜຶ່ງຂອງປະເທດລາວ Indee Record 1 ປີເຕັມ ແລະ ມີ Single ເປັນຂອງຕົວເອງ.
  2. ຮອງຊະນະເລີດອັນດັບ 1 ຈະໄດ້ຮັບເງິນມູນຄ່າ 25 ລ້ານກີບ ພ້ອມກີຕ້າໂປ່ງໜຶ່ງໜ່ວຍ ມູນຄ່າ 2,5 ລ້ານກີບ ແລະ ກາລັນຕີວຽກຈາກ ບໍລິສັດ ເບຍລາວ 1 ປີເຕັມ
  3. ຮອງຊະນະເລີດອັນດັບ 2 ຈະໄດ້ຮັບເງິນມູນຄ່າ 15 ລ້ານກີບ ພ້ອມກີຕ້າໂປ່ງໜຶ່ງໜ່ວຍ ມູນຄ່າ 2,5 ລ້ານກີບ ແລະ ກາລັນຕີວຽກຈາກ ບໍລິສັດ ເບຍລາວ 1 ປີເຕັມ
  4. ຮອງຊະນະເລີດອັນດັບ 3 ຈະໄດ້ຮັບເງິນມູນຄ່າ 10 ລ້ານກີບ
  5. ລາງວັນຊົມເຊີຍລາງວັນລະ 5 ລ້ານກີບ

ສ່ວນລາຍຊື່ວົງທີ່ຜ່ານການເຂົ້າຮອບ 24 ວົງມີດັ່ງນີ້ ແລະ ທ່ານສາມາດຕິດຕາມການເຄື່ອນໄຫວຂອງການແຂ່ງຂັນໄດ້ທີ່ເພສ Beerlao

ແລະ ຍັງມີຮູບພາບບັນຍາກາດມື້ Audition ໃນວັນທີ 17 ມິຖຸນາ 2017 ທີ່ຜ່ານມາໆຝາກທຸກຄົນນຳເດີ້!!! #ໂຄງການດີໆແບບນີ້ຢ່າລືມແຊຣໄປໆ

  

ບົດຄວາມຫຼ້າສຸດ

ພະຍາກອນອາກາດ ແຕ່ເວລາ 07 ໂມງ ຂອງວັນທີ 28/03/2025 ຫາ ເວລາ 07 ໂມງ ຂອງວັນທີ 29/03/2025

ກົມອຸຕຸແຈ້ງເຕືອນສະພາບອາກາດ 28/3/25 ພາກເໜືອຈະມີອາກາດຮ້ອນ-ຮ້ອນເອົ້າ ສ່ວນພາກກາງມີເນື້ອທີ່ຝົນປົກຫຸ້ມ 50%. ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກ ຂອງປະເທດລາວ ດ້ວຍກໍາລັງອ່ອນ ຫາປານກາງ, ສົມທົບກັບກະແສລົມ ຕາເວັນຕົກພັດປົກຄຸມ, ຊຶ່ງຈະເຮັດໃຫ້ອາກາດຍັງສືບຕໍ່ຮ້ອນ ພ້ອມມີ ໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ລະພາກ...

ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ

ເພື່ອຍົກລະດັບການຂົນສົ່ງ ຂອງ ສປປ ລາວ ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ. ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ ເພື່ອຍົກລະດັບການຂົນສົ່ງ ຂອງ ສປປ ລາວ ຮອງຮັບການນໍາເຂົ້າ - ສົ່ງອອກ, ສົ່ງອອກຕໍ່ ແລະ ຜ່ານແດນ...

ພະຍາກອນອາກາດ ປະຈໍາວັນທີ 27 ມີນາ 2025, ເວລາ 12 ໂມງ 00

ຮ້ອນຈັດອາກາດຕອນສວາຍ ພາກເໜືອມີອຸນຫະພູມສູງສຸດ 40 ອົງສາ ສ່ວນພາກໃຕ້ມີເນື້ອທີ່ຝົນປົກຫຸ້ມ 50% ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກພັດປົກຄຸມ, ຊຶ່ງຈະເຮັດໃຫ້ ອາກາດຍັງສືບຕໍ່ຮ້ອນ ພ້ອມມີຫມອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ ລະພາກ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ...

ເກົາຫຼີໃຕ້ປະເຊີນກັບໄຟປ່າຄັ້ງທີ່ຮ້າຍແຮງທີ່ສຸດ ຫຼ້າສຸດເສຍຊີວິດແລ້ວ 24 ຄົນ

ສະຖານະການໄຟປ່າທາງພາກຕາເວັນອອກສຽງໃຕ້ ລຸກລາມຢ່າງໄວວາ ຫຼ້າສຸດເສຍຊີວິດທັງໝົດ 24 ຄົນ ແລະ ບາດເຈັບອີກຫຼາຍຄົນ. ສຳນັກຂ່າວຕ່າງປະເທດລາຍງານໃນວັນທີ 27 ມີນາ 2025 ກ່ຽວກັບສະຖານະການໄຟປ່າຄັ້ງຮ້າຍແຮງທີ່ສຸດໃນພາກຕາເວັນອອກສຽງໃຕ້ຂອງເກົາຫຼີໃຕ້ ທີ່ຍັງຄົງລຸກລາມເຜົາວັດເກົ່າແກ່ ແລະ ໄໝ້ອາຄານມໍລະດົກໂລກ...