spot_img
Homeຂ່າວພາຍ​ໃນປະຫວັດສາດຊໍ້າຮອຍ ລົດເມຫວຽດແກ່ໝາກກະໂພກ ບົດຮຽນທີ່ບໍ່ຮູ້ຈັກຈື່

ປະຫວັດສາດຊໍ້າຮອຍ ລົດເມຫວຽດແກ່ໝາກກະໂພກ ບົດຮຽນທີ່ບໍ່ຮູ້ຈັກຈື່

Published on

ຈາກສາເຫດລົດເມຫວຽດນາມ ທີ່ໄດ້ເກີດລະເບີດແລະໄຟລຸກໄໝ້ຂຶ້ນທີ່ບ້ານ ນາລ້ອມ (ຂ່າວເກົ່າບອກວ່າບ້ານດົງບັງ) ເມືອງໄຊທານີ້ ນະຄອນຫຼວງວຽງຈັນ ເມື່ອວັນທີ 28 ພຶດສະພາ 2017 ທີ່ຜ່ານມາ ເປັນເຫດໃຫ້ມີຜູ້ບາດເຈັບແລະເສຍຊີວິດ ພ້ອມທັງບ້ານເຮືອນປະຊາຊົນໄດ້ຮັບຄວາມເສຍຫາຍນັບ 10 ຫຼັງ.

ໜັງສືພິມລາວພັດທະນາລາຍງານຂ່າວກໍລະນີດັ່ງກ່າວ ເມື່ອວັນທີ 29 ພຶດສະພາ 2017 ທີ່ຜ່ານມາ ໂດຍອ້າງອີງຈາກການໃຫ້ສຳພາດຂອງທ່ານ ພັນຕີ ເກດສະໜາ ພິຈິດ ຮອງຫົວໜ້າພະແນກສືຍສວນ-ສອບສວນ ຄະດີອາຍາ ນະຄອນຫຼວງວຽງຈັນ ໄດ້ໃຫ້ຮູ້ວ່າ ເວລາປະມານ 18:00 ນາທີ ລົດໂດຍສານຄັນດັ່ງກ່າວແມ່ນ ເປັນລົດເມໂດຍສານສາຍ ວຽງຈັນ-ຮາໂນຍ ທະບຽນ ບຂ 5762 ກຳແພງນະຄອນ ໂດຍມີ ທ້າວ ໂງ ສີ ຢາງ (ສັນຊາດຫວຽດນາມ) ເປັນເຈົ້າຂອງລົດ ແລະມື້ເກີດເຫດ ພາຍຫຼັງໄດ້ນຳສົ່ງຜູ້ໂດຍສານ ຈາກຄິວລົດສາຍໃຕ້ແລ້ວກໍ່ກັບເຂົ້າເຮືອນ (ຈຸດເກີດເຫດ). ຈາກນັ້ນຜູ້ເປັນເຈົ້າຂອງລົດ (ຜູ້ເສຍຊີວິດ) ກໍ່ໄດ້ນຳບັ້ງອົກຊີມາຈອດສ້ອມແປງຕຽງນອນພາຍໃນລົດ ແລະ ມີຍາດພີ່ນ້ອງອີກ 3 ຄົນ ຊ່ວຍກັນສ້ອມແປງຈຸດທີ່ເປ່ເພ. ເມື່ອທ້າວ ໂງ ສີ ຢາງ ຈອດໄປໄດ້ໄລຍະໜຶ່ງປະກົດວ່າ ສະເກັດໄຟໄດ້ລຸກໄໝ້ລາມໄປຫາກະໂພກທີ່ໄດ້ເກັບມ້ຽນພາຍໃນລົດ ເຮັດໃຫ້ເກີດລະເບີດຢ່າງຮຸນແຮງ ຄວາມແຮງຂອງລະເບີດໄດ້ຖືກຜູ້ເປັນເຈົ້າຂອງລົດ ເຮັດໃຫ້ເສຍຊີວິດຄາທີ່ ແລະ ພີ່ນ້ອງທີ່ໄດ້ຢູ່ຈຸດເກີດເຫດກໍ່ໄດ້ຮັບບາດເຈັບຮຸນແຮງ 3 ຄົນ.

