ວັນທີ 5 ພຶດສະພາ 2017 ທີ່ຜ່ານມາ ທ່ານເຈົ້າຄອງນະຄອນຫຼວງວຽງຈັນ ໄດ້ເຊັນຂໍ້ຕົກລົງ ວ່າດ້ວຍອັດຕາການເກັບຄ່າບຳບັດນໍ້າເສຍ, ນໍ້າເປື້ອນ ແລະຄ່າກະແສໄຟຟ້າແສງສະຫວ່າງ ໃນຂອບເຂດ 7 ຕົວເມືອງໃນນະຄອນຫຼວງວຽງຈັນ ປະກອບມີເມືອງ ຈັນທະບູລີ, ສີສັດຕະນາກ, ໄຊເສດຖາ, ຫາຊາຍຟອງ, ສີໂຄດຕະບອງ, ນາຊາຍທອງ ແລະໄຊທານີ ເພື່ອເປັນທຶນຮອນໃຫ້ແກ່ຫ້ອງການຄຸ້ມຄອງແລະບໍລິຫານຕົວເມືອງວຽງຈັນ. ໂດຍມອບໃຫ້ລັດວິສາຫະກິດນໍ້າປະປານະຄອນຫຼວງ ແລະລັດວິສາຫະກິດໄຟຟ້າລາວ ເປັນຜູ້ຊ່ວຍເກັບ.

ຂໍ້ຕົກລົງດັ່ງກ່າວແມ່ນປະຕິບັດຕາມລັດຖະດຳລັດຂອງປະທານປະເທດ ວ່າດ້ວຍຄ່າທຳນຽມແລະຄ່າງບໍລິການ ມາດຕາ 101 ຄ່າບໍລິການຂອງອົງການພັດທະນາຕົວເມືອງ ເຊິ່ງກຳນົດໃຫ້ເກັບຄ່າບຳບັດນໍ້າເສຍແລະນໍ້າເປື້ອນ 2,000 ກີບຕໍ່ໜ່ວຍກົງເຕີຕໍ່ເດືອນ ແລະ ຄ່າກະແສໄຟຟ້າແສງສະຫວ່າງ(ໄຟເຍືອງທາງ) 2,000 ກີບ ຕໍ່ໜ່ວຍກົງເຕີຕໍ່ເດືອນ.