Homeຂ່າວເຫດການຣາຊະອານາຈັກໄທເຊີນຊວນ ພີ່ນ້ອງຊາວລາວເຂົ້າຮ່ວມງານມະຫະກຳ LANNA EXPO 2017

ຣາຊະອານາຈັກໄທເຊີນຊວນ ພີ່ນ້ອງຊາວລາວເຂົ້າຮ່ວມງານມະຫະກຳ LANNA EXPO 2017

Published on

ຕອນເຊົ້າ ວັນທີ 20 ມິຖຸນາ 2017 ຢູ່ທີ່ພັດຕາຄານອິນທາວ ນະຄອນຫຼວງວຽງຈັນ ຕົວແທນໂຄງການລ້ານນາເອັກຊະໂປ 2017 (LANNA EXPO 2017 ) ໄດ້ຈັດພິທີຖະແຫຼງຂ່າວກ່ຽວກັບງານມະຫະກຳດັ່ງກ່າວ ໂດຍເຊີນຊວນໃຫ້ນັກທ່ອງທ່ຽວລາວ ທັງທີ່ເປັນນັກທຸລະກິດ, ກຸ່ມຜະລິດຕະພັນ ແລະພໍ່ແມ່ປະຊາຊົນລາວ ເຂົ້າຮ່ວມ ເຊິ່ງງານລ້ານນາເອັກຊະໂປ 2017 (LANNA EXPO 2017 ) ຈະໄດ້ຈັດຂຶ້ນ ໃນວັນທີ 23 ມິຖຸນາ – 2 ກໍລະກົດ 2017 (ເປັນເວລາ 10 ມື້ເຕັມໆ) ທີ່ສູນປະຊຸມແລະວາງສະແດງສິນຄ້ານານາຊາດສະເຫຼີມພະກຽດ 7 ຮອບ ພະຊົນມະພັນສາ ຈັງຫວັດຊຽງໃໝ່.

ເປັນກຽດຖະແຫຼງຂ່າວຕໍ່ສື່ມວນຊົນລາວຄັ້ງນີ້ ໂດຍທ່ານ ສຸທົນ ວິໄຊຣັດ ປະທານສຳນັກງານການທ່ອງທ່ຽວແລະກິລາຈັງວັດຊຽງໃໝ່ ແລະທ່ານ ພູຣິພັນ ບຸນນາກ ປະທານສຳນັກງານສົ່ງເສີມການຈັດປະຊຸມແລະນິທັດສະການ (ອົງການມະຫາຊົນ) ແຫ່ງປະເທດໄທ ເຊິ່ງມີເນື້ອໃນຖະແຫຼງຂ່າວບາງຕອນກ່າວວ່າ: ກຸ່ມຈັງຫວັດທາງພາກເໜືອຕອນເທິງ ຂອງໄທ ຮ່ວມກັນຈັດງານ ລ້ານນາເອັກຊະໂປ 2017 (LANNA EXPO 2017 ) ພາຍໃຕ້ແນວຄວາມຄິດ ”ຕາມຮອຍພໍ່ ວິຖີພໍພຽງ“ ເພື່ອສຳນຶກບຸນຄຸນຕໍ່ ພະຣາຊະດຳລິຂອງສົມເດັດພະປໍຣະມິນທະຣະມະຫາພູມິພົນອະດຸນຍະເດດ ຊູທ່ອງທ່ຽວຕາມຮອຍພໍ່ວິຖີພໍພຽງ ຢ້ອນຮອຍເສັ້ນທາງການທ່ອງທ່ຽວຕາມໂຄງການພະຣາຊະດຳລິເຊິ່ງຈະຈັດສະແດງຜ່ານ ”ນິທັດສະການຕາມຮອຍພໍ່ ວິຖີພໍພຽງ“ ພາຍໃນງານລ້ານນາເອັກຊະໂປ 2017 (LANNA EXPO 2017 ) ສະທ້ອນພາບເລື່ອງລາວຊີວິດ ອັດຕະລັກ ປະເພນີ ແລະວັດທະນະທຳຂອງກຸ່ມຈັງຫວັດທາງພາກເໜືອຕອນເທິງຂອງໄທ.