ເຫດການດັ່ງກ່າວນີ້ ຊວນໃຫ້ຄິດຫວນຄືນຫຼັງໄປບໍ່ຮອດປີ ຄືໄດ້ເກີດມີເຫດການໃນລັກສະນະຄ້າຍຄືກັນນີ້ເກີດຂຶ້ນ ກັບລົດເມໂດຍສານຫວຽດນາມຄັນໜຶ່ງ ໃນວັນທີ 2 ມິຖຸນາ 2016 ທີ່ແຕກຕ່າງກໍຄື ຄັ້ງກ່ອນນັ້ນເປັນລົດເມຫວຽດລັກລອບບັນທຸກໄມ້ ແລະເຫດການດັ່ງກ່າວນັ້ນໄດ້ເຮັດໃຫ້ມີຜູ້ບາດເຈັບຈຳນວນຫຼາຍ ແລະເສຍຊີວິດອີກ 8 ຄົນ ທ່ານສາມາດອ່ານຂ່າວດັ່ງກ່າວຄືນໄດ້ລີ້ງນີ້: https://www.laopost.com/2016/07/01/63760

ຕໍ່ເຫດການດັ່ງກ່າວຂ້າງເທິງ ມັນໄດ້ກາຍເປັນປະຫວັດສາດຊໍ້າຮອຍ ເກີດຂຶ້ນມາແລ້ວຄັ້ງໜຶ່ງໃນປີກາຍ ແລ້ວມາເກີດອີກຄັ້ງທີສອງໃນປີນີ້ ເປັນຫຍັງຕ້ອງອະນຸຍາດໃຫ້ລົດເມທີ່ມີຄົນ ຂົນໝາກກະໂພກຂະໜາດໃຫຍ່ພໍທີ່ຈະເຮັດໃຫ້ຄົນຕາຍ ຫຼື ໄຟໄໝ້ລົດໄດ້ ໝາກກະໂພກ? ຫຼືວັດຖຸໄວໄຟດັ່ງກ່າວເອົາມາແຕ່ໃສ ແລະຈະເອົາໄປເຮັດຫຍັງ? ເຄື່ອງຂອງທີ່ໄວໄຟຫຼືເປັນອັນຕະລາຍຕໍ່ຄົນ ກໍຄວນໃຫ້ລົດຂົນສົ່ງທີ່ບໍ່ແມ່ນລົດເມເປັນຜູ້ຂົນສົ່ງ ບໍ່ແມ່ນຫວາ?

ລົດເມຫວຽດລະເບີດແລະເກີດໄຟໄໝ້ ວັນທີ 28 ພຶດສະພາ 2017 ທີ່ບ້ານນາລ້ອມ ເມືອງໄຊທານີ ນະຄອນຫຼວງວຽງຈັນ
ລົດເມຫວຽດລະເບີດແລະເກີດໄຟໄໝ້ ວັນທີ 28 ພຶດສະພາ 2017 ທີ່ບ້ານນາລ້ອມ ເມືອງໄຊທານີ ນະຄອນຫຼວງວຽງຈັນ
ເຫດລົດເມຂົນໄມ້ລະເບີດ ຢູ່ເສັ້ນທາງ 13B ຫ່າງຈາກດ່ານສາກົນນາເພົ່າ-ຈໍຫລໍ່ ເຂດບ້ານຫລັງຄັງ ເມືອງບົວລະພາ ແຂວງຄຳມ່ວນ ໃນວັນທີ 2 ມິຖຸນາ 2016 ມີຜູ້ເສຍຊີວິດ 8 ຄົນ
ເຫດລົດເມຂົນໄມ້ລະເບີດ ຢູ່ເສັ້ນທາງ 13B ຫ່າງຈາກດ່ານສາກົນນາເພົ່າ-ຈໍຫລໍ່ ເຂດບ້ານຫລັງຄັງ ເມືອງບົວລະພາ ແຂວງຄຳມ່ວນ ໃນວັນທີ 2 ມິຖຸນາ 2016 ມີຜູ້ເສຍຊີວິດ 8 ຄົນ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...