ໂຄງການກໍ່ສ້າງຂົວຂ້າມນໍ້າຂອງ ບ້ານນາສັກ ເມືອງປາກລາຍ ແຂວງໄຊຍະບູລີ ຫາບ້ານຄົກເຂົ້າດໍ ເມືອງຊະນະຄາມ ແຂວງວຽງຈັນຈະເປີດໃຫ້ບໍລິການໄດ້ຢ່າງເປັນທາງການໃນທ້າຍເດືອນນີ້.

ການກໍ່ສ້າງຂົວດັ່ງກ່າວສຳເລັດ ເປັນຜົນສຳເລັດຂອງແຜນພັດທະນາພື້ນຖານໂຄງລ່າງຂອງປະເທດ, ສ້າງຄວາມສະດວກສະບາຍໃຫ້ແກ່ການຄົມມະນາຄົມ, ຂົນສົ່ງ, ການຄ້າຂາຍ ກໍຄືການໄປມາຫາສູ່ຂອງປະຊາຊົນລະຫວ່າງແຂວງໄຊຍະບູລີແລະແຂວງວຽງຈັນ ກໍຄືປະເທດເພື່ອນບ້ານ. ຂົວດັ່ງກ່າວມີຄວາມຍາວ 365 ແມັດ, ກວ້າງ 11.4 ແມັດ, ມີສອງຊ່ອງຈະລາຈອນ, ມີທາງຄົນຍ່າງສອງເບື້ອງ ເບື້ອງລະ 1.5 ແມັດ. ໄດ້ເລິ່ມລົງມືກໍ່ສ້າງມາແຕ່ປີ 2012 ດ້ວຍມູນຄ່າທັງໝົດ 189.14 ຕື້ກີບ ໃນນັ້ນ ເປັນທຶນຊ່ວຍເຫຼືອລ້າຈາກລັດຖະບານໂຮນລັງ 28.12 ກວ່າຕື້ກີບ ແລະເປັນທຶນຂອງລັດທະບານລາວ 161.01 ກວ່າຕື້ກີບ.

ແຫຼ່ງຂ່າວ: ສຳນັກຂ່າວສານປະເທດລາວ