Homeຂ່າວຕ່າງປະເທດສະຫະລັດເຮັດແທ້! ຍິງຈະຫຼວດມິສໄຊລ 59 ລູກໃສ່ຊີເຣຍ ຕອບໂຕ້ການໃຊ້ອາວຸດເຄມີຂ້າປະຊາຊົນ

ສະຫະລັດເຮັດແທ້! ຍິງຈະຫຼວດມິສໄຊລ 59 ລູກໃສ່ຊີເຣຍ ຕອບໂຕ້ການໃຊ້ອາວຸດເຄມີຂ້າປະຊາຊົນ

Published on

ເມື່ອວັນທີື 7 ເມສາ 2017 ເວັບໄຊຂ່າວ cnbc.com ລາຍງານວ່າ ກອງກຳລັງທະຫານຂອງສະຫະລັດອາເມລິກາ ໄດ້ຍິງຈະຫຼວດມິສໄຊລກວ່າ 59 ລູກ ໃສ່ປະເທດ ຊີເຣຍ ໂດຍມີເປົ້າໝາຍຢູ່ທີ່ເດີນບິນໃນເມືອງ Homs ທັງນີ້ຈະຫຼວດໄດ້ພຸ່ງໄປຕົກໃສ່ເຮືອບິນຮວມເຖິງໂຄງສ້າງອື່ນໆເຊັ່ນ: ຣັນເວຍ໌ ເຊິ່ງທາງການສະຫະລັດ ໄດ້ພຸ່ງເປົ້າໄປທີ່ການທຳລາຍຊັບສິນ ບໍ່ແມ່ນຊີວິດ ແລະ ຕອນນີ້ຍັງບໍ່ທັນມີລາຍງານຂອງຜູ້ໄດ້ຮັບບາດເຈັບ ແລະ ເສຍຊີວິດເທື່ອ.

ໂດຍເຈົ້າໜ້າທີ່ຄົນໜຶ່ງບອກກັບສະຖານີ ເອັນບີຊີວ່າ ທາງການສະຫະລັດໄດ້ເຕືອນຣັສເຊຍກ່ອນທີ່ຈະມີການໂຈມຕີດັ່ງກ່າວ ແລະ ການຍິງມິສໄຊຄັ້ງນີ້ບໍ່ມີການພຸ່ງເປົ້າໄປທີ່ຊັບສິນຂອງຣັສເຊຍ

ດ້ານການທະຫານທີ່ຕໍ່ຕ້ານລັດຖະບານຂອງຣັສເຊຍໄດ້ອອກມາບອກວ່າ ພວກເຂົາຍິນດີທີ່ມີການໂຈມຕີຄັ້ງນີ້ “ກຸ່ມຕິດອາວຸດທີ່ຢູ່ຝ່າຍກົງກັນຂ້າງກັບລັດຖະບານຊີເຣຍ ຍິນດີທີ່ທາງການສະຫະລັດ ໄດ້ເຂົ້າມາແຊກແຊງຜ່ານການໂຈມຕີທີ່ແຫຼມຄົມ ເຊິ່ງການໂຈມຕີຄັ້ງນີ້ ຈະຊ່ວຍຫຼຸດອຳນາດຂອງທ່ານ ອັສຊາດ ໃນການທີ່ເຂົາຈະຂ້າຜູ້ຄົນ ແລະ ຊ່ວຍຜ່ອນຄາຍຄວາມທຸກຂອງຄົນໃນປະເທດ”

ທັງນີ້ ໄດ້ມີການຄາດການວ່າ ການໂຈມຕີຍິງມິສໄຊລຂອງສະຫະລັດ ໃນຄັ້ງນີ້ກໍ່ເພື່ອທີ່ຈະຕອບໂຕ້ລັດຖະບານຊີເຣຍທີ່ໃຊ້ອາວຸດເຄມີໂຈມຕີປະຊາຊົນ ຈົນມີຜູ້ຄົນເສຍຊີວິດເປັນຈຳນວນຫຼາຍກວ່າ 80 ຄົນ

ລາຍງານຍັງລະບຸອີກວ່າ ກ່ອນໜ້ານີ້ທ່ານ ໂດນັລ ທຣັມ ປະທານາທິບໍດີຂອງສະຫະລັດ ໄດ້ກ່າວເຖິງເຫດການທີ່ທ່ານ ບາຊາຣ໌ ອັລ-ອັສຊາດ ໃຊ້ອາວຸດເຄມີໂຈມຕີປະຊາຊົນ ຈົນມີຜູ້ຄົນເສຍຊີວິດຈຳນວນຫຼາຍວ່າ “ມັນຕ້ອງມີຄົນເຮັດຫຍັງຈັກຢ່າງ”

ໂດນັລ ທຣັມ ກ່າວ: “ຂ້ອຍຄິດວ່າສິ່ງທີ່ທ້າວ ອັສຊາດເຮັດນັ້ນ ເປັນສິ່ງທີ່ຊົ່ວຮ້າຍ ຂ້ອຍຄິດວ່າສິ່ງທີ່ເກີດຂຶ້ນໃນຊີເຣຍນັ້ນຄືໜຶ່ງໃນອາຊະຍາກຳທີ່ຊົ່ວຊ້າທີ່ສຸດ ມັນບໍ່ຄວນທີ່ຈະເກີດຂຶ້ນ ແລະ ບໍ່ຄວນທີ່ຈະມີໃຜປ່ອຍໃຫ້ມັນເກີດຂຶ້ນ ສິ່ງທີ່ເກີດຂຶ້ນໃນຊີເຣຍຖືເປັນຄວາມເສື່ອມຖອຍແຫ່ງມວນມະນຸດຊາດ ອັສຊາດຢູ່ບ່ອນນັ້ນ ແລະ ຄອຍຄວບຄຸມບັນຊາການຢູ່ ດັ່ງນັ້ນຄວນຈະມີໃຜລົງມືເຮັດຫຍັງຈັກຢ່າງ”

ນີ້ຖືເປັນຄັ້ງທຳອິດທີ່ທ່ານ ໂດນັລ ທຣັມ ມີຄຳສັ່ງໃນການໃຊ້ກຳລັງທະຫານ ໂດຍກ່ອນໜ້ານີ້ ປະຕິບັດການອື່ນໆ ໃນຊີເຣຍ, ເຢເມນ ແລະ ອິຣັກ ລ້ວນແລ້ວແຕ່ເປັນຄຳສັ່ງຂອງຜູ້ບັນຊາການທາງທະຫານ ແລະ ການໂຈມຕີຄັ້ງນີ້ຍັງເປັນການສົ່ງສັນຍານໄປເຖິງເກົາຫຼີເໜືອ, ອິຫລ່ານ ຮວມເຖິງສັດຕູຄົນອື່ນໆ ຂອງສະຫະລັດ ວ່າ ໂດນັລ ທຣັມ ພ້ອມທີ່ຈະລົງມືປະຕິບັດການສະເໝີ ແລະ ບາງຄັ້ງກໍ່ເປັນກນປະຕິບັດການໂດຍບໍ່ແຈ້ງໃຫ້ຮັບຮູ້ລ່ວງໜ້າ

ພາກຈາກ JIM WATSON / AFP, Twitter @worldnews_atv34

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...