spot_img
Homeຂ່າວການພັດທະນາຫຼວງພະບາງ ທຸ້ມງົບ 2 ພັນກວ່າຕື້ ເຂົ້າໃນການພັດທະນາເມືອງພູຄູນ

ຫຼວງພະບາງ ທຸ້ມງົບ 2 ພັນກວ່າຕື້ ເຂົ້າໃນການພັດທະນາເມືອງພູຄູນ

Published on

ເມື່ອວັນທີ 16 ພຶດສະພາ 2017 ຜ່ານມາ ກໍໄດ້ຈັດກອງປະຊຸມຮັບຟັງການລາຍງານຄວາມຄືບໜ້າຂອງໂຄງການພັດທະນາໂຕເມືອງພູຄູນໃໝ່ ທີ່ຫ້ອງປະຊຸມພະແນກໂຍທາທິການ ແລະ ຂົນສົ່ງແຂວງຫຼວງພະບາງ ໂດຍການເປັນປະທານຂອງ ທ່ານ ຄຳຂັນ ຈັນທະວີສຸກ ເຈົ້າແຂວງໆຫຼວງພຣະບາງ ມີບັນດາຜູ້ຕາງໜ້າຈາກກະຊວງ ກົມ ຄະນະກໍາມະການຮັບຜິດຊອບຂັ້ນແຂວງ ບໍລິສັດຜູ້ຮັບເໝົາໃນການສຳຫຼວດ-ອອກແບບ ແລະ ກອງເລຂາເຂົ້າ ຮ່ວມຢ່າງພ້ອມພຽງ.

ໂຄງການພັດທະນາໂຕເມືອງພູຄູນແຫ່ງໃໝ່ ເປັນໂຄງການບຸລິມະສິດອັນດັບຕົ້ນຂອງແຂວງຫຼວງພະບາງ ທີ່ຈະພັດທະນາໂຕເມືອງໃນເຂດພູດອຍໃຫ້ມີຄວາມທັນສະໄໝ ແລະ ຍົກໃຫ້ເປັນເມືອງໂຕແບບອັນດັບນຶ່ງຂອງເຂດພູດອຍໃນທົ່ວປະເທດ ໂຄງການພັດທະນາໂຕເມືອງພູຄູນໃໝ່ນີ້ ມີເນື້ອທີ່ສຳຫຼວດທັງໝົດ 3.635 ເຮັກຕາ ໃນນັ້ນ ເນື້ອທີ່ເທສະບານເມືອງມີ 729 ເຮັກຕາ ພື້ນທີ່ລ້ຽງສັດ 2.219 ເຮັກຕາ ເນື້ອທີ່ນາ 69 ກວ່າເຮັກຕາ ພື້ນທີ່ປ່າຟື້ນຟູ 617 ກວ່າເຮັກຕາ ແລະ ມີເສັ້ນທາງເກົ່າ 6.100 ແມັດ ຮວມມູນຄ່າທີ່ຈະນຳໃຊ້ເຂົ້າໃນການພັດທະນາທັງໝົດ 2 ພັນກວ່າຕື້ກີບ.

      ທ່ານ ວຽງທອງ ຫັດສະຈັນ ເຈົ້າເມືອງພູຄູນ ໄດ້ລາຍງານສະພາບການຈັດຕັ້ງປະຕິບັດໂຄງການພັດທະນາໂຕເມືອງພູຄູນແຫ່ງໃໝ່ວ່າ ໂຄງການດັ່ງກ່າວແມ່ນໄດ້ຮັບການເຊັນບົດບັນທຶກຄວາມເຂົ້າໃຈໃນການສຳຫຼວດ-ອອກແບບ ໂຄງການປັບປຸງ ແລະ ຂະຫຍາຍໂຕເມືອງພູຄູນ ນັບແຕ່ປີ 2015 ເປັນຕົ້ນມາ ໂດຍແມ່ນ ບໍລິສັດ ຫລີຊື້ ຄຳມ່ວນກໍ່ສ້າງ ແລະ ສ້ອມແປງເຄຫະສະຖານ ຈຳກັດຜູ້ດຽວ ເປັນຜູ້ຮັບເໜົາໃນການສຳຫຼວດ-ອອກແບບ ເຊິ່ງມີກິດຈະກຳຕົ້ນຕໍໃນການຈັດຕັ້ງປະຕິບັດຄື ສຶກສາສຳຫຼວດ ປະເມີນຄ່າຊົດເຊີຍຄືນບໍລິເວນຜົນລະປູກ ແລະ ສິ່ງປູກສ້າງຂອງປະຊາຊົນທີ່ໄດ້ຮັບຜົນກະທົບ ການຈັດສັນອາຊີບໃຫ້ແກ່ປະຊາຊົນ ຍົກຍ້າຍປະຊາຊົນ ແລະ ການຍົກຍ້າຍສຳນັກງານຫ້ອງການຂອງເມືອງ ລະບົບເສັ້ນທາງເຂົ້າຫາເມືອງ ແລະ ເທສະບານເມືອງ ລະບົບໄຟຟ້າ ນ້ຳປະປາ ລະບົບນ້ຳເປື້ອນ ແລະ ລະບົບກໍາຈັດຂີ້ເຫຍື້ອ ລະບົບປ້ອງກັນຕາຝັ່ງເຈື່ອນທີ່ມີຄວາມສ່ຽງ ສຶກສາສຳຫຼວດ-ອອກແບບສຳນັກງານຫ້ອງການຂອງລັດ ທີ່ຢູ່ອາໄສຂອງປະຊາຊົນ ສວນສາທາລະນະ ເດີ່ນກີລາຄົບວົງຈອນ ສະໜາມບິນຂະໜາດນ້ອຍ ໂຮງຮຽນ ໂຮງໝໍ ຕະຫຼາດ ເສົາຫຼັກເມືອງ ແລະ ວຽກງານອື່ນໆ ທີ່ກ່ຽວຂ້ອງກັບການພັດທະນາໂຕເມືອງໃໝ່ ໃຫ້ໄປຕາມທິດ​ເມືອງທັນສະໄໝ ຂອງ ສປປ ລາວ ເຊິ່ງມີມູນຄ່າທັງໝົດ 2.323 ຕື້ກວ່າກີບ.
ມາຮອດປັດຈຸບັນໂຄງການພັດທະນາໂຕເມືອງພູຄູນໃໝ່ ໄດ້ມີບາງໜ້າວຽກສຳຫຼວດ-ອອກແບບສຳເລັດແລ້ວ ແລະ ບາງໜ້າວຽກພວມສືບຕໍ່ໃນການດຳເນີນການສຳຫຼວດ ແລະ ແກ້ໄຂ ພ້ອມທັງແຕ່ງຕັ້ງກອງເລຂາ ແລະ ວິຊາການເພີ່ມໃນການລົງຕິດຕາມກວດກາບັນດາໜ້າວຽກທີຍັງບໍ່ທັນສຳເລັດ ປະສານສົມທົບກັບບໍລິສັດຮັບເໝົາລົງກວດຄືນບັນດາກິດຈະກຳຕ່າງໆໃຫ້ສອດຄ່ອງ ເພື່ອນຳສະເໜີຕໍ່ຂັ້ນເທິງພິຈາລະນາແກ້ໄຂໃຫ້ມີຜົນສຳເລັດຕາມຄາດ ໝາຍທີ່ວາງໄວ້.
ຂ່າວ ແລະ ຮູບພາບປະກອບ:  ນັກຂ່າວ ສີສຸວັນ (www.abclaosnews.com)

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...