ເນື່ອງຈາກພື້ນທີ່ໃນເຂດພາກເໜືອຕອນເທິງ 1 ຂອງໄທ ໄດ້ແກ່ຈັງຫວັດຊຽງໃໝ່, ລຳພູນ, ລຳປາງ ແລະແມ່ຮ່ອງສອນ ເຊິ່ງເປັນກຸ່ມພື້ນທີ່ທີ່ໄດ້ຮັບການສົ່ງເສີມຈາກສົມເດັດພະປໍຣະມິນທະມະຫາພູມິພົນອະດຸນຍະເດດ ໃນການພັດທະນາຊີວິດການເປັນຢູ່ແລະການສ້າງອາຊີບໃຫ້ກັບປະຊາຊົນຜ່ານບັນດາໂຄງການໃນພະຣາຊະດຳລິ ຈຳນວນລວມກວ່າ 37 ແຫ່ງ ໃນເຂດພາກເໜືອຕອນເທິງເຊິ່ງແບ່ງເປັນ ຊຽງໃໝ່ 28 ໂຄງການ, ຊຽງຮາຍ 6 ໂຄງການ, ແມ່ຮ່ອງສອນ 2 ໂຄງການ, ລຳພູນ 1 ໂຄງການ, ພະເຍົາ 1 ໂຄງການ. ດັ່ງນັ້ນ, ງານສະແດງສິນຄ້າ ລ້ານນາເອັກຊະໂປ 2017 ຈຶ່ງປຽບດັ່ງເວທີການຄ້າທີ່ເປີດໂອກາດໃຫ້ປະຊາຊົນແລະນັກທຸລະກິດທີ່ສົນໃຈ ໄດ້ເຂົ້າເຖິງຜະລິດຕະພັນທ້ອງຖິ່ນ ອີກທັງເປັນກ້າວທຳອິດໃຫ້ຜູ້ປະກອບການຂະໜາດນ້ອຍໃນລະດັບພູມິພາກເຂົ້າໃຈເຖິງຄວາມຕ້ອງການຂອງຕະຫຼາດ ເພື່ອນຳມາພັດທະນາຜະລິດຕະພັນແລະບໍລິການຂອງຕົນ ຕະຫຼອດເຖິງການຂະຫຍາຍຖານລູກຄ້າໃນລະດັບນານາຊາດ ກໍຄືຂະຫຍາຍຕະຫຼາດໄປຍັງກຸ່ມບັນດາປະເທດລຸ່ມແມ່ນໍ້າຂອງ ຫຼື CLMV ນຳດ້ວຍ.

ພາຍໃນງານຈະມີການຈັດນິທັດສະການກ່ຽວກັບບັນດາໂຄງການພະຣາຊະດຳລິຂອງພະເຈົ້າມະຫາຊີວິດ ຣາຊະການທີ່ 9 ຂອງໄທ, ວາງສະແດງສິນຄ້າຫັດຖະກຳ, ຜ້າແພ, ເຄື່ອງປັ້ນດິນເຜົາ, ໄມ້ແກະສະຫຼັກ, ອາຫານ, ວັດທະນະທຳທ້ອງຖິ່ນ ແລະນຳສະເໜີສະຖານທີ່ທ່ອງທ່ຽວທີ່ສວຍງາມຂອງພາກເໜືອຂອງໄທ ລວມທັງການເຊື່ອມໂຍງການທ່ອງທ່ຽວກັບບັນດາປະເທດລຸ່ມແມ່ນໍ້າຂອງນຳອີກ.

ພາຍໃນງານມະຫະກຳລ້ານນາເອັກຊະໂປ 2017 (LANNA EXPO 2017 ) ດັ່ງກ່າວນີ້ ແມ່ນໄດ້ເປີດກວ້າງໃຫ້ບັນດາປະເທດທີ່ມີກົງສູນຢູ່ຊຽງໃໝ່ ແລະບັນດາປະເທດລຸ່ມແມ່ນໍ້າຂອງ ສາມາດເຂົ້າຮ່ວມວາງສະແດງສິນຄ້າ, ຈັບຄູ່ທຸລະກິດ ແລະທ່ຽວຊົມນິທັດສະການໄດ້.

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...