ພາວະຫົວໃຈເຕັ້ນຜິດຈັງຫວະ ຄື ການທີ່ຫົວໃຈເຕັ້ນບໍ່ເປັນຈັງຫວະຕາມທຳມະຊາດ ໂດຍອາດເຕັ້ນໄວເກີນໄປ ຫຼື ຊ້າເກີນໄປ ເຊິ່ງເປັນຜົນມາຈາກການປ່ຽນແປງຂອງກະແສໄຟຟ້າໃນຫົວໃຈ ຫຼື ເກີດໄຟຟ້າລັດວົງຈອນໃນຫ້ອງຫົວໃຈ ເຮັດໃຫ້ການສູບສີດເລືອດໄປສ່ວນຕ່າງໆ ຂອງຮ່າງກາຍ ບໍ່ມີປະສິດທິພາບເທົ່າທີ່ຄວນ ແລະ ອາດສົ່ງຜົນໃຫ້ຜູ່ປ່ວຍມີພາວະສ່ຽງຕໍ່ພາວະຫົວໃຈລົ່ມເຫຼວ ຫຼື ຫຼອດເລືອດສະໝອງອຸດຕັນເພີ່ມຫຼາຍຂຶ້ນ.
ໂດຍສ່ວນຫຼາຍຜູ່ປ່ວຍພາວະຫົວໃຈເຕັ້ນຜິດຈັງຫວະຈະບໍ່ຮູ້ຕົວເອງວ່າມີບັນຫາ ໂດຍມັກພົບພາວະນີ້ຈາກການກວດສຸຂະພາບ ຫຼື ປ່ວຍດ້ວຍໂຣກອື່ນແລ້ວມາພົບແພດ ແຕ່ໃນຜູ້ປ່ວຍບາງຄົນອາດມີອາການປະກົດໃຫ້ສັງເກດໄດ້ດັ່ງນີ້:
ອາການຂອງພາວະຫົວໃຈເຕັ້ນຜິດຈັງຫວະ
- ວິນຫົວ
- ໜ້າມືດ
- ຕາລາຍ
- ໃຈສັ່ນ
- ຫາຍໃຈຕິດຂັດ
- ເຈັບແໜ້ນບໍລິເວນໜ້າເອິກ
- ເປັນລົມ ໝົດສະຕິ