Homeຂ່າວຕ່າງປະເທດຈີນເຫັນດີໃຫ້ "ທຣັມ" ກັບ "ຄິມ" ຫັນໜ້າເຈລະຈາກັນຢ່າງສັນຕິ

ຈີນເຫັນດີໃຫ້ “ທຣັມ” ກັບ “ຄິມ” ຫັນໜ້າເຈລະຈາກັນຢ່າງສັນຕິ

Published on

ສຳນັກຂ່າວເອເອຟພີລາຍງານໃນວັນອັງຄານ (02/05/2017) ວ່າ ຈີນອອກມາຮຽກຮ້ອງໃຫ້ລະງັບການຕິດຕັ້ງລະບົບປ້ອງກັນຂີປະນາວຸດ (ທາດ) ຂອງສະຫະລັດອາເມລິກາໃນດິນແດນເກົາຫຼີໃຕ້ທ່ກຳລັງເປັນບັນຫາຂັດແຍ້ງຢູ່ໃນຕອນນີ້ທັນທີ ເຊິ່ງມີຂຶ້ນບໍ່ພໍເທົ່າໃດຊົ່ວໂມງຫຼັງຈາກສະຫະລັດອາເມລິກາຢືນຢັນວ່າລະບົບປ້ອງກັນຂີປະນາວຸດທີ່ຕິດຕັ້ງໃນເກົາຫຼີໃຕ້ສາມາດໃຊ້ງານໄດ້ແລ້ວ.

“ຈຸດຢືນຂອງຈີນເປັນທີ່ຊັດເຈນ ແລະ ໝັ້ນຄົງ ເຮົາຂັດຄ້ານການຕິດຕັ້ງລະບົບທາດ (ໃນເກົາຫຼີໃຕ້) ແລະ ຮຽກຮ້ອງໃຫ້ທຸກຝ່າຍທີ່ກ່ຽວຂ້ອງຢຸດຕິການຂົນອາວຸດຍຸດໂທປະກອນດັ່ງກ່າວເຂົ້າໄປ ຈີນຈະດຳເນີນມາດຕະການທີ່ຈຳເປັນເພື່ອສົ່ງເສີມຜົນປະໂຫຍດຂອງເຮົາ ” ທ່ານ ເກິ້ງ ຊ່ວງ ໂຄສົກກະຊວງການຕ່າງປະເທດຈີນກ່າວໃນການຖະແຫຼງຂ່າວປະຈຳວັນ ທີ່ຍັງສະແດງຄວາມສະໜັບສະໜູນທ່າທີຂອງ ທ່ານ ໂດນັລ ທຣັມ ປະທານາທິບໍດີສະຫະລັດ ທີ່ກ່າວເມື່ອວັນກ່ອນວ່າເຂົາຍິນດີທີ່ຈະພົບປະຫາລືກັບທ່ານ ຄິມ ຈອງ ອຶນ ຜູ້ນຳເກົາຫຼີເໜືອ ພາຍໃຕ້ເງື່ອນໄຂທີ່ເໝາະສົມ ເຊິ່ງເປັນອີກທ່າທີທີ່ອ່ອນຂໍ້ລົງຈາກການຂູ່ທີ່ຈະໃຊ້ກຳລັງທາງທະຫານກ່ອນໜ້ານີ້

“ຈີນເຊື່ອສະເໝີວ່າການເຈລະຈາ ແລະ ການປຶກສາຫາລືກັນເປັນຫົນທາງຈິງແທ້ ແລະ ເຮັດໄດ້ແທ້ໃນການບັນລຸຜົນສຳເລັດໃນການປົດນິວເຄຣຍ” ໂຄສົກກະຊວງການຕ່າງປະເທດຈີນກ່າວວ່າ ຫຼາຍຄັ້ງທີ່ສະຫະລັດ ແລະ ເກົາຫຼີເໜືອຄວນຕັດສິນໃຈລົງມືເຮັດ ແລະ ສະແດງໃຫ້ເຫັນເຖິງເຈດຕະນາອັນດີເພື່ອທີ່ຈະສາມາດສ້າງບັນຍາກາດທີ່ດີໃນການເລີ່ມຕົ້ນເຈລະຈາສັນຕິພາບ ແລະ ແກ້ໄຂບັນຫາຕ່າງໆທີ່ມີຢູ່.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...